ალექსეი არესტოვიჩი
"დასავლეთი ახლა ადეკვატურობის გამოცდას აბარებს და ჯერჯერობით იჭრება" - ალექსეი არესტოვიჩი

უკრაინის პრეზიდენტის ადმინისტრაციის უფროსის მრჩევლის, ალექსეი არესტოვიჩის განცხადებით, დასავლეთი ახლა ადეკვატურობის ძალიან მნიშვნელოვან გამოცდას აბარებს და ჯერჯერობით იჭრება.არესტოვიჩის განცხადებით, ჩააბარებს, თუ არა დასავლეთი გამოცდას, ამას მხოლოდ მომავალი აჩვენებს."ჩააბარებენ თუ არა ისინი ამ გამოცდას, მომავალი გვიჩვენებს. დასავლეთი არ აწვდის უკრაინას ამერიკულ მრავალჯერად სარაკეტო სისტემებს (MLRS). ამერიკული ჯარის შეიარაღებაში 2000 ასეთი სისტემაა და მათ თავისუფლად შეეძლოთ უკრაინისთვის ამ სისტემების მოწოდება. მით უმეტეს, რომ არის ჩეხეთის მაგალითი, რომელმაც გადმოგვცა ასეთი სისტემები - და არანაირი ესკალაცია ამას არ მოჰყოლია. მეტიც, ჩეხეთში არც ბირთვული ბომბები ცვივა და მათ არც ნეგატიურ კონტექსტში ახსენებენ რუსულ პრესაში. ბატონებო პენტაგონიდან და ვაშინგტონიდან, მინდა მოგაწვდინოთ ხმა: ჩეხეთს შეეხო „მიუღებელი ესკალაცია“? არა. თქვენ რისი გეშინიათ? მით უმეტეს, რომ „ბირთვული ქოლგა“ გაქვთ და რუსულ ჯარზე დაახლოებით 1500-ჯერ უფრო ძლიერები ხართ“, - განაცხადა არესტოვიჩმა.

1653593615

გვარამია
"მე გამოვალ ციხიდან და სააკაშვილი კვდება, აი, ამაზე რას ფიქრობენ, წამების ქეისებს შეუშვებენ ევროკავშირში?" - ნიკა გვარამია

"თანახმა ვარ, რომ ჩემი საკანში ყოფნის პირობებშიც კი შევიდეთ ევროკავშირში, მაგრამ მიხეილ სააკაშვილთან დაკავშირებით ამას ვერ ვიტყვი, იმიტომ, რომ ის კვდება," - ამის შესახებ ნიკა გვარამიამ რუსთავის სასჯელაღსრულების დაწესებულებიდან "მთავარი არხთან" სატელეფონო ინტერვიუში განაცხადა."მე, ნიკა გვარამია, თანახმა ვარ, რომ ჩემი საკანში ყოფნის პირობებშიც კი შევიდეთ ევროკავშირში და დაე, მე ვიყო ამ საკანში. უბრალოდ, მიხეილ სააკაშვილთან დაკავშირებით ამას ვერ ვიტყვი, იმიტომ, რომ ის კვდება. ნიკა გვარამია გამოვა და ის კვდება, აი, ამაზე რას ფიქრობენ, ამას შეუშვებენ ევროკავშირში? წამების ქეისებს შეუშვებენ ევროკავშირში? არარსებულ სასამართლოს შეუშვებენ ევროკავშირში? ეს ხომ ცივილიზაციაა, რომელიც გიღებს თავის ნაწილად, რადგან მიაჩნიხარ მათნაირად, ღარიბაშვილს ჩათვლის თავისნაირად გინდა პოლონეთის პრეზიდენტი, გინდა გერმანიის პრემიერი?" - განაცხადა ნიკა გვარამიამ.

1653592460

26/05/2022
[ვიდეო] "მოვიდა მანიაკი და ებღაუჭება იმას, რაც არ არის!" - აკაკი ასათიანი ვლადიმერ პუტინზე

მოვიდა მანიაკი და ებღაუჭება იმას, რაც არ არის, ამიტომაა საშიში, თორემ რისი გამკეთებელია, ვხედავთ რას დაემსგავსა შიშისგან აკაკი ასათიანი - საქართველოს ტრადიციონალისტთა კავშირის თავმჯდომარე "ჯორჯიან თაიმსი" - გადაცემა "ჩაი"ეს განცხადება მან გადაცემაში რუსეთის პრეზიდენტზე ვლადიმერ პუტინზე საუბრისას გააკეთა.იხ: ვიდეო: 

1653591549

შოლცი
"რუსეთის მიერ უკრაინის დაპყრობა ახლა იმაზე უფრო ნაკლებად რეალურია, ვიდრე ომის დასაწყისში იყო" - ოლაფ შოლცი

გერმანიის კანცლერმა, ოლაფ შოლცმა დავოსის ეკონომიკურ ფორუმზე სიტყვით გამოსვლისას  უკრაინაში რუსეთის ომს ჩავარდნა უწოდა.ამასთან, როგორც გერმანიის კანცლერმა ფორუმზე სიტყვით გამოსვლისას განაცხადა, რუსეთის პრეზიდენტმა, ვლადიმერ პუტინმა ვერცერთ სტრატეგიულ მიზანს ვერ მიაღწია, ხოლო რუსეთის მიერ უკრაინის დაპყრობა ახლა იმაზე უფრო ნაკლებად რეალურია, ვიდრე ომის დასაწყისში იყო."ჩვენი მიზანი აბსოლუტურად ნათელია - არ უნდა დავუშვათ, რომ პუტინმა ომი მოიგოს, და მე დარწმუნებული ვარ, რომ ის ომს ვერ მოიგებს. მნიშვნელოვანია, ნათლად ვაჩვენოთ პუტინს, რომ დიქტატის პირობებში მშვიდობა არ იქნება - ამას არც უკრაინა მიიღებს და არც ჩვენ," - განაცხადა ოლაფ შოლცმა.

1653591245

06/03/2022
"გრძელვადიან პერსპექტივაში, გლობალური უსაფრთხოებისთვის ჩინეთი უფრო დიდი საფრთხეა, ვიდრე რუსეთი" - ენტონი ბლინკენი

აშშ-ის სახელმწიფო მდივანმა, ენტონი ბლინკენმა ჯორჯ ვაშინგტონის უნივერსიტეტში სიტყვით გამოსვლისას განაცხადა, რომ გრძელვადიან პერსპექტივაში გლობალური უსაფრთხოებისთვის ჩინეთი უფრო დიდი საფრთხეა, ვიდრე რუსეთი. "ჩინეთი არის ერთადერთი ქვეყანა, რომელსაც აქვს განზრახვა, ისევე როგორც ეკონომიკური, ტექნოლოგიური, სამხედრო და დიპლომატიური საშუალებები, განავითაროს საერთაშორისო წესრიგის განსხვავებული ხედვა. საერთაშორისო წესრიგის საფუძვლები სერიოზული და მდგრადი საფრთხის ქვეშაა.მაშინ, როდესაც რუსეთი აშკარად მობილიზებული იყო უკრაინაში შეჭრისთვის, პრეზიდენტმა სი ძინპინმა და პრეზიდენტმა ვლადიმერ პუტინმა განაცხადეს, რომ მათ ქვეყნებს შორის მეგობრობა იყო, ვციტირებ, „საზღვრების გარეშე“.ჩვენი ამოცანაა, კიდევ ერთხელ დავამტკიცოთ, რომ დემოკრატიას შეუძლია გადაუდებელი გამოწვევების დაძლევა, შესაძლებლობების შექმნა, ადამიანის ღირსების წინსვლა, რომ მომავალი ეკუთვნის მათ, ვისაც სჯერა თავისუფლების და რომ ყველა ქვეყანა თავისუფალი იქნება, იძულების გარეშე გაარკვიოს საკუთარი გზები. ჩვენ არ ვეძებთ კონფლიქტს ან ახალ ცივ ომს.პირიქით, ჩვენ გვსურს თავიდან ავიცილოთ ორივე. მიუხედავად იმისა, რომ პრეზიდენტი პუტინის ომი გრძელდება, ჩვენ ვიქნებით ორიენტირებულნი საერთაშორისო წესრიგის ყველაზე სერიოზულ გრძელვადიან გამოწვევაზე – და ეს არის ჩინეთის სახალხო რესპუბლიკის მიერ შექმნილი," – თქვა ენტონი ბლინკენმა.

1653590284

კრემლი
"პუტინმა იტალიის პრემიერს განუცხადა, რომ რუსეთი მზადაა მარცვლეულის ექსპორტისთვის, თუ დასავლეთი სანქციებს მოხსნის" - კრემლი განცხადებას ავრცელებს

კრემლის ინფორმაციით, რუსეთის პრეზიდენტმა, ვლადიმერ პუტინმა იტალიის პრემიერ-მინისტრთან, მარიო დრაგთან სატელეფონო საუბრისას განაცხადა, რომ რუსეთი მზადაა მარცვლეულის ექსპორტისთვის, თუ დასავლეთი სანქციებს მოხსნის. ამასთან, კრემლის ინფორმაციითვე, ვლადიმერ პუტინმა იტალიის პრემიერ-მინისტრთან სატელეფონო საუბარში საუბარში აღნიშნა, რომ უკრაინამ მოლაპარაკების პროცესი გაყინა.ვლადიმერ პუტინმა ხაზგასმით აღნიშნა, რომ რუსეთის ფედერაცია მზად არის, მნიშვნელოვანი წვლილი შეიტანოს სასურსათო კრიზისის დაძლევაში მარცვლეულისა და სასუქების ექსპორტით, დასავლეთის მხრიდან პოლიტიკურად მოტივირებული შეზღუდვების მოხსნის პირობით“ – ნათქვამია კრემლის მიერ გავრცელებულ განცხადებაში.

1653588700

იენს სტოლტენბერგი
"უკრაინაში ორი ამოცანა გვაქვს - დავეხმაროთ უკრაინას და არ დავუშვათ ომის ესკალაცია" - იენს სტოლტენბერგი

"ჩრდილოატლანტიკურ ალიანსს უკრაინაში ორი ამოცანა აქვს - დაეხმაროს უკრაინას და არ დაუშვას ომის ესკალაცია," - ამის შესახებ ნატოს გენერალურმა მდივანმა, იენს სტოლტენბერგმა ბერძნულ გამოცემა Capital-თან ინტერვიუში განაცხადა.სტოლტენბერგის თქმით, არავინ იცის, როდის დასრულდება ომი. ამასთან, ამავე ინტერვიუში ნატოს გენერალურმა მდივანმა მოკავშირეებს მოუწოდა, რომ უკრაინისთვის ხანგრძლივი მხარდაჭერისა და მისი მომარაგებისთვის მზად იყვნენ."არავინ იცის, როდის დასრულდება ომი, მაგრამ ჩვენ ყველაფრისთვის უნდა ვიყოთ მზად. ამიტომ მოვუწოდებ მოკავშირეებს, მზად იყვნენ ხანგრძლივი მხარდაჭერისთვის და მომარაგების უზრუნველყოფისთვის. უკრაინაში ნატოს ორი ამოცანა აქვს. პირველი ამოცანა უკრაინისთვის დახმარების აღმოჩენაა, მეორე ამოცანა კი ომის ესკალაციის არდაშვება. ნატოს მთავარი ვალდებულება ყველა მოკავშირე ქვეყნის, ნატოს ქვეყნებში მცხოვრები მილიარდი ადამიანის დაცვაა. ამისთვის საჭიროა, რომ ომის ესკალაცია არ დავუშვათ," - განაცხადა სტოლტენბერგმა ბერძნულ გამოცემასთან ინტერვიუში.

1653588119

26/05/2022
"ლიეტუვა ყოველთვის იდგება საქართველოს გვერდით, რადგან ლიეტუველებს ასევე კარგად ესმით თავისუფლების ფასი და მნიშვნელობა" - ანდრიუს კალინდრა

საქართველოში ლიეტუვის ელჩი ანდრიუს კალინდრა მოქალაქეებს დამოუკიდებლობის დღეს ულოცავს.როგორც კალინდრა გავრცელებულ ვიდეომიმართვაში ამბობს, თავისუფლება და დამოუკიდებლობა ყველაზე ძვირფასი რამაა, რაც ერს ან პიროვნებას შეიძლება გააჩნდეს."თავისუფლება და დამოუკიდებლობა ყველაზე ძვირფასი რამაა, რაც ერს ან პიროვნებას შეიძლება გააჩნდეს - შესაძლებლობა მისდიო საკუთარ მიზნებსა და ოცნებებს გარე შეზღუდვების გარეშე. სწორედ ეს ხდის ბედნიერებას და წარმატებას შესაძლებელს. ლიეტუვა ყოველთვის იდგება საქართველოს გვერდში მისი დამოუკიდებლობის მხარდასაჭერად, რადგან ლიეტუველებს ასევე კარგად ესმით თავისუფლების ფასი და მნიშვნელობა. ჩემი აზრით ეს არის, რაც ყველაზე მეტად აკავშირებს ჩვენს ერებს“, - განაცხადა კალინდრამ ვიდეომიმართვაში.

1653587847

26/05/2022
[ვიდეო] "მარადიულად ვისაც ეგონა რომ იქნებოდა, ზის იქ სადაც ზის" - ლადო ბოჟაძე მიხეილ ქავთარაძეს

"მარადიულად ვისაც ეგონა რომ იქნებოდა, ზის იქ სადაც ზის," - ასე უპასუხა "ქართული ოცნების" წევრმა ლადო ბოჟაძემ "ჯორჯიან თაიმსის" გადაცემაში "დროული კითხვები" გამართული დიალოგის დროს მოძრაობა "ტრიბუნას" წევრს, მიხეილ ქავთარაძეს.მანამდე კი, მიხეილ ქავთარაძემ გადაცემაში საუბრისას განაცხადა, რომ საჯარო მოხელეები თანამდებობაზე მარადიულად რჩებიან."ხალხი გარბის ქვეყნიდან, საჯარო მოხელეები კი რჩებით და მარადიულად იქნებით," - განაცხადა მიხეილ ქავთარაძემ.იხ: ვიდეო: 

1653586092

ლევან ხაბეიშვილი
"ფიცი მწამს, ბოლო მაკვირვებს! - დღეს მზე იყო და სალომე ზურაბიშვილს გონება განათებია" - ლევან ხაბეიშვილი

"ნაციონალური მოძრაობის" წევრი ლევან ხაბეიშვილი საქართველოს პრეზიდენტის, სალომე ზურაბიშვილის დღევანდელ განცხადებას ეხმიანება, რომლის თანახმადაც, საჭიროა ძალაუფლების დაბალანსება ავტორიტარიზმის ცდუნების ასაცილებლად."ფიცი მწამს, ბოლო მაკვირვებს. დღეს მზე იყო და სალომე ზურაბიშვილს გონება განათებია და ამბობს, რომ ავტორიტარიზმიაო, ქვეყანაში პრობლემები გვაქვსო და სასამართლოს მიმართულებით კატასტროფულ პირობებში ვართო. თუმცა, ავიწყდება, რომ კონკრეტული ინსტრუმენტები მის ხელშია. მაგალითად, სასამართლოს არაკეთილსინდისიერებასთან დაკავშირებით, პრეზიდენტ სააკაშვილისა და ნიკა გვარამიას საქმეებთან დაკავშირებით, მას პირადად შეუძლია ამის მოგვარება.ასევე, როცა ავტორიტარიზმზე საუბრობს და იმაზე, რომ ქვეყანაში დემოკრატიის განვითარების მხრივ პრობლემებია, აგრეთვე აქვს კონკრეტული ბერკეტები, რომლებიც შეუძლია, რომ გამოიყენოს, მაგრამ ამას არ აკეთებს. ის გვიყვება, დაახლოებით რა პრობლემებშიც ვართ და ეს საქართველოს მოქალაქეებმაც იციან. შემოგვჩივლა ახლა, მე კი ყველაფერი ვიცი და ინსტრუმენტებიც მაქვს, მაგრამ ჩემი თავი გამჭირვებია და აბა სამართლიან ნაბიჯებს როგორ გადავდგამო," - განაცხადა ლევან ხაბეიშვილმა.ცნობისთვის, საქართველოს პრეზიდენტმა, სალომე ზურაბიშვილმა 26 მაისისადმი მიძღვნილ ღონისძიებაზე სიტყვით გამოსვლისას განაცხადა, რომ საჭიროა ძალაუფლების დაბალანსება ავტორიტარიზმის ცდუნების ასაცილებლად. 

1653585728

ილია მეორე
"გილოცავთ ჩვენი მეობის, ჩვენი იდენტობის განმსაზღვრელ ერთ-ერთ უმთავრეს თარიღს" - ილია მეორე

სრულიად საქართველოს კათოლიკოს-პატრიარქი საქართველოს დამოუკიდებლობის დღესთან დაკავშირებით მილოცვას ავრცელებს."ყველა ქართველს, საქართველოს ყველა მოქალაქეს, უცხოეთში მცხოვრებ თანამემამულეთ და ჩვენი ქვეყნის ყველა გულშემატკივარს გულითადად ვულოცავ საქართველოს დამოუკიდებლობის დღეს, 26 მაისს, - ჩვენი მეობის, ჩვენი იდენტობის განმსაზღვრელ ერთ-ერთ უმთავრეს თარიღს. ღმერთმა გაგახაროთ და დალოცოს თითოეული თქვენგანი! ღმერთმა მშვიდობით აკურთხოს საქართველო!" - ნათქვამია პატრიარქის მილოცვის წერილში.

1653585406

გიორგი ვაშაძე
"არ არის პათეთიკის და ურთიერთშეგონების დრო, ახლა გადამწყვეტი ნაბიჯების გადადგმის დროა" - გიორგი ვაშაძე

"არ არის პათეთიკის და ურთიერთშეგონების დრო, ახლა გადამწყვეტი ნაბიჯების გადადგმის დროა," - ამის შესახებ "სტრატეგია აღმაშენებლის" თავმჯდომარემ, გიორგი ვაშაძემ ჟურნალისტებთან საუბრისას განაცხადა.ამასთან, როგორც ვაშაძემ ჟურნალისტებს განუცხადა, ახლა დროა, საქართველომ აჩვენოს და მნიშვნელოვანი ნაბიჯები გადადგას, რომელიც ჩვენს სამშობლოს ევროპულ მომავალს და კანდიდატის სტატუსის მოპოვებას შეაძლებინებს."დღეს მოვისმინე განცხადებები პრეზიდენტისგან, პრემიერისგან, პარლამენტის თავმჯდომარისგან - გულზე მჯიღს ყველანი ვირტყამთ, რომ სამშობლო გვიყვარს და ახლა სამშობლო გვიხმობს, რომ გადამწყვეტი ნაბიჯები გადავდგათ, 15 ივნისამდე საქართველომ ერთიანობა აჩვენოს და გადადგას ნაბიჯები, რომელიც ჩვენს სამშობლოს ევროპულ მომავალს და კანდიდატის სტატუსის მოპოვებას შეაძლებინებს.როგორც ევროკავშირის ელჩმა თქვა, დღეს ისე როგორც არასდროს ჩვენ გადამწყვეტი ნაბიჯების გადადგმა გვჭირდება, ნაკლები პათეტიკა, ნაკლები მოწოდებები, ურთიერთ შეგონებები ერთმანეთისთვის და საერთო სამოქმედო გეგმის გაერთიანება, გადამწყვეტი ნაბიჯების გარშემო, რომ საქართველომ ევროკავშირის კანდიდატის სტატუსი მიიღოს. ეს არის ის შესაძლებლობა, რაც დღეს ჩვენ გვაქვს.მართლმსაჯულების რეფორმის კანონი რეგისტრირებულია - მივიღოთ პირველი მოსმენით. საკონსტიტუციო ცვლილებები მეორე და მესამე მოსმენით მივიღოთ. ასევე, პრეზიდენტს შეუძლია ნიკა გვარამია შეიწყალოს. იუსტიციის სამინისტროს და პრემიერს შეუძლია, მიხეილ სააკაშვილთან უცხოელი ექიმები დაუშვას. ძალიან მარტივია იმ ნაბიჯების ჩამონათვალი, რომლითაც დასავლეთი გზავნილს დაინახავს, რომ საქართველო კანდიდატის სტატუსს იმსახურებს," - განაცხადა გიორგი ვაშაძემ.

1653584972