სალომე ზურაბიშვილი
"კიკაბიძის შემოქმედებამ განსაკუთრებული კვალი დატოვა თაყვანისმცემელთა გულებში" - სალომე ზურაბიშვილი

საქართველოს პრეზიდენტი სალომე ზურაბიშვილი ქართველი მსახიობის და მომღერლის ვახტანგ (ბუბა) კიკაბიძის გარდაცვალების გამო მწუხარებას გამოთქვამს და გარდაცვლილის ოჯახს უსამძიმრებს."მწუხარებას გამოვთქვამ ქართული კულტურის სახელოვანი მოღვაწის ბუბა კიკაბიძის გარდაცვალების გამო მისმა შემოქმედებამ და ხელოვნებამ განსაკუთრებული კვალი დატოვა მრავალრიცხოვან თაყვანისმცემელთა გულებში. ვუსამძიმრებ მის ოჯახს, მეგობრებსა და ახლობლებს," - წერს სალომე ზურაბიშვილი.შეგახსენებთ, რომ ქართველი კინომსახიობი და საესტრადო მომღერალი ბუბა კიკაბიძე გუშინ, 84 წლის ასაკში გარდაიცვალა.

1673885404

ოპერა
დღეს, პატრიარქის აღსაყდრებიდან 45 და დაბადებიდან 90 წლის საიუბილეო თარიღებთან დაკავშირებით საზეიმო გალა კონცერტი გაიმართება

პრემიერ-მინისტრის გადაწყვეტილებით, კათოლიკოს-პატრიარქის აღსაყდრებიდან 45 და დაბადებიდან 90 წლის საიუბილეო თარიღებთან დაკავშირებით საზეიმო გალა კონცერტი გაიმართებადღეს, 4 იანვარს, ზ.ფალიაშვილის სახელობის ოპერისა და ბალეტის თეატრში საქართველოს კათოლიკოს-პატრიარქის ილია II -ის  აღსაყდრებიდან 45 და დაბადებიდან 90 წლის საიუბილეო თარიღებთან დაკავშირებით, პრემიერ - მინისტრ ირაკლი ღარიბაშვილის გადაწყვეტილებით და მთავრობის ადმინისტრაციის უშუალო ჩართულობითა და ორგანიზებით, საზეიმო გალა-კონცერტი გაიმართება.კონცერტში  მონაწილეობას მიიღებენ საოპერო, საგუნდო და ქართული ესტრადის წარმომადგენლები. კონცერტის რეჟისორია ბაკურ ბაკურაძე. როგორც კონცერტის ორგანიზატორები აცხადებენ, ეს საღამო იქნება მოკრძალებული საჩუქარი მისი უწმინდესობისათვის.გალა-კონცერტი 20:30 საათზე დაიწყება და საქართველოს პირველ არხზე პირდაპირი ეთერით გადაიცემა.

1672828166

4/10/2022
კულტურის სამინისტრო ლევილის მამულთან დაკავშირებით განცხადებას ავრცელებს

საქართველოს კულტურის, სპორტისა და ახალგაზრდობის სამინისტრო ეხმიანება სოციალური ქსელის ერთ-ერთი მომხმარებლის მიერ საფრანგეთში ლევილის მამულის, კერძოდ, შატოს სხვენთან დაკავშირებით გავრცელებულ ინფორმაციას.კულტურის სამინისტრო აცხადებს, რომ ეს არის საზოგადოების შეცდომაში შეყვანის მცდელობა. სინამდვილეში, სამინისტროს თანამშრომლებმა დაასრულეს მამულის სხვადასხვა სივრცეში ინვენტარიზაციის პროცესი და დაიწყეს შატოს სხვენში არსებული საარქივო მასალების, რომლებიც ათეული წლებია იქ ინახებოდა შატოს ყოფილი მფლობელების მიერ, ეტაპობრივი დახარისხება მათი სამომავლოდ ბიბლიოთეკაში განთავსების მიზნით. სხვენში ამჟამად დარჩენილია ქართული პერიოდული გამოცემების ნაწილი, რომელთაგან თითოეულის სამ-სამი ეგზემპლარი უკვე გადატანილია მამულის ბიბლიოთეკაში.ამასთან, გამომდინარე იქიდან, რომ სხვენში არაერთი წლის მანძილზე ჩადიოდა წყალი, რაც აზიანებდა არამარტო სხვენს, არამედ მთლიანად შატოსაც, შარშან და მიმდინარე წლის ნოემბერში სამინისტროს მიერ განხორციელდა სხვენის სახურავის შეკეთება შატოს რეაბილიტაციამდე, რაც 2023 წლის ბოლოს უნდა დაიწყოს (საფრანგეთის კანონმდებლობით გათვალისწინებული პროცედურების დასრულების შემდგომ).მანამდე კი, 2023 წელს დაგეგმილია სხვენის, ისევე, როგორც შატოს სხვა ნაწილების დაცლა სამუშაოების დაწყებამდე და შენობის გაწმენდა აზბესტისაგან.ასევე გაცნობებთ, რომ 2022 წლის ნოემბერში, ლევილის მამულის გუშაგის სახლში (საქართველოს მთავრობის 2022 წლის 4 ნოემბრის #2022 განკარგულება) სარემონტო-სარეაბილიტაციო სამუშაოები დაიწყო, რაც 2023 წლის პირველ ნახევარში დასრულდება. ხელშეკრულების ღირებულებაა  251 895.74 ევრო. პარალელურად მიმდინარეობს მამულის დაზიანებული გალავნის რეაბილიტაცია. ჩატარდა ბაზრის კვლევა და შედეგად შეირჩა სამუშაოთა განმახორციელებელი კომპანია გალავნის რეაბილიტაციის მიზნით, გამოიცა საქართველოს მთავრობის შესაბამისი განკარგულება (2022 წლის 28 ოქტომბრის განკარგულება #1922). გალავანზე სამუშაოები დაიწყო 2022 წლის 29 ნოემბერს და 2023 წლის მარტამდე რეაბილიტირდება გალავნის ისტორიული ნაწილი, 1053 მ2 ფართობით. აღნიშნული სამუშაოების ჯამური ღირებულებაა 376 694,56 ევრო.რაც შეეხება შატო-მედიათეკა-ბიბლიოთეკა-აკადემიას, სარეაბილიტაციო სამუშაოების განმახორციელებელი კომპანიის შესარჩევად, საფრანგეთის კანონმდებლობით გათვალისწინებული პროცედურების შესაბამისად, მიმდინარეობს საპროექტო განაცხადის დაზუსტება; პროექტი კი განხორციელდება რამდენიმე ფაზად.რაც შეეხება მამულის პარკს,  2022 წლის სექტემბერში სამინისტრომ ლევილის მამულის მწვანე საფარის მოწესრიგებისა და სანიტარული ჭრის სამუშაოები დაიწყო, რომლებიც 30 წლის მანძილზე არ ჩატარებულა. მამულის პარკში (3.09ჰა) მიმდინარე სამუშაოები, მცენარეთა თავისებურებებიდან გამომდინარე, რამდენიმე ეტაპად წარიმართა და დეკემბერში დასრულდა.სამუშაოების ღირებულებამ, ყველა ხარჯის გათვალისწინებით, 12 000 ევრო შეადგინა.  გაწმენდის სამუშაოების პარალელურად, კულტურის სამინისტროს კონსულტანტმა ლევილის მამულის პარკის რეაბილიტაციისა და კეთილმოწყობის საკითხებში, ვერსალის სამეფო ბაღის ყოფილმა ხელმძღვანელმა და ვერსალის მუნიციპალიტეტის დიდი პარკის კომუნათა გაერთიანების სერვისების გენერალურმა დირექტორმა, მანუელ პლუვინაჟმა მამულის ხეხილი სრულად აღრიცხა, პარკის განვითარების კონცეფციაში მათ სათანადოდ წარმოსადგენად. ლევილის მამულის პარკში ხეხილის აღწერის პროცესი წინ უძღვის საქართველოს მთავრობის მიერ 2016 წლის 18 მაისის განკარგულებით (N836) აღებული ვალდებულების შესაბამისად, მამულის პარკის მოვლა-განვითარებისა და პარკში ქართული ჯიშის ხეხილისა და ვენახის მოსაშენებლად, პარკის განვითარების კონცეფციის შემუშავებას. 2023 წლიდან, მწვანე სივრცეების მოვლის მიზნით, იგეგმება თანამშრომლობის გაგრძელება ფრანგულ კომპანია "Scop Val'Emploi"-სთან, რომელიც 2023 წლის მანძილზე უზრუნველყოფს რამდენიმე რეგულარულ ჩარევას მამულის ტერიტორიაზე. გარდა ამისა, კომპანიამ სკოპ ვალ'ამპლუა ემანუელ პლუვინაჟთან ერთად განსაზღვრა მომავალი წლის იანვარ-თებერვალში ხეხილზე განსახორციელებელი ჩარევები (გადაბელვა-მოჭრა დაახლოებით 30 ხეზე) 5977,80€ ღირებულებით, ყველა ხარჯის გათვალისწინებით," - ნათქვამია განცხადებაში.

1672767660

საახალწლო სოფელი
"საახალწლო სოფელში" კონცერტები 23 დეკემბრიდან 13 იანვრის ჩათვლით ყოველდღიურად გაიმართება - პროგრამა 

23 დეკემბრიდან, "საახალწლო სოფელში" მოწყობილ სხვადასხვა სცენაზე კონცერტები ყოველდღიურად გაიმართება.გარდა იმისა, რომ ორბელიანის მოედანზე, 9 აპრილის ბაღსა და ათონელის ქუჩაზე საბავშვო - გასართობი წარმოდგენები, გასართობი აქტივობები და სადღესასწაულო მსვლელობები მოეწყობა, ასევე, იგეგმება სხვადასხვა ჟანრის მუსიკოსებისა და მომღერლების საღამოები. კონცერტების ციკლი „საახალწლო სოფლის“ გახსნით დაიწყება. გახსნის ღონისძიებაში მონაწილეობას მიიღებენ წამყვანები -  გვანცა დარასელია და აჩიკო სოლოღაშვილი. მომღერლები: ლელა წურწუმია, ლიზა ბაგრატიონი, ანრი ჯოხაძე, დუეტი "ჯორჯია", აჩიკო მეფარიძე, ჯგუფი "ფორტე", დათო გომართელი, მასტერა და ნათია დუმბაძე, ასევე, ანსამბლი "შვიდკაცა".საახალწლო სოფლის მუსიკალური პროგრამა მოიცავს SALIO-ს, 90-იანების კონცერტს, Killages-ს, ზუკა ხუციშვილსა და ბენდს, "არას", SKAZZ-ს, "ნიუტონს", 4D Monster Lobsters-ს, Goofy Land-ს, "თამადას", SvanSikh-ს, "ფრანს", "რეგეონს", ქართული სიმღერის კონცერტს, თბილისის ბიგ-ბენდს, Bedford Falls-ს, ქართული ესტრადის ვარსკვლავების კონცერტს, ეთნომუსიკის კონცერტს, დავით ილურიძის ბენდს, სოფო გელოვანს, დათო ევგენიძეს, FE PROJECT-ს, "თუთარჩელას",  LOUDspeakers-ს, ელენე კალანდაძე და ერეკლე გეწაძე, Tika Balanchine & New One-ს, მიშო ურუშაძეს, ბენდს "შერეკილები", გიორგი გიგაშვილს, ნინი ნუცუბიძეს და კატო კვარაცხელიას.საბავშვო კონცერტები გაიმართება ათონელის ქუჩის სცენაზე. ღონისძიებებში მონაწილეობას მიიღებენ N STUDIO და  მისი მუსიკალური ხელძღვანელი ნუცა ჯანელიძე, თამარ ბოლაშვილი, რუსიკო ბახტაძის სტუდია, "ქენდი სტუდიო", "ბზიკები სტუდიო", სამეცნიერო მუზეუმი "ექსპერიმენტორიუმი", "მეკო სტუდია", სტუდია "ანა-ბანა", "ვოკალის აკადემია", ეროვნული სასახლის ფოკლორული ანსამბლების კონცერტი, "ბასტი-ბუბუ", ბავშვთა ვოკალური სტუდია "ჩიკო", ნუკრი კაპანაძის სასიმღერო სტუდია, სტუდია "თინქლაბი", გუნდი "დორემი", სტუდია "ველოსიპედი", "ნია სტუდიო", საქართველოს თოჯინების პროფესიული სახელმწიფო თეატრების გაერთიანება - თბილისის თოჯინების თეატრი, "სტუდიო 1,2 3", პროექტ "რანინას" ყველა სეზონის მონაწილე, ეროვნული სასახლის ვოკალური ჯგუფები და კლასიკური მუსიკის შემსრულებლები.23.12.2021 - 19:00საახალწლო სოფლის გახსნა24.12.2021- 20:00SALIO25.12.2021- 20:0090-იანების კონცერტი26.12.2022 - 20:00Killages27.12.2022- 20:00ზუკა ხუციშვილი და ბენდი28.12.2022 - 20:00"არა"29.12.2022 - 20:00ღამის შოუს ბენდი30.12.2022 - 20:00ერეკლე დეისაძე და ბენდიSKAZZ01.01.2023 - 20:00ნიუტონი02.01.2023  - 20:004D Monster Lobsters03.01.2023 - 20:00Goofy Land04.01.2023 - 20:00თამადაSvanSikh05.01.2023 - 20:00ფრანირეგეონი06.01.2023 - 20:00"შობის მოლოდინში" ქართული სიმღერის კონცერტი07.01.2023 - 20:00თბილისის ბიგ-ბენდი08.01.2023 - 20:00Bedford Falls 09.01.2023 - 20:00ქართული ესტრადის ვარსკვლავები10.01.2023 - 20:00ქართული ესტრადის ვარსკვლავები11.01.2023 - 20:00ეთნომუსიკის კონცერტი: ჯგუფი "ეგარი", ჯგუფი "ბანი", ჯგუფი "ჩვენებურები", ჯგუფი "გორდელა", ჯგუფი "ურსა", ჯგუფი "დიდგორი" ჯგუფი "ბასიანი"12.01.2023 - 20:00დავით ილურიძის ბენდისოფო გელოვანი და ბენდიქარავანის სცენა ორბელიანის მოედანზე23.12.2021 – 21:30დათო ევგენიძე და ბენდი24.12.2021- 21:30FE PROJECT25.12.2021- 21:30ბექა გოჩიაშვილი და ბენდი26.12.2022 - 21:30ნოდარიკო ხუციშვილი და ბენდი29.12.202216:00ახალგაზრდული გუნდი "თუთარჩელა"21:30LOUDspeakers02.01.2023  - 21:30ელენე კალანდაძე და ერეკლე გეწაძე04.01.2023 – 21:30Tika Balanchine & New One06.01.2023 - 22:00მიშო ურუშაძე Dj Set08.01.2023 - 22:00Dro Dj Set09.01.2023 - 21:30ბენდი "შერეკილები" ქართული კინომუსიკის რეპერტუარით13.01.2023 - 21:30გიორგი გიგაშვილი, ნინი ნუცუბიძე, კატო კვარაცხელია.საბავშვო კონცერტები ათონელის ქუჩის სცენაზე24.12.202113:00 N STUDIO მუსიკალური ხელძღვანელი ნუცა ჯანელიძე14:30  თამარ ბოლაშვილი​25.12.202113:00  რუსიკო ბახტაძის სტუდია26.12.202213:30 ქენდი სტუდიო27.12.202213:30  ბზიკები სტუდიო28.12.202213:30 სამეცნიერო მუზეუმი ექსპერიმენტორიუმი14:00 თამარ ბოლაშვილი29.12.202213:30 მეკო სტუდია30.12.202213:30 სტუდია ანა-ბანა01.01.202313:00  ვოკალის აკადემია02.01.202313:00  ეროვნული სასახლის ფოკლორული ანსამბლების კონცერტი03.01.202313:30  ბასტი ბუბუ04.01.202313:30 ბავშვთა ვოკალური სტუდია ჩიკო14:45 თამარ ბოლაშვილი05.01.202313:30 ნუკრი კაპანაძის სასიმღერო სტუდია06.01.202313:30 სტუდია თინქლაბი07.01.202313:00 გუნდი დორემი08.01.202313:00  სტუდია ველოსიპედი- ჟირაფი ჟოზეს წარმოდგენა09.01.202313:30  ნია სტუდიო10.01.202313:30  საქართველოს თოჯინების პროფესიული სახელმწიფო თეატრების გაერთიანება- თბილისის თოჯინების თეატრი11.01.202313:30  სტუდიო 1,2 312.01.202313:00 პროექტ რანინას ყველა სეზონის მონაწილე13.01.202313:00  ეროვნული სასახლის ვოკალური ჯგუფებისა და კლასიკური მუსიკის კონცერტი

1671619818

გელათი
გელათის სამონასტრო კომპლექსში ჩატარებულ სამუშაოებს ICOMOS/ICCROM-ის მრჩეველთა ერთობლივი მისია შეაფასებს

საქართველოს კულტურული მემკვიდრეობის დაცვის ეროვნული სააგენტოს ინფორმაციით, გელათის სამონასტრო კომპლექსში ჩატარებულ სამუშაოებს  ICOMOS/ICCROM-ის მრჩეველთა ერთობლივი მისია შეაფასებს. მისიის შემადგენლობაში არიან ICOMOS-ის მრჩეველი არქიტექტურის მიმართულებით ალკივიადეს პრეპისი, ICCROM-ის პროგრამების განყოფილების მენეჯერი (კედლის მხატვრობის სპეციალისტი) მაგარი ვალერი და UNESCO-ს მსოფლიო მემკვიდრეობის ცენტრის (WHC) ევროპისა და ჩრდილოეთ ამერიკის პროგრამების სპეციალისტი ირენა კაკეტი. მისია საქართველოში 2 დეკემბრამდე დაჰყოფს.მოწვეული ექსპერტების რეკომენდაციებზე დაყრდნობით, კულტურული მემკვიდრეობის დაცვის ეროვნული სააგენტო  შემდგომ სამოქმედო გეგმას შეიმუშავებს.„შეგახსენებთ, ტაძარში დროებითი გადახურვისთვის მოსამზადებელი სამუშაოები მიმდინარე წლის 13 მაისს დაიწყო და აგვისტოს შუა რიცხვებში დასრულდა. ტაძრის მკლავებსა და თაღებში დარჩენილი ტენიანობის აღმოსაფხვრელად, ტაძრის სახურავის ამ არეალში 2020 წელს მოწყობილი დამცავი დროებითი ლითონის საფარისა და 2008 წლის პროექტის მიხედვით ხარვეზებით დაგებული მოჭიქული კრამიტის სახურავის მოხსნა და ახალი დროებითი გადახურვის მოწყობა UNESCO-ს მაღალკვალიფიციური ექსპერტების კვლევებისა (მათ შორის, ჰიგირომეტრიული) და რეკომენდაციების შესაბამისად დაიგეგმა. ცნობილ კლიმატოლოგ ალესანდრო მასარისა და მსოფლიო დონის არქიტექტორ-რესტავრატორის, პროფესორ უგო ტონიეტის მიერ 2022 წლის 27 იანვარს გაიცა რეკომენდაცია, რომლის მიხედვით, აუცილებელი იყო ზაფხულში გელათის ძირითადი ტაძრის დასავლეთ მკლავზე ხარვეზიანი კრამიტის საფარის მოხსნა კედლებსა და თაღებში დარჩენილი ტენიანობის ზემოდან ასაორთქლებლად, ვინაიდან აორთქლება მხოლოდ ტაძრის შიგნიდან მიმდინარეობდა, რაც აფერხებდა ტაძრის დასავლეთ მკლავში შრობის პროცესს და ამით საფრთხეს უქმნიდა კედლის მხატვრობას. კლიმატოლოგ ალესანდრო მასარისა და პროფესორ უგო ტონიეტის რეკომენდაციით, საჭირო იყო ახალი დროებითი გადახურვა (რომელიც სახურავის ზედაპირისგან დაშორებული იქნებოდა), რაც გაკეთდა კიდეც მიმდინარე წლის ზაფხულში. რაც შეეხება კედლის მხატვრობას, მასზე ზრუნვა UNESCO-ს ექსპერტების პირველივე მისიის საქართველოში ჩამოსვლიდან (2021 წლის ივნისი) დაიწყო და კედლის მხატვრობის კონსერვაციის სამუშაოები მიმდინარე წლის ოქტომბრის დასაწყისში შეჩერდა.დროებით გადახურვასაც და სამონასტრო კომპლექსის ძირითად ტაძარში დასავლეთ მკლავის კამარის დაზიანებული კედლის მხატვრობის გადასარჩენად კვლევებზე დაფუძნებული მეთოდის გამოყენებით ჩატარებულ სამუშაოებსაც სპეციალურად ამ მიზნით კულტურის სამინისტროს მიერ მოწვეული UNESCO-ს ექსპერტთა ჯგუფი ზედამხედველობდა (ძეგლის გადახურვის სპეციალისტები – პროფესორი უგო ტონიეტი და სარა სტეფანინი, კლიმატოლოგი ალესანდრო მასარი და კედლის მხატვრობის სპეციალისტი მარიო პულიერი).აღსანიშნავია, რომ იტალიელ სპეციალისტთა ეს ჯგუფი კულტურის სამინისტროს მოწვევით გელათში 13 თვის წინ ჩამოვიდა და ძირითადი ტაძრის დასავლეთ მკლავის ყველაზე დაზიანებული მხატვრობა ჩამოცვენა/განადგურებას გადაარჩინა. მათ შორის იყო მაცხოვრის სახეც. ნიშანდობლივია, რომ მხატვრობის ეს ნაწილი დღესაც უცვლელად არის შენარჩუნებული, რაც გამოყენებული მეთოდის სისწორეზე მეტყველებს.დადასტურებულია, რომ ტაძარში წყლის ინფილტრაცია სრულად აღმოფხვრილია და კედლის მხატვრობის ჩამოშლაც – შეჩერებული. ამასთან, ოპტიმალურად მიმდინარეობს კედლების შრობის პროცესი მას შემდეგ, რაც, იუნესკოს სპეციალისტების რჩევით, ტაძრის სახურავის ერთი ნაწილიდან მოიხსნა მოჭიქული კრამიტი და ნესტის აორთქლება ზემოდანაც გახდა შესაძლებელი“, – ნათქვამია გავრცელებულ ინფორმაციში.

1669799850

სამხატრო აკადემია
თეა წულუკიანმა სამხატვრო აკადემიის ახალი რექტორი და კანცლერი წარადგინა

აპოლონ ქუთათელაძის სახელობის თბილისის სახელმწიფო სამხატვრო აკადემიას ახალი რექტორი და ადმინისტრაციის ახალი ხელმძღვანელი (კანცლერი) ჰყავს. საქართველოს კულტურის, სპორტისა და ახალგაზრდობის მინისტრმა, თეა წულუკიანმა, სამინისტროში გამართულ ბრიფინგზე, სამხატვრო აკადემიას ახალი რექტორი - მხატვარი, პროფესორი ყარამან ქუთათელაძე და ადმინისტრაციის ახალი ხელმძღვანელი (კანცლერი) ლალი თარიმანიშვილი წარადგინა.როგორც მინისტრმა აღნიშნა, თბილისის სამხატვრო აკადემიაში ახალი რექტორის არჩევნები გაუმჯობესებული წესდებით გაიმართა და პროცესი გამჭვირვალედ და დემოკრატიულად წარიმართა.სამხატვრო აკადემიის ახალი რექტორის არჩევნები მიმდინარე წლის 18 ნოემბერს ჩატარდა. კანდიდატურა შეირჩა კონკურსით და აკადემიურმა საბჭომ ფარული კენჭისყრით, სიითი შემადგენლობის ხმათა უმრავლესობით, რექტორად ოთხი წლის ვადით ყარამან ქუთათელაძე აირჩია.

1669363027

23/11/2022
სახალხო არტისტი, თამარ სხირტლაძე გარდაიცვალა

სახალხო არტისტი, თამარ სხირტლაძე გარდაიცვალა. ამის შესახებ ინფორმაცია მოზარდ მაყურებელთა თეატრის სამხატვრო ხელმძღვანელი, დიმიტრი ღვთისიაშვილი სოციალურ ქსელში ავრცელებს."ქართული თეატრის უხუცესი შეუერთდა ამ გიორგობა დღეს ზეციურ საქართველოს!!! 93 წლის ასაკში საქართველოს სახალხო არტისტი თამარ სხირტლაძე გარდაიცვალა!!!" - წერს დიმიტრი ღვთისიაშვილი.ცნობისთვის, თამარ სხირტლაძეს მონაწილეობა მიღებული აქ ისეთ სპექტალებსა და ფილმებში როგორიცაა: "კაცია-ადამიანი?!" "მოძღვარი“, "მეფე ლირი", "ადამიანთა სევდა," "ფესვები," "ლუკას სახარება" და სხვა. 

1669227996

ჯოლდო
იოსებ ბლიაძის მხატვრულმა ფილმმა „ჩემი ოთახი“ გერმანიის ნორდრაინ-ვესტფალიის კინოდაჯილდოებაზე 13 კონკურენტ ფილმს შორის გაიმარჯვა

იოსებ ბლიაძის მხატვრულმა ფილმმა „ჩემი ოთახი“, რომელიც ქართულ-გერმანულ ერთობლივ პროექტს წარმოადგენს, გერმანიის ნორდრაინ-ვესტფალიის კინოდაჯილდოებაზე 13 კონკურენტ ფილმს შორის გაიმარჯვა. ინფორმაციას საქართველოში გერმანიის საელჩო ავრცელებს.ფილმში „ჩემი ოთახი“ მოქმედება 2021 წელს, კოვიდპანდემიის დროს თბილისში ხდება და აღწერს ორი ახალგაზრდა გოგონას ისტორიას, რომლებიც საკუთარი იდენტობის ძიებაში არიან.

1667641551

აფხაზეთი
აფხაზური მედიის ინფორმაციით, სოხუმში დაკავებულ საქართველოს მოქალაქეს ნარკოტიკულ საშუალებასთან ერთად ქართული პასპორტი და დროშა ჰქონდა

აფხაზური მედიის ინფორმაციით, სოხუმში დაკავებულ საქართველოს მოქალაქეს  ნარკოტიკულ საშუალებასთან ერთად ქართული პასპორტი და დროშა ჰქონდა.მათივე ცნობით, 29 წლის გოგოს საცხოვრებელ სახლში ე.წ. „სახელმწიფო უსაფრთხოების სამსახურის“ თანამშრომლებმა „მეფედრონის“ ორი შეკვრა აღმოაჩინეს, რომლის საერთო წონა 10 გრამზე მეტი იყო.შეგახსენებთ, სუსმა გაავრცელა ინფორმაცია, რომ ოკუპირებული აფხაზეთის საოკუპაციო რეჟიმის წარმომადგენლებმა საქართველოს მოქალაქე, გალის მცხოვრები ა.თ. უკანონოდ დააკავეს.

1667640891

ნიკა ვაჩეიშვილი
(ფოტო) "ძალიან ცუდი ამბებია გელათიდან" - ნიკა ვაჩეიშვილი

საქართველოს კულტურის ყოფილი მინისტრი ნიკა ვაჩეიშვილი სოციალურ ქსელში გელათის მონასტერში გადაღებულ ფოტოებს ავრცელებს და წერს, რომ აღმაშენებლის დროს გამართულ ღვთისმშობლის მოზაიკაზე ზედაპირის ცვენის პროცესი დაიწყო.„ძალიან ცუდი ამბებია გელათიდან.დავით აღმაშენებლის დროს გაწყობილ ღმრთისმშობლის მოზაიკაზე დაიწყო ზედაპირის ცვენის პროცესი.ტაძარში ჩასული წყალმა მოაძრო წმინდა მარიამის თვალთან მონაკვეთი. ეს ყველაზე სუსტი ადგილი იყო მოზაიკაზე, ადრე ტონირებული, ამიტომაც ჯერ ის ჩამოვარდა.ლაქები გარშემოც გამოიკვეთა. ჩამოცვივდება სმალტებიც. ჩანს, რომ პროცესი ინტენსიურია.სურათებზე: პირველ ფოტოზე ნაჩვენებია წმინდა მარიამის ახლადდაზიანებული სახე.შეადარეთ მეორე -2007 წლის და 2020 წელს გადაღებულ ფოტოებს, სადაც მოზაიკა ჯერ კიდევ დაუზიანებელია!საუკუნის დანაშაულია,“ - წერს ნიკა ვაჩეიშვილი. 

1665403540

კულტურის სამინისტრო
კულტურის სამინისტრო "ტვ პირველის" მიერ გავრცელებულ ინფორმაციას ეხმიანება

საქართველოს კულტურის სამინისტრო განცხადებას ავრცელებს, რომლითაც "ტვ პირველს“ გელათთან დაკავშირებით მორიგი ყალბი ინფორმაციის გავრცელებაში ადანაშაულებს."ტვ პირველის ერთ-ერთი გადაცემის ფარგლებში, 2022 წლის 9 ოქტომბერს გავრცელებული ინფორმაცია იმის თაობაზე, თითქოს, წვიმის წყლის ტაძარში ჩადინებისა და ლპობის პროცესის დაწყების გამო, გელათის სამონასტრო კომპლექსში დაზიანდა დავით აღმაშენებლის დროს გაწყობილი ღვთისმშობლის მოზაიკა და დაიწყო მისი ზედაპირის ცვენა, კერძოდ, ღვთისმშობლის სახეზე ღაწვის ადგილი.„ტვ პირველის“ მიერ გავრცელებული ინფორმაციის მიხედვით, ასევე, ლაქები გაჩნდა მოზაიკის სხვა ადგილებზეც. ზემოაღნიშნული ინფორმაცია არ შეესაბამება სინამდვილეს. უფრო მეტიც - მედიასაშუალების მიერ გადადგმული ეს ნაბიჯი განზრახ სიცრუის ჩადენის დასანანი მაგალითია და, რასაკვირველია, საზოგადოების შეცდომაში შეყვანას ისახავს მიზნად. ეს კი პირდაპირ ეწინააღმდეგება მედიის ძირითად ფუნქციასა და დანიშნულებას.სიუჟეტში საზოგადოებისათვის მიწოდებული ინფორმაცია, რომ თითქოს გელათში, ღვთისმშობლის მოზაიკის ღვთისმშობლის სახის ფრაგმენტი ახლა დაზიანდა/დღეს ზიანდება ელემენტარული სიცრუეა. მეცნიერული კვლევებით და პუბლიკაციებით დადასტურებული სინამდვილე კი ის არის, რომ მოზაიკის მთელი ქვედა ნაწილი და ღვთისმშობლის სახის ნაწილი დაზიანდა მე-16 საუკუნემდე. მე-16 საუკუნეში კი, ზუსტად ის ფრაგმენტი, რომელზეც „ტვ პირველის“ სიუჟეტში იყო საუბარი, აღადგინეს ფრესკული ტექნიკით.უფრო ზოგადად, ძირითადი ტაძრის საკურთხეველში, სადაც მოზაიკაა განთავსებული, მონასტერში 2020 წლამდე შექმნილი მძიმე ვითარების პერიოდშიც კი, წყალი არ ჩასულა. ამასთან, 2021 წელს, საკურთხეველში კედლის მხატვრობისა და მოზაიკის მონიტორინგმა დაზიანებები არ გამოავლინა, რის შემდეგაც, რელიგიური მსახურებისათვის ხელშეშლის თავიდან აცილების მიზნით, ხარაჩოები საკურთხევლიდან დროებით იქნა მოხსნილი.ზუსტი შეფასება კი ხარაჩოსა და პროფესიული დაკვირვების გარეშე აბსოლუტურად შეუძლებელია, რის გამოც, საქმე გვაქვს, მედიასაშუალების მხრიდან, დეზინფორმაციის გავრცელების მორიგ შემთხვევასთან“, - ნათქვამია განცხადებაში.

1665341940

კონცერტი
საქართველოში მომდევნო წლისთვის მსოფლიო დონის ვარსკვლავების კონცერტები იგეგმება

საქართველოში მომდევნო წლისთვის მსოფლიო დონის ვარსკვლავების კონცერტები იგეგმება. - ამის შესახებ განცხადება საქართველოს პრემიერ-მინისტრმა, ირაკლი ღარიბაშვილმა მთავრობის სხდომაზე გააკეთა."მაისის ბოლოდან, ივნისში, ივლის-აგვისტოში მსოფლიო დონის ვარსკვლავების ჩამოყვანა იგეგმება. თბილისის სტადიონზე, ბათუმში, "ბლექსი არენაზე", ყველგან უნდა იყოს მსოფლიო დონის ვარსკვლავების კონცერტები. ამ პროგრამაზე ვმუშაობთ და მოგვიანებით საზოგადოება მიიღებს ინფორმაციას," - განაცხადა ირაკლი ღარიბაშვილმა.

1664535905