პოლიტიკა
საზოგადოება
პოლიცია
მდინარე იორში ორ ადამიანს ეძებენ

საგარეჯოს მუნიციპალიტეტის სოფელ უჯარმაში, მდინარე იორში ორ ადამიანს ეძებენ. არსებული ინფორმაციით, ისინი ძმები არიან. საგანგებო სიტუაციების მართვის სამსახურის ინფორმაციით, ადგილზე მაშველები იმყოფებიან. მათივე ინფორმაციით, სამძებრო-სამაშველო სამუშაოები ამ დრომდე მიმდინარეობს.

1660852140

1660836480

მუხათგვერდის ძმათა სასაფლაოზე გიორგი ანწუხელიძის ხსოვნას პატივი მიაგეს

18 აგვისტო საქართველოს ეროვნული გმირის, უფროსი სერჟანტის, გიორგი ანწუხელიძის დაბადების დღეა. მას დღეს 38 წელი შეუსრულდებოდა.მუხათგვერდის ძმათა სასაფლაოზე, 2008 წლის რუსეთ-საქართველოს ომში გმირულად დაღუპული მებრძოლის საფლავთან მისი ოჯახის წევრები, თანამებრძოლები, გიორგი ანწუხელიძის სახელობის სერჟანტთა აკადემიისა და IV ქვეითი ბრიგადის 41-ე ბატალიონის სამხედრო მოსამსახურეები შეიკრიბნენ. მათ გმირის საფლავი გვირგვინით შეამკეს და პატივი მიაგეს მის ხსოვნას.დღესვე სერჟანტთა აკადემიის სახელით გიორგი ანწუხელიძის საფლავზე მემორიალური ქვა დაიდგა. IV ქვეითი ბრიგადის 41-ე ბატალიონის სამხედრო მოსამსახურეებმა კი ეროვნული გმირის ოჯახს სიმბოლური საჩუქარი – IV ქვეითი ბრიგადის საპატიო დაფა, წარწერით „მადლობა თქვენი სამსახურისა და გაწეული ღვაწლისთვის“ გადასცეს.უმცროსი სერჟანტი გიორგი ანწუხელიძე IV ქვეითი ბრიგადის 41-ე ბატალიონის სამხედრო მოსამსახურე იყო. გიორგი ანწუხელიძე დაჯილდოებულია ვახტანგ გორგასლის I ხარისხის ორდენით, უწყებრივი მედლით „სამშობლოსათვის თავდადებული“, მინიჭებული აქვს ეროვნული გმირის წოდება, მის სახელს ატარებს სერჟანტთა აკადემია.

1660828989

მეტროსადგურ "ახმეტელის თეატრის" მიმდებარე ტერიტორიის რეაბილიტაცია იწყება

გლდანის რაიონის გამგეობა 18 აგვისტოს, ღამის საათებში მეტროსადგურ "ახმეტელის თეატრის" მიმდებარე ტერიტორიის რეაბილიტაციას დაიწყებს.  - ამის შესახებ ინფორმაციას თბილისის მერია ავრცელებს. პროექტის შედეგად, შეიცვლება დაზიანებული ფილები, მოწესრიგდება საერთო სარგებლობის კიბეები და სანიაღვრე ქსელის ცხაურები. ძირითადად, პროცესი გვიან ღამით, მეტროსადგურის სამუშაო საათების დასრულების შემდეგ წარიმართება.გარდა ამისა, უახლოეს მომავალში მეტროსადგურ "ახმეტელის თეატრის" მიმდებარედ, სავაჭრო ცენტრ "მარიამსა" და "ევრაზიას" შორის არსებული ტერიტორიის მოწესრიგებაც დაიწყება და გამგეობის მიერ საგზაო ინფრასტრუქტურა და სივრცე კეთილმოეწყობა. აღნიშნული პროექტის დაგეგმარება ტრანსპორტისა და ურბანული განვითარების სააგენტოს მიერ განხორციელდა. ინფრასტრუქტურული სამუშაოების დასრულებისშემდეგ, სააგენტო ტერიტორიაზე მოსაცდელებს  განათავსებს.

1660828780

მომხმარებლები თბილისის მერიის სხვადასხვა ონლაინ აპლიკაციის გამოყენებას 22 აგვისტოდან ჩვეულ რეჟიმში შეძლებენ

თბილისის ყველა მუნიციპალური ელექტრონული სისტემა, სადაც გარკვეული ხარვეზები ფიქსირდებოდა, 22 აგვისტოდან შეუფერხებლად იმუშავებს.სისტემის განახლების გამო, რომელიც მიმდინარე წლის 15 აგვისტოდან დაიწყო, ფიქსირდებოდა ტექნიკური შეფერხებები და ზონალურ-საათობრივი პარკირების მომხმარებლები ელექტრონული სისტემების სრულად გამართვამდე, არ ჯარიმდებოდნენ. სხვადასხვა ონლაინ აპლიკაციის მომხმარებელთა გაერთიანების პერიოდში, სისტემაში არსებული ხარვეზები აღმოფხვრილია და 22 აგვისტოდან, ზონალურ-საათობრივი პარკირების მომხმარებლები სისტემით სარგებლობას ჩვეულ რეჟიმში შეძლებენ.ტექნიკური შეფერხებები ამ დროისთვის, ასევე, აღარ ფიქსირდება თბილისის ტაქსის მომხმარებლებისთვის. აღნიშნულ ინფორმაციას მოქალაქეები მოკლე ტექსტური შეტყობინების სახითაც მიიღებენ.თბილისის მუნიციპალური ელექტრონული სისტემების მოხმარების გამარტივების მიზნით, მოხდა სხვადასხვა ონლაინ აპლიკაციის მომხმარებელთა გაერთიანება ერთ მომხმარებლად (ერთი მომხმარებელი და ერთი პაროლი), რაც ელექტრონულ სისტემებში მოქალაქეთა მუშაობას გაამარტივებს.მონაცემთა სრულყოფისთვის, მოქალაქეებს ერთჯერადად მოუწევთ სისტემაში შესვლისას მათი ინფორმაციის განახლება და ხშირ შემთხვევაში, დამატება. მომხმარებლების გაერთიანების შემდეგ, მოქალაქეს ექნება შესაძლებლობა, ერთი მომხმარებლით ისარგებლოს შემდეგი ელექტრონული სისტემებით: თბილისის პარკინგი, თბილისის ტაქსი, ონლაინ განცხადებების პორტალი და ასე შემდეგ.ტექნიკური დახმარების საჭიროების შემთხვევაში, შეგიძლიათ, მიმართოთ მუნიციპალიტეტის სერვისცენტრებს ან დარეკოთ მუნიციპალური სერვისების განვითარების სააგენტოს ტექნიკურ ცხელ ხაზზე - 1399.


სხვა სიახლეები
პოლიცია
მდინარე იორში ორ ადამიანს ეძებენ

საგარეჯოს მუნიციპალიტეტის სოფელ უჯარმაში, მდინარე იორში ორ ადამიანს ეძებენ. არსებული ინფორმაციით, ისინი ძმები არიან. საგანგებო სიტუაციების მართვის სამსახურის ინფორმაციით, ადგილზე მაშველები იმყოფებიან. მათივე ინფორმაციით, სამძებრო-სამაშველო სამუშაოები ამ დრომდე მიმდინარეობს.

საზოგადოება 1660852140

18/08/2022
Reuters: რუსეთში, ბელგოროდის ოლქში საბრძოლო მასალის საწყობი იწვის

რუსეთში, ბელგოროდის ოლქში საბრძოლო მასალის საწყობი იწვის. - ამის შესახებ ინფორმაციას სააგენტო reuters-ი ოლქის გუბერნატორის განცხადებაზე დაყრდნობით ავრცელებს.როგორც სააგენტო ოლქის გუბერნატორის განცხადებაზე დაყრდნობით წერს, მსხვერპლი და დაზარალებულებები არ არიან.ასევე, სააგენტოს ცნობით, მომხდარის გამომწვევი მიზეზები ჯერ უცნობია.ასევე, reuters-ის ცნობით, ინციდენტი დასახლება ტიმონოვოსა და სოლიტისთან ახლოს მოხდა, რომლებიც უკრაინის საზღვრიდან 15 კილომეტრშია განლაგებული. ხანძრის გამო აღნიშნული დასახლებებიდან მოქალაქეების ევაკუაცია განხორციელდა.

მსოფლიო 1660850820

18/08/2022
[ვიდეო] "დავით არახამია ისეთი ქართველია, როგორიც შენ ჩინელი" - ჯონდი ბაღათურია

დავით არახამია არის მასხარა და ეგ ისეთი ქართველია, როგორიც შენ ჩინელი ჯონდი ბაღათურია - პოლიტიკოსი"ჯორჯიან თაიმსი" - გადაცემა "რეალური პოლიტიკა" 

ციტატა 1660849500

18/08/2022
"რუსეთთან მოლაპარაკება შესაძლებელია, თუ რუსული ჯარი დატოვებს უკრაინას" - ზელენსკი

"რუსეთთან მოლაპარაკება შესაძლებელია, თუ რუსული ჯარი დატოვებს უკრაინას," - ამის შესახებ უკრაინის პრეზიდენტმა, ვოლოდიმირ ზელენსკიმ თურქეთის პრეზიდენტთან გამართული შეხვედრის შემდეგ განაცხადა.ამასთან, ზელენსკიმ რეჯეფ ერდოღანთან შეხვედრაზე აღნიშნა, უკრაინის მხრიდან რუსეთის ფედერაციის მიმართ ნდობა არ არსებობს."მე ვუთხარი ჩემი მოსაზრება თურქეთის პრეზიდენტს, რომ რუსეთის ფედერაციის მიმართ ნდობა არ არსებობს. მიმაჩნია, რომ შესაძლებლობის ამ ფანჯარაში რუსული იარაღია გამოყოფილი. ძალიან მიკვირს, რომ რუსეთი მზადაა რაიმე სახის მშვიდობისთვის. ადამიანებს, ვინც ყოველდღე კლავენ, აუპატიურებენ, ფრთოსან რაკეტებს უშენენ ჩვენს ქალაქებს, სამოქალაქო ინფრასტრუქტურას, არ შეიძლება, მშვიდობა სურდეთ. ამიტომ ჩემი აზრით, ჯერ მათ უნდა გაათავისუფლონ ჩვენი ტერიტორიები და მერე. მერე იქნება მერე," – განაცხადა ზელენსკიმ.

მსოფლიო 1660847855

ტაივანი ამერიკა
"აშშ და ტაივანი ვაჭრობის საკითხებზე ოფიციალურ მოლაპარაკებებს იწყებენ" - აშშ-ს სავაჭრო წარმომადგენლის ოფისი

აშშ-ს სავაჭრო წარმომადგენლის ოფისის განმარტებით, აშშ და ტაივანი ვაჭრობის საკითხებზე ოფიციალურ მოლაპარაკებებს იწყებენ. მათივე განმარტებით,  სავაჭრო მოლაპარაკებების პირველი რაუნდი შემოდგომის დასაწყისში გაიმართება. დისკუსიები შეეხება ვაჭრობის ხელშეწყობას, რეგულირების საკითხებს, ანტიკორუფციულ სტანდარტებს, სოფლის მეურნეობის მიმართულებით ვაჭრობის გაღრმავებასა და სხვა საკითხებს.რაც შეეხება, ტაივანის სავაჭრო მოლაპარაკებების ოფისის განმარტებით, მათი ინფორმაციით, ის მიზნად ისახავს კუნძულის ეკონომიკის გაძლიერებას სოფლის მეურნეობის პროდუქტებით ვაჭრობის გზითა და მცირე და საშუალო საწარმოების ხელშეწყობით, რათა აშშ-ს ბაზრებზე მსხვილი ადგილი დაიკავონ."ვაჭრობის შესახებ მოლაპარაკებები გააღრმავებს ჩვენს სავაჭრო და საინვესტიციო ურთიერთობებს, ხელს შეუწყობს საერთო ღირებულებებზე დაფუძნებული სავაჭრო პრიორიტეტების განვითარებას, ინოვაციასა და ინკლუზიურ ეკონომიკურ ზრდას", - წერია ოფისის განცხადებაში.

მსოფლიო 1660846603

21/04/2022
"ზაპოროჟიეს ბირთვული ობიექტის ნებისმიერი პოტენციური დაზიანება სუიციდი იქნება - საჭიროა ტერიტორიის დემილიტარიზაცია" - გაეროს გენერალური მდივანი

"ზაპოროჟიეს ბირთვული ობიექტის ნებისმიერი პოტენციური დაზიანება სუიციდი იქნება - საჭიროა ტერიტორიის დემილიტარიზაცია," - ამის შესახებ გაეროს გენერალური მდივანმა, ანტონიო გუტერეშმა ვოლოდიმირ ზელენსკისთან და თურქეთის პრეზიდენტთან სამმხრივი შეხვედრის შემდეგ გამართულ პრესკონფერენციაზე განაცხადა.ამასთან, აღსანიშნავია, რომ გაეროს გენერალურმა მდივანმა პრესკონფერენციაზე სიტყვით გამოსვლისას ზაპოროჟიეს ატომური ელექტროსადგურის მიმდებარე ტერიტორიის "დემილიტარიზაციას" მოითხოვა.“ჩვენ არ უნდა დავიშუროთ ძალისხმევა, რომ ელექტროსადგურის ობიექტები ან მისი შემოგარენი არ იყოს სამხედრო ოპერაციების სამიზნე. სამხედრო ტექნიკა და პერსონალი უნდა გაყვანილ იქნას ელექტროსადგურიდან. ადგილზე ძალების ან აღჭურვილობის შემდგომი განლაგება თავიდან უნდა იქნას აცილებული. საჭიროა ტერიტორიის დემილიტარიზაცია”, - განაცხადა გაეროს გენმდივანმა.შეგახსენებთ, რომ დღეს, უკრაინის ქალაქ ლვოვში, უკრაინის პრეზიდენტის, თურქეთის პრეზიდენტისა და გაეროს გენერალური მდივნის სამმხრივი შეხვედრა გაიმართა.

მსოფლიო 1660845013