77-ე დღე: ომი უკრაინაში - დღის სტენოგრამა

ჯარისკაცი

* უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინის სურვილი რუსეთთან მოლაპარაკებების თაობაზე "ყოველ ახალ ბუჩასთან ერთად ქრება." აღნიშნულის შესახებ უკრაინის პრეზიდენტმა საფრანგეთის Science Po-ს უნივერსიტეტისთვის სტუდენტებისთვის ვირტუალური მიმართვისას ისაუბრა. - ინფორმაციას "გარდიანი" ავრცელებს.

 

* ოკუპანტები აწამებენ მძევლად აყვანილ უკრაინელ სამოქალაქო პირებს. ხერსონის ოლქში რაშისტებმა კაცი ელექტრო დენის გამოყენებით აწამეს და ყველაფერი ვიდეოზე გადაიღეს. - ამის შესახებ უმაღლესი რადას ადამიანის უფლებათა კომისარმა ლუდმილა დენისოვამ განაცხადა.

 

* უკრაინის თავდაცვის მინისტრის მოადგილის, ჰანა მალიარის განცხადებით, აშშ-სა და სხვა პარტნიორების მიერ კიევისთვის მიწოდებული იარაღი უკვე ფრონტის ხაზზეა განლაგებული. "ჯაველინებისა და "სტინგერების" გარდა, ფრონტზე უკვე გამოიყენება 155 მმ-იანი ამერიკული ჰაუბიცები." - აღნიშნა თავდაცვის მინისტრის მოადგილემ.


* უკრაინის ხერსონის ოლქის რუსეთის მიერ მხარდაჭერილმა ე.წ. ხელისუფლებამ განაცხადა, რომ აპირებენ ვლადიმერ პუტინს სთხოვონ, რუსეთის ნაწილი გახდნენ. - ინფორმაციას რუსული მედია ავრცელებს. "იქნება მოთხოვნა ხერსონის ოლქი რუსეთის ფედერაციის სრულ სუბიექტად აქციოს." - განაცხადა ხერსონის სამხედრო-სამოქალაქო ადმინისტრაციის ე.წ. უფროსის ახლად დანიშნულმა მოადგილემ კირილ სტრემუსოვმა.

 

* გასული დღე-ღამის განმავლობაში, რუსულმა ძალებმა "აზოვსტალის" ფოლადის ქარხანაზე 38 ავიაიერიში განახორციელეს. - ამის შესახებ ინფორმაციას უკრაინული მედია ავრცელებს.

 

* მარიუპოლის საპატრულო პოლიციის უფროსმა მიხაილ ვერშინინმა განაცხადა, რომ "აზოვსტალში" ორი მებრძოლი დაიღუპა. - მისი თქმით, მცველები სერგეი და დენისი ბოლო დღემდე იბრძოდნენ დამპყრობლების წინააღმდეგ.

 

*  ხარკოვის რეგიონში კონტრშეტევის დროს უკრაინის შეიარაღებულმა ძალებმა გაანადგურეს 30 რუსი დამპყრობელი. ამავე დროს ტყვედ აიყვანეს ორი რუსი ჯარისკაცი. - ამის შესახებ უკრაინის სახელმწიფო საზღვრის დაცვის სამსახური წერს.

 

* რუსეთის თავდაცვის სამინისტროს წარმომადგენელმა გენერალ-მაიორმა იგორ კონაშენკოვმა განაცხადა, რომ უკრაინაში "სპეცოპერაციის" დაწყებიდან რუსმა სამხედროებმა გაანადგურეს 800-ზე მეტი უკრაინული უპილოტო საფრენი აპარატი და 300-ზე მეტი საზენიტო სარაკეტო სისტემა.

 

* აშშ-ის დაზვერვა მიიჩნევს, რომ  რუსეთის ომი უკრაინის წინააღმდეგ ჩიხში შევიდა. სადაზვერვო სააგენტოს ხელმძღვანელის სკოტ ბერიერის თქმით, ამ დრომდე შეიარაღებული კონფლიქტის არცერთ მხარეს არ აქვს საბოლოო უპირატესობა ბრძოლის ველზე.


* შეიარაღებული ძალების წარმატებული მოქმედებებისა და ხარკოვის რამდენიმე დასახლებული პუნქტის განთავისუფლების წყალობით, ახლა შედარებით სიმშვიდეა. - ამის შესახებ ოლქის გუბერნატორი ოლეგ სინიგუბოვი "ტელეგრამში" იუწყება.

 

* ჯანდაცვის მსოფლიო ორგანიზაციის ინფორმაციით, უკრაინაში სულ მცირე 3000 ადამიანი გარდაიცვალა, რადგან მათ ქრონიკული დაავადებების სამკურნალო საშუალებებზე წვდომა არ ჰქონდათ. - ამის შესახებ ინფორმაციას Sky News-ი ავრცელებს.

 

* უკრაინაში რუსეთის შეჭრის დაწყების დღიდან უკრაინელმა სამხედროებმა 26 350 რუსი ჯარისკაცი მოკლეს. -  ამის შესახებ ინფორმაციას უკრაინის შეიარაღებული ძალების გენერალური შტაბი ავრცელებს.

 

* უკრაინის შეიარაღებული ძალები ხარკოვის ოლქში რუსეთის საზღვარს მიუახლოვდნენ. უკრაინულმა ჯარმა კიდევ რამდენიმე დასახლებული პუნქტი გაათავისუფლა. - ამის შესახებ ომის შემსწავლელი ინსტიტუტი (ISW) იუწყება. ინფორმაციას"უნიანი" ავრცელებს.


* რუსეთი აგრძელებს მცდელობებს გააძლიეროს თავისი გარნიზონი შავ ზღვაში დაპყრობილ ზმეინის კუნძულზე. - ამის შესახებ ნათქვამია ბრიტანული დაზვერვის ყოველდღიურ ანგარიშში.

 

* "მინისტრთა კაბინეტმა დაამტკიცა დოკუმენტი, რომლის მიხედვითაც უკრაინის ტერიტორიაზე არსებული რუსული აქტივები სახელმწიფოს, უფრო სწორედ კი უკრაინის "ეროვნულ საინვესტიციო ფონდს" გადაეცემა." - ამის შესახებ უკრაინის პრემიერ-მინისტრმა დენის შმიგალმა განაცხადა.

 

* რუსმა სამხედროებმა ლუგანსკის ოლქის სკოლა-ინტერნატი დაბომბეს, სადაც სპეციალური საჭიროების მქონე ბავშვები სწავლობდნენ. - უკრაინული მედიის ინფორმაციით, ამის შესახებ ლუგანსკის ოლქის სამხედრო ადმინისტრაციის ხელმძღვანელმა სერგეი გაიდაიმ განაცხადა.

 

* რუსული არმია ორიენტირებულია სლობოჟანსკის და დონეცკის მიმართულებებზე და ასევე ცდილობს ფეხის მოკიდებას კრივოი როგის მიმართულებით. არაღიარებულ დნესტრისპირეთში ოკუპანტები ინარჩუნებენ თავიანთი ქვედანაყოფების სრულ საბრძოლო მზადყოფნას. - ამის შესახებ გენერალური შტაბის ყოველდღიურ ანგარიშშია აღნიშნული.

 

* ბოლო ერთი დღის განმავლობაში უკრაინელმა ჯარისკაცებმა დონეცკსა და ლუგანსკში რუსი ოკუპანტების 12 თავდასხმა მოიგერიეს. - ამის შესახებ ნათქვამია უკრაინის შეიარაღებული ძალების გენერალური შტაბის ინფორმაციაში.

უახლესი
ალექსეი არესტოვიჩი
"დასავლეთი ახლა ადეკვატურობის გამოცდას აბარებს და ჯერჯერობით იჭრება" - ალექსეი არესტოვიჩი

უკრაინის პრეზიდენტის ადმინისტრაციის უფროსის მრჩევლის, ალექსეი არესტოვიჩის განცხადებით, დასავლეთი ახლა ადეკვატურობის ძალიან მნიშვნელოვან გამოცდას აბარებს და ჯერჯერობით იჭრება.არესტოვიჩის განცხადებით, ჩააბარებს, თუ არა დასავლეთი გამოცდას, ამას მხოლოდ მომავალი აჩვენებს."ჩააბარებენ თუ არა ისინი ამ გამოცდას, მომავალი გვიჩვენებს. დასავლეთი არ აწვდის უკრაინას ამერიკულ მრავალჯერად სარაკეტო სისტემებს (MLRS). ამერიკული ჯარის შეიარაღებაში 2000 ასეთი სისტემაა და მათ თავისუფლად შეეძლოთ უკრაინისთვის ამ სისტემების მოწოდება. მით უმეტეს, რომ არის ჩეხეთის მაგალითი, რომელმაც გადმოგვცა ასეთი სისტემები - და არანაირი ესკალაცია ამას არ მოჰყოლია. მეტიც, ჩეხეთში არც ბირთვული ბომბები ცვივა და მათ არც ნეგატიურ კონტექსტში ახსენებენ რუსულ პრესაში. ბატონებო პენტაგონიდან და ვაშინგტონიდან, მინდა მოგაწვდინოთ ხმა: ჩეხეთს შეეხო „მიუღებელი ესკალაცია“? არა. თქვენ რისი გეშინიათ? მით უმეტეს, რომ „ბირთვული ქოლგა“ გაქვთ და რუსულ ჯარზე დაახლოებით 1500-ჯერ უფრო ძლიერები ხართ“, - განაცხადა არესტოვიჩმა.

მსოფლიო 1653593615

გვარამია
"მე გამოვალ ციხიდან და სააკაშვილი კვდება, აი, ამაზე რას ფიქრობენ, წამების ქეისებს შეუშვებენ ევროკავშირში?" - ნიკა გვარამია

"თანახმა ვარ, რომ ჩემი საკანში ყოფნის პირობებშიც კი შევიდეთ ევროკავშირში, მაგრამ მიხეილ სააკაშვილთან დაკავშირებით ამას ვერ ვიტყვი, იმიტომ, რომ ის კვდება," - ამის შესახებ ნიკა გვარამიამ რუსთავის სასჯელაღსრულების დაწესებულებიდან "მთავარი არხთან" სატელეფონო ინტერვიუში განაცხადა."მე, ნიკა გვარამია, თანახმა ვარ, რომ ჩემი საკანში ყოფნის პირობებშიც კი შევიდეთ ევროკავშირში და დაე, მე ვიყო ამ საკანში. უბრალოდ, მიხეილ სააკაშვილთან დაკავშირებით ამას ვერ ვიტყვი, იმიტომ, რომ ის კვდება. ნიკა გვარამია გამოვა და ის კვდება, აი, ამაზე რას ფიქრობენ, ამას შეუშვებენ ევროკავშირში? წამების ქეისებს შეუშვებენ ევროკავშირში? არარსებულ სასამართლოს შეუშვებენ ევროკავშირში? ეს ხომ ცივილიზაციაა, რომელიც გიღებს თავის ნაწილად, რადგან მიაჩნიხარ მათნაირად, ღარიბაშვილს ჩათვლის თავისნაირად გინდა პოლონეთის პრეზიდენტი, გინდა გერმანიის პრემიერი?" - განაცხადა ნიკა გვარამიამ.

საზოგადოება 1653592460

26/05/2022
[ვიდეო] "მოვიდა მანიაკი და ებღაუჭება იმას, რაც არ არის!" - აკაკი ასათიანი ვლადიმერ პუტინზე

მოვიდა მანიაკი და ებღაუჭება იმას, რაც არ არის, ამიტომაა საშიში, თორემ რისი გამკეთებელია, ვხედავთ რას დაემსგავსა შიშისგან აკაკი ასათიანი - საქართველოს ტრადიციონალისტთა კავშირის თავმჯდომარე "ჯორჯიან თაიმსი" - გადაცემა "ჩაი"ეს განცხადება მან გადაცემაში რუსეთის პრეზიდენტზე ვლადიმერ პუტინზე საუბრისას გააკეთა.იხ: ვიდეო: 

ციტატა 1653591549

შოლცი
"რუსეთის მიერ უკრაინის დაპყრობა ახლა იმაზე უფრო ნაკლებად რეალურია, ვიდრე ომის დასაწყისში იყო" - ოლაფ შოლცი

გერმანიის კანცლერმა, ოლაფ შოლცმა დავოსის ეკონომიკურ ფორუმზე სიტყვით გამოსვლისას  უკრაინაში რუსეთის ომს ჩავარდნა უწოდა.ამასთან, როგორც გერმანიის კანცლერმა ფორუმზე სიტყვით გამოსვლისას განაცხადა, რუსეთის პრეზიდენტმა, ვლადიმერ პუტინმა ვერცერთ სტრატეგიულ მიზანს ვერ მიაღწია, ხოლო რუსეთის მიერ უკრაინის დაპყრობა ახლა იმაზე უფრო ნაკლებად რეალურია, ვიდრე ომის დასაწყისში იყო."ჩვენი მიზანი აბსოლუტურად ნათელია - არ უნდა დავუშვათ, რომ პუტინმა ომი მოიგოს, და მე დარწმუნებული ვარ, რომ ის ომს ვერ მოიგებს. მნიშვნელოვანია, ნათლად ვაჩვენოთ პუტინს, რომ დიქტატის პირობებში მშვიდობა არ იქნება - ამას არც უკრაინა მიიღებს და არც ჩვენ," - განაცხადა ოლაფ შოლცმა.

მსოფლიო 1653591245

06/03/2022
"გრძელვადიან პერსპექტივაში, გლობალური უსაფრთხოებისთვის ჩინეთი უფრო დიდი საფრთხეა, ვიდრე რუსეთი" - ენტონი ბლინკენი

აშშ-ის სახელმწიფო მდივანმა, ენტონი ბლინკენმა ჯორჯ ვაშინგტონის უნივერსიტეტში სიტყვით გამოსვლისას განაცხადა, რომ გრძელვადიან პერსპექტივაში გლობალური უსაფრთხოებისთვის ჩინეთი უფრო დიდი საფრთხეა, ვიდრე რუსეთი. "ჩინეთი არის ერთადერთი ქვეყანა, რომელსაც აქვს განზრახვა, ისევე როგორც ეკონომიკური, ტექნოლოგიური, სამხედრო და დიპლომატიური საშუალებები, განავითაროს საერთაშორისო წესრიგის განსხვავებული ხედვა. საერთაშორისო წესრიგის საფუძვლები სერიოზული და მდგრადი საფრთხის ქვეშაა.მაშინ, როდესაც რუსეთი აშკარად მობილიზებული იყო უკრაინაში შეჭრისთვის, პრეზიდენტმა სი ძინპინმა და პრეზიდენტმა ვლადიმერ პუტინმა განაცხადეს, რომ მათ ქვეყნებს შორის მეგობრობა იყო, ვციტირებ, „საზღვრების გარეშე“.ჩვენი ამოცანაა, კიდევ ერთხელ დავამტკიცოთ, რომ დემოკრატიას შეუძლია გადაუდებელი გამოწვევების დაძლევა, შესაძლებლობების შექმნა, ადამიანის ღირსების წინსვლა, რომ მომავალი ეკუთვნის მათ, ვისაც სჯერა თავისუფლების და რომ ყველა ქვეყანა თავისუფალი იქნება, იძულების გარეშე გაარკვიოს საკუთარი გზები. ჩვენ არ ვეძებთ კონფლიქტს ან ახალ ცივ ომს.პირიქით, ჩვენ გვსურს თავიდან ავიცილოთ ორივე. მიუხედავად იმისა, რომ პრეზიდენტი პუტინის ომი გრძელდება, ჩვენ ვიქნებით ორიენტირებულნი საერთაშორისო წესრიგის ყველაზე სერიოზულ გრძელვადიან გამოწვევაზე – და ეს არის ჩინეთის სახალხო რესპუბლიკის მიერ შექმნილი," – თქვა ენტონი ბლინკენმა.

მსოფლიო 1653590284

კრემლი
"პუტინმა იტალიის პრემიერს განუცხადა, რომ რუსეთი მზადაა მარცვლეულის ექსპორტისთვის, თუ დასავლეთი სანქციებს მოხსნის" - კრემლი განცხადებას ავრცელებს

კრემლის ინფორმაციით, რუსეთის პრეზიდენტმა, ვლადიმერ პუტინმა იტალიის პრემიერ-მინისტრთან, მარიო დრაგთან სატელეფონო საუბრისას განაცხადა, რომ რუსეთი მზადაა მარცვლეულის ექსპორტისთვის, თუ დასავლეთი სანქციებს მოხსნის. ამასთან, კრემლის ინფორმაციითვე, ვლადიმერ პუტინმა იტალიის პრემიერ-მინისტრთან სატელეფონო საუბარში საუბარში აღნიშნა, რომ უკრაინამ მოლაპარაკების პროცესი გაყინა.ვლადიმერ პუტინმა ხაზგასმით აღნიშნა, რომ რუსეთის ფედერაცია მზად არის, მნიშვნელოვანი წვლილი შეიტანოს სასურსათო კრიზისის დაძლევაში მარცვლეულისა და სასუქების ექსპორტით, დასავლეთის მხრიდან პოლიტიკურად მოტივირებული შეზღუდვების მოხსნის პირობით“ – ნათქვამია კრემლის მიერ გავრცელებულ განცხადებაში.

საზოგადოება 1653588700