ჯოზეფ ბორელი
"კრემლი კვლავ იმავე სქემით მოქმედებს, რომლითაც 2008 წელს საქართველოში და 2014 წელს ყირიმში მოქმედებდა" - ჯოზეფ ბორელი

"კრემლი კვლავ იმავე სქემით მოქმედებს, რომლითაც 2008 წელს საქართველოში და 2014 წელს ყირიმში მოქმედებდა," - ასე ეხმაურება საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელი ჯოზეფ ბორელი რუსეთის მიერ უკრაინის ოკუპირებულ ტერიტორიაზე „რეფერენდუმის“ ჩატარებას.მისი თქმით, უკრაინის ტერიტორიაზე ყალბი რეფერენდუმები საერთაშორისო სამართლის და გაეროს ქარტიის აშკარა დარღვევაა.„უკანონო რეფერენდუმებთან დაკავშირებით მინდა აღვნიშნო, რომ კრემლი კვლავ იმავე სქემით მოქმედებს, რომლითაც 2008 წელს საქართველოში და 2014 წელს ყირიმში მოქმედებდა. უკრაინის ტერიტორიაზე ყალბი რეფერენდუმები საერთაშორისო სამართლის და გაეროს ქარტიის აშკარა დარღვევაა. ევროკავშირი რუსეთის წინააღმდეგ სანქციებს აფართოებს და მასში როგორც ფიზიკური, ისე იურიდიული პირები მოხვდებიან. საუბარია 1300-ზე მეტ პირზე, აღნიშნული სია ძირითადად მიმართულია, გადაწყვეტილების მიმღებ ადამიანებზე, ოლიგარქების, სამხედრო მაღალჩინოსნების და პროპაგანდისტების წინააღმდეგ, რომლებიც პასუხისმგებელი არიან უკრაინის ტერიტორიული მთლიანობის ძირის გამოთხრაში“, - განაცხადა ბორელმა.ცნობისათვის, უკრაინის ოთხი ოლქის დროებით ოკუპირებულ ტერიტორიებზე ე.წ. „რეფერენდუმები“ 23-27 სექტემბერს გაიმართა. საოკუპაციო რეჟიმმა „რეფერენდუმების“ შედეგები გამოაქვეყნა, რომლის თანახმადაც რუსეთთან შეერთებას „კენჭისყრაში“ მონაწილეების დიდი ნაწილი უჭერს მხარს.

1664437060

პრეზიდენტმა მომღერალი ნათია თოდუა ღირსების მედლით დააჯილდოვა
პრეზიდენტმა მომღერალი ნათია თოდუა ღირსების მედლით დააჯილდოვა

საქართველოს პრეზიდენტმა დღეს მომღერალი ნათია თოდუა თანამედროვე ქართული მუსიკალური ხელოვნების განვითარებასა და საზღვარგარეთ მის პოპულარიზაციაში შეტანილი პირადი წვლილისთვის, ნაყოფიერი შემოქმედებითი მოღვაწეობისათვის ღირსების მედლით დააჯილდოვა.დაჯილდოების ცერემონია ორბელიანების სასახლეში გაიმართა და მას სახელოვნებო სფეროს წარმომადგენლები ესწრებოდნენ.სახელმწიფო ჯილდო ნათია თოდუას პრეზიდენტმა პირადად გადასცა და შემოქმედებით საქმიანობაში წარმატებები უსურვა.ნათია თოდუამ მადლობა გადაუხადა პრეზიდენტს ამ უდიდესი ჯილდოსათვის და განაცხადა, რომ ძალისხმევას არ დაიშურებს მსოფლიო ასპარეზზე ქართული კულტურის პოპულარიზაციისათვის. "პირობას ვდებ, რომ ყველაფერს გავაკეთებ, რათა ჩვენ ყველა ერთად დავბრუნდებით აფხაზეთში!"- განაცხადა მომღერალმა.

1664436876

ვიოლა ფონ კრამონი
"ლუკაშენკო ტერორისტია, პუტინის მარიონეტი და არალეგიტიმური მმართველი, რომელსაც ევროკავშირი არ აღიარებს" - ვიოლა ფონ კრამონი

"ლუკაშენკო ტერორისტია, პუტინის მარიონეტი და არალეგიტიმური მმართველი, რომელსაც ევროკავშირი არ აღიარებს", - ასე ეხმიანება ევროპარლამენტარი ვიოლა ფონ კრამონი ოკუპირებულ აფხაზეთში ბელარუსის პრეზიდენტის ჩასვლას.მისი თქმით, ეს კიდევ ერთი შეხსენებაა მათთვის საქართველოში, ვინც რუსეთის გულის მოლბობას ცდილობს, რომ ბოროტებისთვის გულის მოლბობა ყოველთვის უკან დაგიბრუნდებათ.„ლუკაშენკო ტერორისტია, პუტინის მარიონეტი და არალეგიტიმური მმართველი, რომელსაც ევროკავშირი არ აღიარებს. მისი ვიზიტი აფხაზეთში ან აფხაზეთის აღიარებს დიდს არაფერს ნიშნავს. მაგრამ ეს კიდევ ერთი შეხსენებაა მათთვის საქართველოში, ვინც რუსეთის გულის მოლბობას ცდილობს, რომ ბოროტებისთვის გულის მოლბობა ყოველთვის უკან დაგიბრუნდებათ. ლუკაშენკო პუტინთან ერთად დასრულდება“, - წერს ფონ კრამონი.შეგახსენებთ, ბელარუსის პრეზიდენტი ალექსანდრე ლუკაშენკო ოკუპირებულ აფხაზეთში გუშინ ჩავიდა. ლუკაშენკო აფხაზეთის ე.წ. პრეზიდენტს ასლან ბჟანიას ბიჭვინთის აგარაკზე შეხვდა.  #Lukashenko is a terrorist, #Putin's puppet & illegitimate ruler not recognised by the #EU. His visit or recognition of #Abkhazia doesn't mean much. But it is a reminder 4 all 🇷🇺#Russia-appeasers in 🇬🇪#Georgia that appeasing evil always backfires.Lukashenko will end with Putin! pic.twitter.com/fy4UWosy5E — Viola von Cramon 🇺🇦🇪🇺 (@ViolavonCramon) September 29, 2022

1664436482

ბაიდენი პუტინი
აშშ და დასავლეთი ცდილობენ პუტინზე ზეწოლაში ინდოეთი და ჩინეთი ჩართონ - Politico

აშშ და მისი მოკავშირეები იმედოვნებენ, რომ გააერთიანებენ საერთაშორისო საზოგადოებას, რათა გაუგზავნონ უტყუარი გზავნილი ვლადიმერ პუტინს: ბირთვული იარაღის გამოყენება გამოიწვევს დამღუპველ ეკონომიკურ და დიპლომატიური პასუხის, თუნდაც რუსეთის მეგობრების მხრიდან. ამის შესახებ Politico-ს მასალაში წყაროებთან კომუნიკაციაზე დაყრდნობით წერს European Truth.დასავლეთი ცდილობს გააერთიანოს მეტი ქვეყანა, რათა მკაფიო სიგნალი გაუგზავნოს რუსეთის პრეზიდენტს, რომ ბირთვული იარაღის გამოყენებას ექნება ძალიან მკაცრი ეკონომიკური და დიპლომატიური პასუხი იმ ქვეყნებისგანაც კი, რომლებსაც რუსეთი მეგობრულად მიიჩნევს.ბაიდენის ადმინისტრაციაში და ექსპერტულ წრეებში  განსაკუთრებით მნიშვნელობას ინდოეთისა და ჩინეთის ჩართვას ანიჭებენ.როგორც სახელმწიფო დეპარტამენტის სპიკერი აცხადებს, ამერიკელი დიპლომატები უკვე მუშაობენ წყნარი ოკეანის რეგიონის ქვეყნებთან და მოუწოდებენ მათ ზეწოლა მოახდინონ პუტინზე და დაარწმუნონ ის უარი თქვას ბირთვული იარაღის იდეაზე. თანამოსაუბრის თქმით, შედგა საუბრები რამდენიმე ქვეყანასთან, „როგორც მოკავშირეებთან, პარტნიორებთან და პირიქით“.აშშ-ის ოფიციალური პირები მიიჩნევენ, რომ ჩინეთის პრეზიდენტის სი ძინპინის და ინდოეთის პრემიერ-მინისტრის  პოზიცია პუტინისთვის მნიშვნელოვანი არგუმენტი იქნება.თეთრი სახლი შეშფოთებულია რუსეთში ბირთვული რიტორიკით, მაგრამ ჯერჯერობით აშშ-ს არ უნახავს მტკიცებულება იმისა, რომ რუსეთი ნამდვილად აპირებს ბირთვული იარაღის გამოყენებას.დაზვერვა მიიჩნევს, რომ ეს არ შეიცვლება რუსეთის ფედერაციის მიერ ოკუპირებულ უკრაინის ტერიტორიებზე ფსევდორეფერენდუმის შედეგების გამოცხადების შემდეგაც.

1664436220

ყირიმი
რუსეთი ყირიმელი თათრების მობილიზებას ახორციელებს და მათ ყველაზე ცხელ წერტილებში აგზავნის - უკრაინის გენშტაბი

გენერალური შტაბი იუწყება, რომ ოკუპანტებს დაევალათ ყირიმში ყირიმელი თათრების მობილიზება პირველ რიგში და მათი გაგზავნა ყველაზე ინტენსიური საომარი მოქმედებების ადგილებში - ინფორმაციას უკრაინული მედია შეიარაღებული ძალების გენერალური შტაბზე დაყრდნობით ავრცელებს.”ცნობილია 27 სექტემბერს სევასტოპოლიდან ხერსონის რეგიონში ყირიმიდან მობილიზებული ორი ათასი ადამიანის გაგზავნის შესახებ.გარდა ამისა, ყირიმის ავტონომიური რესპუბლიკის დროებით ოკუპირებულ ტერიტორიაზე სამხედრო კომისრებმა მიიღეს ბრძანება ყირიმელი თათრების პრიორიტეტად გაწვევა რუსეთის საოკუპაციო ძალების რიგებში, რომლებიც შეასრულებენ საომარ დავალებებს ყველაზე ინტენსიურ ადგილებში. გენერალური შტაბის ინფორმაციით, მიმდინარე წლის 26 სექტემბერს, მხოლოდ საქის რაიონში რუსეთმა ყირიმელი თათრებიდან 21 ადამიანის მობილიზაცია მოახდინა.

1664435327

ცხინვალი
რუსეთში გამოცხადებული მობილიზაციის გამო, ოკუპირებული ცხინვალი მოქალაქეებს მოუწოდბს, ე.წ. საზღვრის კვეთისას დე ფაქტო პასპორტები გამოიყენონ

სამხრეთ ოსეთის დე ფაქტო რესპუბლიკის ე.წ. თავდაცვის სამინისტრო რეკომენდაციას გასცემს, რუსეთში გამოცხადებული მობილიზაციის გამო, "საზღვრის კვეთისას" ე.წ. სამხრეთ ოსეთის რესპუბლიკის მოქალაქის პასპორტი გამოიყენონ. ე.წ-მა თავდაცვის სამინისტრომ ეს განცხადება მას შემდეგ გაავრცელა, რაც ცნობილი გახდა, რომ ზემო როკის ე.წ. გამშვებ პუნქტზე ცხინვალში დაბრუნების მსურველ ადგილობრივ მოქალაქეებს, რუსეთის წარმომადგენლებმა სამხედრო-სამობილიზაციო უწყებები გადასცეს."სამხრეთ ოსეთის რესპუბლიკის თავდაცვის სამინისტრო რეკომენდაციას აძლევს დეპარტამენტის სამხედრო პერსონალს და სამოქალაქო პერსონალს სამხრეთ ოსეთის რესპუბლიკის სახელმწიფო საზღვარი რუსეთის ფედერაციასთან გადაკვეთონ სამხრეთ ოსეთის რესპუბლიკის მოქალაქის პასპორტით. მათ შორის, თან გქონდეთ სამხედრო მოსამსახურის პირადობის მოწმობა, სამხედრო პირადობის მოწმობა და ცნობა სამუშაო ადგილიდან", - წერს ე.წ. სამინისტრო. 

1664435220

218
218-ე დღე: ომი უკრაინაში - დღის სტენოგრამა

* ოკუპანტების მიერ დნეპროპეტროვსკის ოლქის ქალაქ დნიპროს დაბომბვის შედეგად სამი ადამიანი დაიღუპა, - ამის შესახებ დნეპროპეტროვსკის რეგიონალური სამხედრო ადმინისტრაციის ხელმძღვანელი, ვალენტინ რეზნიჩენკო „ტელეგრამზე“ იუწყება. მისი თქმით, დაღუპულებს შორის ერთი ბავშვია.* აშშ უკრაინას ზალპური ცეცხლის რეაქტიული სისტემის HIMARS-ის დამატებით 18 ერთეულს გადასცემს. ამის შესახებ „ეხო კავკაზა“ იუწყება. * ომის შესწავლის ინსტიტუტის ანალიტიკოსების (ISW) თქმით, ლიმანთან რუსული ჯარები შესაძლოა, გარდაუვალი კოლაფსის წინაშე აღმოჩნდნენ. * „ვისაც მხოლოდ რუსული ესმის, თუ ცხოვრება გინდა, გაიქეცი, თუ გინდა იცოცხლო, დანებდი“, - ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვისას განაცხადა. 

1664434837

ლარსი
მობილიზაციის გამოცხადებიდან რუსეთი უფრო მეტმა ადამიანმა დატოვა, ვიდრე თებერვლის ომში იყო ჩართული - ბრიტანული დაზვერვა

ბრიტანული დაზვერვის თანახმად, ერთ კვირაში, უფრო მეტი ადამიანი გაიქცა რუსეთიდან მობილიზაციის გამოცხადების გამო, ვიდრე უკრაინაზე სრულმასშტაბიანი თავდასხმის დასაწყისში რუსული ჯარების დაჯგუფებაში იყო. „შვიდი დღის განმავლობაში, რაც პრეზიდენტმა პუტინმა გამოაცხადა „ნაწილობრივი მობილიზაცია“, მოხდა რუსების საკმაოდ მასიური გასვლა ქვეყნიდან, რომლებსაც არ სურთ ობში ჩაბმა“, - აღნიშნავს სადაზვერვო სააგენტო.ამასთან, რამდენადაც ცნობილია, გაქცეულებს შორის ყველაზე მდიდარი და განათლებული ხალხი ჭარბობს .- ნათქვამია ბრიტანული დაზვერვის ანგარიშში.დაზვერვამ აღნიშნა, რომ რუსული ძალები, პოლიტიკური ზეწოლის გამო, აგრძელებენ თავდასხმის მცდელობას ბახმუტზე, ნაცვლად მათი ფლანგების გაძლიერებისა. 

1664434653

გია გეწაძე
"მთავარი ოპოზიციური პარტია ითხოვს 1000 ლარს ბიძინას ბიუჯეტში იმ ხალხისთვის ვინც ჩვენ გვკლავს" - გია გეწაძეს

„ნაციონალური მოძრაობის“ ინიციატივას რუსეთის მოქალაქეებისთვის 1000-ლარიანი „საოკუპაციო შენატანის“ დაწესებასტან დაკავშირებით, სოციალურ ქსელში ყოფილი პარლამენტარი, საქართველოსა და უკრაინის ყოფილი მთავრობების მაღალჩინოსანი გია გეწაძ გამოეხამურა.გეწაძე  საქართველოს ყველაზე დიდი ოპოზიციური პარტიის წარმომადგენლებს შურცხმყოფელი სიტყვებით მიმართავს და შახსენებს, რომ უკრაინაში მიმდინარე ომის ფონზე, მათი ინიციატივა უადგილოა.„მეგობრებო, აქ ომია უკრაინაში, ისე, რომ იცოდეთ ყოველი შემთხვევისთვის...როცა ომია და ოკუპანტი გკლავს და ამ დროს მთავარი ოპოზიციური პარტია ითხოვს 1000 ლარს ბიძინას ბიუჯეტში იმ ხალხისთვის ვინც ჩვენ გვკლავს...  დიდი ბოდიში ძმებო მაგრამ უკრაინაში არ დაგინახოთ ჩამოთრეულები,“ - წერს გია გეწაძე.ცნობისათვის, „ნაციონალურმა მოძრაობამ“ რუსეთის მოქალაქეებისთვის 1000-ლარიანი „საოკუპაციო შენატანის“ დაწესების ინიციატივასთან დაკავშირებით განცხადება გაავრცელა.როგორც პარტიაში განმარტავენ, აღნიშნული კანონი პირებს დაავალდებულებს, რომ საოკუპაციო შენატანის გადახდის დამადასტურებელი ქვითრები წარადგინოს ნებისმიერ კერძო და საჯარო დაწესებულებებში, იმისათვის, რომ მიიღოს სასურველი მომსახურება.

1664434416

ივანიშვილი
"სიაში არიან საქართველოს მოქალაქეები, მათ შორის, ივანიშვილი, მაგრამ ეს არ ნიშნავს იმას, რომ ის აუცილებლად იქნება სანქცირებული"- სასანქციო სიაზე მომუშავე ჯგუფის წევრი

უკრაინის დამოუკიდებელი ანტიკორუფციული კომისიის წარმომადგენელი სვეტლანა მუსიიაკა, რომელიც უკრაინის კორუფციის პრევენციის ეროვნული სააგენტოს ვებ-გვერდზე გამოქვეყნებული სასანქციო სიაზე მომუშავე ჯგუფის წევრია, იმ ქართველი მოქალაქეების ვინაობას ასახელებს, რომლებიც საანქციო სიაში არიან შეყვანილები. სვეტლანა მუსიიაკა "ინტერპრესნიუსთან" ინტერვიუში განაცხადა, რომ აღნიშნულ სიაში არიან ბიძინა  ივანიშვილი და მასთან დაკავშირებული რამდენიმე სხვა ადამიანი, მაგრამ ეს იმას არ ნიშნავს, რომ ისინი აუცილებლად დასანქცირდებიან."ახლა ჩვენ გვაქვს სანქციების სიის შედგენის საწყისი ეტაპი - ეს არის ე.წ. სანქციების სია კორუფციის პრევენციის ეროვნული სააგენტოს მიერ. სწორედ მათ შეადგინეს პიროვნებებისა და იურიდიული პირების სია, რომლებიც შეიძლება გახდნენ სანქციების სამიზნეები. ეს იმას არ ნიშნავს, რომ მათ მიერ სიაში შეყვანილი ყველა ადამიანი დასანქცირდება. ეს მხოლოდ ვარაუდია, რომელიც დაფუძნებულია ანალიზზე, შესწავლილ დოკუმენტაციაზე,"- აცხადებს მუსიიაკა.მუსიიაკა აღნიშნვას, რომ სანქციების დაწესებამდე ბევრი ეტაპია გასავლელი, საბოლოო გადაწყვეტილებას კი, თუ ვის დაუწესდება სანქცია, ქვეყნის პრეზიდენტი იღებს. "ამის შემდეგ გადავდივართ იურიდიულ ეტაპზე. სანქციების შესახებ უკრაინის კანონის მიხედვით, მინისტრთა კაბინეტმა და სხვა სახელმწიფო უწყებებმა, მათ შორის, უსაფრთხოების სამსახურმა, ეროვნული ბანკმა წინადადებით უნდა მიმართონ უკრაინის ეროვნული უსაფრთხოებისა და თავდაცვის საბჭოს, რათა მან გაავრცელოს სანქციები ადამიანებსა და იურიდიულ პირებზე. ეს საბჭო განიხილავს ამ წინადადებას და ეთანხმება ან არ ეთანხმება მას იმის მიხედვით, რამდენად მყარი სამართლებრივი საფუძველი აქვს ამას. შემდეგ ეტაპზე უკვე უკრაინის ეროვნული უსაფრთხოებისა და თავდაცვის საბჭო თავის გადაწყვეტილებას წარუდგენს პრეზიდენტს და მხოლოდ პრეზიდენტს შეუძლია სანქციების სიასთან დაკავშირებით სამართლებრივი გადაწყვეტილების მიღება.რაც შეეხება იმ ადამიანების სიას, რომლებიც შესაძლოა დაექვემდებარონ სანქციებს, აქ არის, დაახლოებით, 19 ათასი ადამიანი მთელი მსოფლიოს მასშტაბით, მათ შორის რუსეთის ფედერაციიდან და სხვა ქვეყნებიდან“, - განაცხადა ინტერვიუში სასანქციო სიაზე მომუშავე ჯგუფის წარმომადგენელმა.რაც შეეხება უშუალოდ საქართველოს მოქალაქეებს, სვეტლანა მუსიიაკას ინფორმაციით, ამ ეტაპზე სანქციები საქართველოს არც ერთ მოქალაქესთან მიმართებაში არ არის დაწესებული.„მე შევხედე უკრაინის ეროვნული უსაფრთხოებისა და თავდაცვის საბჭოსა და შემდეგ უკვე პრეზიდენტის საბოლოო გადაწყვეტილებებს სანქციებთან დაკავშირებით და ისინი არ ეხება საქართველოს მოქალაქეებს, ანუ სანქციები არ არის დაწესებული საქართველოს მოქალაქეებზე და შეიძლება არც დაწესდეს, თუმცა კორუფციის პრევენციის ეროვნული სააგენტოს მიერ გამოქვეყნებულ ფართო სიაში არიან საქართველოს მოქალაქეები, მათ შორის, არის ივანიშვილი და მასთან დაკავშირებული რამდენიმე სხვა ადამიანი, მაგრამ, კიდევ ერთხელ განვმეორდები და ვიტყვი, რომ ეს არ ნიშნავს იმას, რომ ის ან მისი ახლო გარემოცვა აუცილებლად იქნება სანქცირებული. ეს მხოლოდ წინასწარი ვარაუდია“, - აღნიშნა სვეტლანა მუსიიაკამ.

1664434255

სვეტლანა ციხანოვსკაია
"ლუკაშენკოს ვიზიტი აფხაზეთში აღმაშფოთებელი და მიუღებელია, ის წარმოადგენს პუტინს და არა ბელორუს ხალხს" - ბელორუსის ოპოზიციის ლიდერი

ლუკაშენკო წარმოადგენს პუტინს და არა ბელორუს ხალხს, – ასე ეხმაურება ბელარუსის ოპოზიციონერი პოლიტიკოსი, სვეტლანა ციხანოვსკაია ალექსანდრე ლუკაშენკოს "ვიზიტს" დე ფაქტო აფხაზეთშისვეტლანა ციხანოვსკაია მხარს უჭერს საქართველოს ტერიტორიული მთლიანობას.„ბელარუსის გაერთიანებული გარდამავალი კაბინეტი გამოხატავს სრულ მხარდაჭერას საქართველოს ტერიტორიული მთლიანობის მიმართ. ლუკაშენკოს ვიზიტი აფხაზეთში აღმაშფოთებელი და მიუღებელია. ის წარმოადგენს პუტინს და არა ბელორუს ხალხს. ჩვენ ვდგავართ საქართველოს გვერდით და ვცდილობთ უფრო ღრმა თანამშრომლობას ჩვენს ქვეყნებს შორის“, – აცხადებს სვეტლანა ციხანოვსკაია.შეგახსენებთ, ბელარუსის პრეზიდენტი ალექსანდრე ლუკაშენკო ოკუპირებულ აფხაზეთში გუშინ ჩავიდა. ლუკაშენკო აფხაზეთის ე.წ. პრეზიდენტს ასლან ბჟანიას ბიჭვინთის აგარაკზე შეხვდა.  United Transitional Cabinet of Belarus expresses full support for the territorial integrity of Georgia. Lukashenka’s visit to Abkhazia is outrageous & unacceptable. He represents Putin, not the Belarusian people. We stand by 🇬🇪 & seek deeper collaboration between our countries. — Sviatlana Tsikhanouskaya (@Tsihanouskaya) September 28, 2022

1664433759

დავით ზარდიაშვილი
"ლუკაშენკომ ყველაფერი უნდა იღონოს, რათა საქართველოს ტერიტორიული მთლიანობა აღდგეს" - დავით ზარდიაშვილი

ბელორუსის ლიდერის, ალექსანდრ ლუკაშნკოს სოხუმში ვიზიტს ეხმაურება სოციალურ ქსელში ანალიტიკოსი დავით ზარდიაშვილი.ზარდიაშვილი ამბობს, რომ  „ოკუპირებლი ტერიტორიების შესახებ“ მოქმედი კანონის მიხედვით, ლუკაშნკოს თბილისშ ჩამოსვლის შემთხვევაში პასუხისგება მოუწევს.„თუ ლუკაშენკო თბილისში ჩამოვა, მას მოუწევს პასუხისგება სოხუმში კანონგარეშე ვიზიტის გამო - ამას მოითხოვს "ოკუპირებული ტერიტორიების შესახებ" საქართველოს კანონი. თუ ლოგიკას გავყვებით, ლუკაშენკომ გადადგა ნაბიჯი, რის შედეგადაც ის თბილისში ვერ ჩამოვა, სანამ "ოკუპირებული ტერიტორიების შესახებ" კანონი ძალაშია, ხოლო ეს კანონი დეოკუპაციამდე, ე.ი. საქართველოს მთელ ტერიტორიაზე იურისდიქციის სრულად აღდგენამდე, აუცილებლად ძალაში იქნება. დასკვნა კი ესაა - თუ ლუკაშენკოს ოდესმე თბილისში ჩამოსვლა სურს, მან ყველაფერი უნდა იღონოს, რათა საქართველოს ტერიტორიული მთლიანობა აღდგეს და ოკუპირებული ტერიტორიების შესახებ კანონი გაუქმდეს,“- წერს დავით ზარდიაშვილი.ცნობისთვის, ბელარუსის პრეზიდენტი ალექსანდრე ლუკაშენკო ოკუპირებულ აფხაზეთში ჩავიდა. ლუკაშენკო აფხაზეთის ე.წ.პრეზიდენტს ასლან ბჟანიას ბიჭვინთის აგარაკზე შეხვდა. შეხვედრაზე ლუკაშენკომ აღნიშნა, რომ რუსეთის პრეზიდენტთან, ვლადიმერ პუტინთან გუშინ გამართულ შეხვედრაზე აფხაზეთის საკითხი განიხილეს. მისი თქმით, აფხაზეთთან არა მხოლოდ „მეგობრობის ხიდის“ აშენება, არამედ ძალიან სერიოზული ურთიერთობები სურთ.

1664433231