არველაძე კორეა
საქართველოსა და კორეას შორის თავისუფალი ვაჭრობის შეთანხმების შესახებ ერთობლივ დეკლარაციას ხელი მოეწერა

2022 წლის 30 ნოემბერს, კორეის დედაქალაქ სეულში, შეხვედრა გაიმართა კორეის ვაჭრობის, მრეწველობისა და ენერგეტიკის სამინისტროს თავისუფალი ვაჭრობის პოლიტიკის დაგეგმვის დეპარტამენტის დირექტორთან გი ვუკ იანგთან თავისუფალი ვაჭრობის შეთანხმების თაობაზე.  აღნიშნული შეხვედრის ფარგლებში, მიმდინარე წლის 30 ნოემბერს ხელი მოეწერა საქართველოს ეკონომიკისა და მდგრადი განვითარების სამინისტროსა და კორეის რესპუბლიკის ვაჭრობის, მრეწველობისა და ენერგეტიკის სამინისტროს ერთობლივ დეკლარაციას საქართველოსა და კორეის რესპუბლიკას შორის თავისუფალი ვაჭრობის შეთანხმების მიზანშეწონილობის კვლევის დასრულების შესახებ.საქართველოს მხრიდან ერთობლივ დეკლარაციას ხელი მოაწერა ეკონომიკისა და მდგრადი განვითარების მინისტრის მოადგილე გენადი არველაძემ.ერთობლივი მიზანშეწონილობის კვლევის დასკვნებისა და რეკომენდაციების თანახმად, კორეა-საქართველოს თავისუფალი ვაჭრობის შეთანხმება განხორციელებადი და მნიშვნელოვანი სარგებელის მომტანია როგორც საქართველოსთვის, ასევე კორეისთვის. აღნიშნული შეთანხმება, დღეისათვის ძალაში მყოფი შეთანხმებებით დაფარულ 2.3 მილიარდიან ბაზარზე, ქართულ საექსპორტო პროდუქციას წვდომას გაუხსნის თავისუფალი ვაჭრობის რეჟიმით გაიტანონ 50 მილიონიან, მაღალი მსყიდველობითი უნარის მქონე სამომხმარებო ბაზარზე. ამასთან, საქართველოსა და კორეის რესპუბლიკას შორის თავისუფალი ვაჭრობის შეთანხმება იქნება კატალიზატორი ორ ქვეყანას შორის სავაჭრო-ეკონომიკური ურთიერთობების გასაძლიერებლად. საქართველოსა და კორეის რესპუბლიკას შორის თავისუფალი ვაჭრობის შეთანხმება ხელს შეუწყობს არა მხოლოდ ვაჭრობისა და ინვესტიციების გაფართოებას, არამედ უზრუნველყოფს ყოვლისმომცველ ინსტიტუციურ ჩარჩოს ორმხრივი თანამშრომლობის ფართო სპექტრისთვის.რეკომენდაციების თანახმად, მოლაპარაკებები თავისუფალი ვაჭრობის შეთანხმებაზე, შესაძლებლობის ფარგლებში და ორი ქვეყნის ორმხრივი სარგებლის გათვალისწინებით, უნდა გაიმართოს როგორც საქონლითა და მომსახურებით ვაჭრობაზე, ასევე ვაჭრობასთან დაკავშირებული ზომების ფართო სპექტრზე, როგორიცაა ვაჭრობის ხელშეწყობა, საბაჟო სფერო, ვაჭრობაში დაცვითი ზომები, სანიტარული და ფიტოსანიტარული ზომები, არასატარიფო ზომები, ინტელექტუალური საკუთრების უფლებები და სხვ.ასევე, კვლევის რეკომენდაციების შესაბამისად, მხარეები შეთანხმდნენ, რომ შეძლებისდაგვარად მოკლე დროში განახორციელებენ შესაბამის შიდა სახელმწიფოებრივ პროცედურებს თავისუფალი ვაჭრობის შეთანხმებაზე მოლაპარაკებების დასაწყებად, რაზეც პირველი რაუნდის გამართვა იგეგმება 2023 წელს.ვაჭრობის, მრეწველობისა და ენერგეტიკის სამინისტროს თავისუფალი ვაჭრობის პოლიტიკის დაგეგმვის დეპარტამენტის დირექტორთან შეხვედრაზე, მხარეებმა ასევე განიხილეს ორმხრივი თანამშრომლობის პერსპექტივები ენერგეტიკის, წარმოების, ტურიზმის, ტრანსპორტისა და ლოგისტიკის სფეროებში.

1669802725

გიორგი ცუცქირიძე
„ზედაპირულობას და პოპულიზმს სანამ არ მოვრჩებით, არაფერი არ გვეშველება!" - გიორგი ცუცქირიძე

"სხვა დროსაც აღმინიშნავს, რომ ქართული ოპოზიციის პრობლემა ხელისუფლებასთან ოპონირების არასწორ სტრატეგიაში უფრო მდგომარეობს," - ასე ეხმაურება ეკონომისტი გიორგი ცუცქირიძე "ლელოს"ლიდერის, მამუკა ხაზარაძის გუშინდელ ფეისბუქ პოსტს, სადაც ხაზარაძე ირაკლი ღარიბაშვლის გამოსვლაში სიცრუეების აღმოჩენით იყო დაკავებული. ცუცქირიძე ამბობს, რომ ქართული ოპოზიციის წარმომადგენლების მიერ სახელისუფლებო პოლიტიკასთან დაპირისპირებების უმეტესობა ციფრებით მანიპულირებაზეა დაფუძნებული და არა რეალურ ალტერნატიულ ხედვებზე."მათი დილემა რასწორ და წამგებიან პოზიციონირებასთან ერთად, ალტერნატიული ხედვის არქონაშიც მდგომარეობს. ერთადერთი რასაც ოპოზიცია სახელისუფლებო პოლიტიკას უპირისპირებს, ხშირად ცალკეული ციფრების მანიპულაციას უფრო წარმოადგენს. როგორც ჩანს ამ ტრადიციას არ ღალატობს ბატონი მამუკა ხაზარაძეც. გუშინ მან თავის კედელზე ერთი შეხედვით მეტად დამაინტრიგებელი პოსტი დადო, გამომწვევი სათაურით-ქართული ანდაზა - “ტყუილს მოკლე ფეხები აქვს.” ამ საკითხზე კომენტარს არც ვაპირებდი, რომ არა თავად მისი შემოთავაზება აღნიშნულთან ქართველი ეკონომისტების შეფასება მაინტერესებსო და ვეცდები მის მიერ „ტყუილად „ წარმოსახული პასაჟები განვმარტო.პირველი ტყუილი პრემიერის იმ განცხადებას ეხება, რომლის თანახმადაც 2023 წელს ერთ სულ მოსახლეზე GDP $7,500 ვერ გახდება, რადგან 2021 წლის $ 5,015 დან ვერ გაიზრდება 2 წელიწადში 7500 აშშ დოლარამდეო ანუ რაც მარტივი გათვლებით 40 %-იანი ზრდის ტოლაფასიაო. აქვე განვმმარტავ, რომ უკვე მიმდინარე 2022 წლის ბოლოს მშპ მიაღწევს 72,2 მლრდ ლარს, ერთ სულ მოსახლეზე ეროვნული შემოსავალი საბიუჯეტო პარამეტრებითვე 6565 აშშ დოლარი იქნება, ანუ გაიზრდება 30 %-ით. რადგან ზრდის ეს მაჩვენებელი მისთვის არარეალისტურად მოჩანს, ავხსნი, რომ გარდა ეკონომიკური ზრდის მაჩვენებლისა, ერთ სულ მოსახლეზე ეროვნული შემოსავალი აშშ დოლარში გაანგარიშებისას ასევე დამოკიდებულია წინა წელთან შედარებით ლარის აშშ დოლართან გაცვლით კურსზეც და არა მხოლოდ ეკონომიკის წლიური ზრდის პარამეტრზე ლარში. თუ ჩვენ ლარის გაცვლითი კურსის გამყარების დინამიკას მივიღებთ მხედველობაში, წლის ბოლოს ყველა პროგნოზით ლარის გაცვლითი კურსი აშშ დოლართან 2.70-2.72 ფარგლებში იქნება და წლის დასაწყისიდან 11 %-ით არის გამყარებული.აქვე აღვნიშნავ, რომ მასაც იგივე შეცდომა მოდის რაც ფადი ასლის მოუვიდა, როდესაც პრემიერის ადრინდელ განცხადებაზე, რომ 2022 წლის ბოლოს თუ ერთ სულ მოსახლეზე ეროვნული შემოსავალი 5200 აშშ დოლარს ასცდებოდა რუსთაველზე ფეხშიშველა აპირებდა გავლას. ეს მომხიბვლელი პერსპექტივა ბატონ ასლის ჯერ კიდევ წინ ელოდება და იმედია სიტყვას უკან არ წაიღებს. აქვე შევახსენებ, რომ სავალუტო ფონდის საშუალო და გრძელვადიანი პროგნოზით, რომელიც როგორც წესი უფრო კონსერვატიულია, 2027 წელს ერთ სულ მოსახლეზე ეროვნული შემოსავალი 10 400 აშშ დოლარს მიაღწევს, ხოლო 2030 წლისათვის 15 000 აშშ დოლარს გადააჭარბებს, რაც მაღალ შემოსავლიანი ქვეყნის სტატუსის შესაბამისია ანუ დღევანდელთან შედარებით გაორმაგდება! ახლა მეორე ტყუილად მიჩნეულ 100 000 ახალ სამუშაო ადგილზე, რასაც მისივე გათვლებით მინიმუმ 2 მილიარდი დოლარის რეალური ინვესტიციები დაჭირდებოდა ან 2000 საწარმო უნდა გახსნილიყო და თუ ეს ასეა მაშინ ქვეყანა 6 თვეში 100 000-მა ადამიანმა, რეალურმა სამუშაო ძალამ რატომ დატოვა, რიტორიკულ კითხვას სვამს ბატონი ხაზარაძე. სამუშაოდ უცხოეთში გასული ადამიანების რიცხვი ერთი შეხედვით კი მოჩანს შთამბეჭდავად ნეგატიურ კონტექსტში, თუმცა მსურს ავღნიშნო, რომ მათ შორის ტრადიციულად დიდია ე.წ სეზონურ სამუშაოზე გასული ადამიანების რიცხვი, ასევე სტუდენტები, რომლებიც აქ სწავლის პარალელურად მუშაობდენ და რომლებიც უცხოეთში მიდიან სწავლის გასაგრძელებლად. ამასთან, სამუშაოდ გასული ადამიანების დიდი ნაწილი ისევ უკანვე მალე ბრუნდება, რადგან ხშირად დაპირებული პირობები არ სრულდება და ცრუ მოლოდინების მსხვერპლი არიან! ეს რომ ასე არ იყოს, და დავუშვათ გადინების მყარი ვექტორი გვქონდეს, მაშინ საქსტატისვე მონაცემებით 2022 წლის მესამე კვარტალში არ გაგრძელდებოდა წლის დასაწყისში უმუშევრობის შემცირების დადებითი ტენდენცია და კიდევ უფრო თვალსაჩინო არ გახდებოდა, როდესაც ისტორიულ მინიმუმს მიაღწია და 15.6% შეადგინა!. მიმდინარე წლის მესამე კვარტალში უმუშევრობის დონე არა მხოლოდ წინა წელთან შედარებით არის 3.9 პროცენტული პუნქტით შემცირებული, არამედ პანდემიამდელ მაჩვენებელთან მიმართებაში ანუ- 2019 წლის მესამე კვარტალთან შედარებით 1.2 პროცენტული პუნქტით შემცირდა. რაოდენობრივად კი უმუშევართა რაოდენობა წინა წლის მესამე კვარტალთან შედარებით 60.1 ათასი კაცით შემცირდა და 250.7 ათასს გაუტოლდა.ამასთან, როცა დავუშვათ უმუშევრობის შემცირება დაუსაქმებელი შრომის უნარიანი მოსახლეობის გადინების ხარჯზე, მაშინ დასაქმების ასეთი მაღალი ზრდა უბრალოდ ვერ იქნებოდა. დასაქმება მნიშვნელოვნად - 77.5 ათასით გაიზარდა და 1,358.6 ათასი შეადგინა, ხოლო პანდემიამდელ - 2019 წლის მესამე კვარტლის მაჩვენებელს 47.4 ათასით გადააჭარბა. ამასთან კიდევ ერთი მნიშვნელოვანი პარამეტრის-სამუშაო ძალა არა თუ გაიზრდებოდა, არამედ უფრო შემცირდებოდა. ჩვენ კი საპირისპიროს ვხედავთ, რომ ის ადამიანები ვინც ადრე ეკონომიკურ აქტივობაში არ მონაწილეობდნენ და არც სამსახურს ეძებდნენ, დღეს გადადიან ეკონომიკურად აქტიურ მოსახლეობაში და ამავე დროს საქმდებიან. მესამე კვარტალში სამუშაო ძალა 17.4 ათასით გაიზარდა და 1609.4 ათასი შეადგინა!. ესეც მიანიშნებს კიდევ ერთ მნიშვნელოვან პარამეტრზე, დასაქმება არ იზრდება მხოლოდ კერძო სექტორის ხარჯზე, სახელმწიფო პროგრამებმა განსაკუთრებით, ინფრასტრუქტურული პროექტების დაფინანსების ნაწილში და განსაკუთრებით სოციალურად დაუცველი პირებისათვის სახელმწიფო პროგრამებში მონაწილეობის შემთხვევაში შეღავათების დაწესებამ, რომლებიც მანამდე სამუშაოს დაწყებისაგან თავს იკავებდნენ გაჭირვებული ოჯახებისათვის სოციალური დახმარების მოხსნის შიშით, თავისი პოზიტიური შედეგი უკვე აჩვენა. და ბოლოსთვის, ბატონი ხაზარაძე როცა წერს - ტყუილს სანამ არ მოვრჩებით, არაფერი გვეშველებაო, მეც პერიფრაზით დავასრულებ - ზედაპირულობას და პოპულიზმს სანამ არ მოვრჩებით, მართლა არაფერი არ გვეშველება!" - წერს გიორგი ცუცქირიძე. ცნობისათვის, მამუკა ხაზარაძემ მთავრობის მეთაურის გამოსვლა გააკრიტიკა და პრემიერ-მინისტრს ბრალი სიცრუეში დასდო. "ტყუილს მოკლე ფეხები აქვს" - ასეთ სათაურით გამოაქვეყნა მამუკა ხაზარაძემ პოსტი საკუთარ ფეისბუქ გვერდზე.

1669792759

საქსტატი
საქსტატის ცნობით, ათ თვეში საქართველოს ეკონომიკა 10%-ით გაიზარდა

სტატისტიკის ეროვნული სამსახურის ინფორმაციით, მიმდინარე წლის ათ თვეში საქართველოს ეკონომიკა 10 პროცენტით გაიზარდა.საქსტატის ცნობით, 2022 წლის ოქტომბერში წინა წლის შესაბამის პერიოდთან შედარებით, რეალური მთლიანი შიდა პროდუქტის ზრდამ 8.3 პროცენტი შეადგინა.როგორც საქსტატში აცხადებენ, ზრდის მიმართულებით მნიშვნელოვანი წვლილი შეიტანა შემდეგმა დარგებმა: მშენებლობა, ტრანსპორტი და დასაწყობება, საფინანსო და სადაზღვევო საქმიანობები, სამთო-მოპოვებითი მრეწველობა, სასტუმროები და რესტორნები, ხელოვნება, გართობა და დასვენება.კლების ტენდენცია დაფიქსირდა დამამუშავებელი მრეწველობისა და უძრავ ქონებასთან დაკავშირებული საქმიანობების დარგებში.

1669792380

ლარის კურსი
1 აშშ დოლარის ოფიციალური ღირებულება 2.7153 ლარი გახდა

1 აშშ დოლარის ოფიციალური ღირებულება 2.7153 ლარი გახდა.ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7153 ლარი გახდა. კურსი, რომელიც დღეს მოქმედებდა, 2.7103 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0050 ლარი შეადგინა.რაც შეეხება ევროს, მისი კურსი 2.8196 ლარია. მაშინ, როცა დღეს მოქმედი კურსი 2.8390 ლარს შეადგენდა. შესაბამისად, ევროს ცვლილებამ 0.0194 ლარი შეადგინა. 

1669727755

ლარის კურსი
1 აშშ დოლარის ოფიციალური ღირებულება 2.7103 ლარი გახდა

1 აშშ დოლარის ოფიციალური ღირებულება 2.7103 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7103 ლარი გახდა. კურსი, რომელიც დღეს მოქმედებდა, 2.7088 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0015 ლარი შეადგინა.რაც შეეხება ევროს, მისი კურსი 2.8390 ლარია. მაშინ, როცა დღეს მოქმედი კურსი 2.8220 ლარს შეადგენდა. შესაბამისად, ევროს ცვლილებამ 0.0170 ლარი შეადგინა.

1669641017

1/04/2022
ვის და რამდენი პროცენტით გაეზრდება ხელფასი - ფინანსთა მინისტრი განმარტავს

ფინანსთა მინისტრი ლაშა ხუციშვილი განმარტავს, მომდევნო წლის ბიუჯეტის თანახმად, ვის და რამდენი პროცენტით გაეზრდება ხელფასი.როგორც ხუციშვილმა მთავრობის სხდომის დასრულების შემდეგ გამართულ პრესკონფერენციაზე განაცხადა, ყოველწლიურად საჯარო სექტორში დასაქმებულთა ხელფასები 10%-ით გაიზრდება, მომავალ წელს კი გამონაკლისის სახით ჯარის, პოლიციისა და უსაფრთხოების სამსახურის ანაზღაურება 20%-ით მოიმატებს."საჯარო პირობად გვაქვს აღებული, რომ ყოველწლიურად დაახლოებით 10%-ით გაიზარდოს საჯარო სამსახურში დასაქმებულთა ხელფასები, რადგან მეტ-ნაკლებად კონკურენტულ გარემოში შეძლონ საჯარო სამსახურებმა ფუნქციონირება.ეს წელი გამონაკლისია უშუალოდ ჯარისთვის, პოლიციისთვის და უსაფრთხოების სამსახურის თანამშრომლებისთვის. არსებული რეალობიდან და რისკებიდან გამომდინარე იქნა ეს გადაწყვეტილება მიღებული და მათი ხელფასები 20%-ით გაიზრდება," - განაცხადა ლაშა ხუციშვილმა. ცნობისთვის, დღეს გამართულ მთავრობის სხდომაზე პრემიერ-მინისტრმა განაცხადა, რომ პარლამენტს ბიუჯეტის საბოლოო ვარიანტი 30 ნოემბერს წარედგინება.მისივე თქმით, ბიუჯეტში, დაზუსტებული იქნება ეკონომიკური ზრდა, რომელიც ნაცვლად 8,5%-ისა, ითვალისწინებს 10%-იან ზრდას.

1669639331

ირაკლი ღარიბაშვილი
"პარლამენტს ბიუჯეტის საბოლოო ვარიანტი 30 ნოემბერს წარედგინება" - პრემიერი

პარლამენტს ბიუჯეტის საბოლოო ვარიანტი 30 ნოემბერს წარედგინება. - ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა და დასძინა რომ ბიუჯეტში, დაზუსტებული იქნება ეკონომიკური ზრდა, რომელიც ნაცვლად 8,5%-ისა, ითვალისწინებს 10%-იან ზრდას.პრემიერ-მინისტრის თქმითვე, სოციალური გასაცემლების ნაწილში ბიუჯეტს დაემატება სოციალურად დაუცველი ბავშვების დახმარების ზრდა, რაც 2023 წლის პირველი ივლისიდან 50-ის ნაცვლად 200 ლარს შეადგენს და აღნიშნული ხარჯი, ჯამში 65 მილიონ ლარს შეადგენს."პარასკევს გვქონდა ბოლო განხილვა ეკონომიკური საბჭოს ფორმატში და 30 ნოემბერს საქართველოს პარლამენტს წარედგინება ბიუჯეტის საბოლოო ვარიანტი. მიმდინარე წლის ეკონომიკური ზრდის პროგნოზს დავაზუსტებთ, ნაცვლად 8,5%-ისა, გვექნება 10%. ეს ნიშნავს, რომ ჩვენ ზედიზედ ორი წლის განმავლობაში გვაქვს ორნიშნა ეკონომიკური ზრდა, რაც არის სწორი ეკონომიკური პოლიტიკის შედეგი. მინდა შევახსენო ყველას, რომ დაახლოებით, 80 მილიარდი ლარი იქნება ჩვენი ქვეყნის მთლიანი შიდა პროდუქტი, ეს ნიშნავს, რომ დაახლოებით, ერთ სულ მოსახლეზე გადაანგარიშებით, 7500 დოლარს მიაღწევს, რაც, რა თქმა უნდა, ძალიან დიდი პროგრესია ამ ბოლო 2 წლის განმავლობაში.აქვე მინდა რამდენიმე საინტერესო ასპექტი გამოვყო. სოციალური მიმართულებით ჩვენ მომდევნო წელს სოციალური გასაცემლების ზრდა გვაქვს გათვალისწინებული. გვქონდა ყველა მიმართულებით ზრდა, ეს იქნებოდა პენსიები, შშმ პირთა დახმარება და სხვა და ამას ჩვენ დავუმატეთ სოციალურად დაუცველი ბავშვების დახმარების ზრდას, რაც არ იყო ბიუჯეტის წინა ვარიანტში გათვალისწინებული. მოგეხსენებათ, რომ ბავშვების დახმარება თითო ბავშვზე იყო 50 ლარი 2 წლის წინ, თუ არ ვცდები და გაისად 2023 წლის პირველი ივლისიდან ეს გახდება 200 ლარი. თითო ბავშვზე 200 ლარს გავცემთ და ამაში დაიხარჯება 65 მილიონი ლარი.ასევე, მინდა გაცნობოთ, რომ ჩვენ ვიწყებთ კიდევ ერთ მასშტაბურ პროექტს - ეს არის დევნილებისთვის ბინების მშენებლობა. 7000 ბინაზეა პროექტი გათვლილი და წელსვე ჩვენ ამ მიზნით გამოვყოფთ 50 მილიონ ლარზე მეტს," - განაცხადა ღარიბაშვილმა.

1669632844

კელი დეგნანი
"ჩვენ ვრჩებით ანაკლიის ღრმაწყლოვანი პორტის განვითარების დიდ მხარდამჭერად, რომელიც უნდა განხორციელდეს ისე, რომ საქართველოს საუკეთესო ინტერესებს შეესაბამებოდეს" - კელი დეგნანი 

"აშშ წლებია, ანაკლიის ღრმაწყლოვანი პორტის მტკიცე მხარდამჭერია, რადგან მიგვაჩნია, რომ ის შეიძლება, იყოს მნიშვნელოვანი კონტრიბუცია საქართველოს შავი ზღვისკენ ორიენტაციისთვის," - განაცხადა საქართველოში აშშ-ის ელჩმა კელი დეგნანმა.მისივე თქმით, რამდენადაც მას აქვს ინფორმაცია, მთავრობა ანაკლიის პორტზე ტენდერის გამოცხადებას მომავალი წლის დასაწყისში აპირებს."აშშ წლებია, ანაკლიის ღრმაწყლოვანი პორტის მტკიცე მხარდამჭერია, რადგან მიგვაჩნია, რომ ის შეიძლება, იყოს მნიშვნელოვანი კონტრიბუცია საქართველოს შავი ზღვისკენ ორიენტაციისთვის. ახლა ყველა ვხედავთ, რომ ანაკლიის პორტი შარშან რომ დასრულებულიყო, როგორც თავდაპირველად იყო დაგეგმილი, ეს იქნებოდა უდიდესი წვლილი საქართველოსთვის, რადგან საქართველო ავითარებს თავის როლს ცენტრალური აზიიდან ევროპაში ტვირთების გადაზიდვაში. ეს საქართველოსთვის კრიტიკული ინფრასტრუქტურაა განსავითარებლად, სწორედ ამიტომ უკვე გარკვეული დროა, მოუწოდებდა აშშ ანაკლიის პორტის განვითარებისკენ.როგორც ვიცი, რამდენიმე გლობალური კვალიფიცირებული საპორტო ოპერატორია, რომელმაც დაინტერესება გამოთქვა ანაკლიის პორტით და მთავრობა მომავალი წლის დასაწყისში ტენდერის გამოცხადებას აპირებს. ვფიქრობთ, ანაკლია ძალიან დიდ წვლილს შეიტანს საქართველოს ეკონომიკაში, ასევე, შექმნის სამუშაო ადგილებს ამ რეგიონში და მის მიღმა. ასე რომ, ჩვენ ვრჩებით ანაკლიის ღრმაწყლოვანი პორტის განვითარების დიდ მხარდამჭერად, რომელიც უნდა განხორციელდეს ისე, რომ საქართველოს საუკეთესო ინტერესებს შეესაბამებოდეს და დაიცავს საქართველოს კრიტიკულ ინფრასტრუქტურას," - განაცხადა კელი დეგნანმა.

1669632169

ლარის კურსი
1 აშშ დოლარის ოფიციალური ღირებულება 2.7088 ლარი გახდა

1 აშშ დოლარის ოფიციალური ღირებულება 2.7088 ლარი გახდა.ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7088 ლარი გახდა. კურსი, რომელიც დღეს მოქმედებდა, 2.7117 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0029 ლარი შეადგინა.რაც შეეხება ევროს, მისი კურსი 2.8220 ლარია. მაშინ, როცა დღეს მოქმედი კურსი 2.8218 ლარს შეადგენდა. შესაბამისად, ევროს ცვლილებამ 0.0002 ლარი შეადგინა.

1669382009

ლარის კურსი
1 აშშ დოლარის ოფიციალური ღირებულება 2.7117 ლარი გახდა

1 აშშ დოლარის ოფიციალური ღირებულება 2.7117 ლარი გახდა.ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7117 ლარი გახდა. კურსი, რომელიც დღეს მოქმედებდა, 2.7192 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0075 ლარი შეადგინა.რაც შეეხება ევროს, მისი კურსი 2.8218 ლარია. მაშინ, როცა დღეს მოქმედი კურსი 2.7951 ლარს შეადგენდა. შესაბამისად, ევროს ცვლილებამ 0.0267 ლარი შეადგინა.

1669297240

"საქსტატის" ცნობით, 2022 წლის III კვარტალში ყველაზე მეტი ვიზიტი (43.7 პროცენტი) განხორციელდა საყიდლების მიზნით
2022 წლის III კვარტალში საქართველოდან საზღვარგარეთ რეზიდენტი მოგზაურების 693.4 ათასი გასვლა დაფიქსირდა, რაც წინა წლის მაჩვენებელზე 3.9-ჯერ მეტია - "საქსტატი" 

2022 წლის III კვარტალში საქართველოს ტერიტორიიდან დაფიქსირდა საქართველოს რეზიდენტი მოგზაურების 693.4 ათასი გასვლა საზღვარგარეთ, რაც წინა წლის შესაბამისი პერიოდის მაჩვენებელზე 3.9-ჯერ მეტია, - ამის შესახებ ინფორმაციას საქართველოს სტატისტიკის ეროვნული სამსახური ავრცელებს.მათივე ინფორმაციით, გასვლების უდიდესი ნაწილი, 46.3 პროცენტი, 31-50 წლის მოგზაურების მიერ განხორციელდა."აღნიშნული რაოდენობიდან საქართველოს რეზიდენტი ვიზიტორების მიერ საზღვარგარეთ განხორციელებული ვიზიტების რაოდენობამ 531.8 ათასი შეადგინა, რაც 3.3-ჯერ მეტია 2021 წლის შესაბამისი პერიოდის მაჩვენებელზე.საქართველოს რეზიდენტი ვიზიტორების მიერ საზღვარგარეთ განხორციელდა 287.7 ათასი ტურისტული ტიპის ვიზიტი, რაც 94.3 პროცენტით მეტია წინა წლის შესაბამისი პერიოდის მაჩვენებელზე.ვიზიტების უმრავლესობა, 48.9 პროცენტი, განხორციელდა 31-50 წლამდე ასაკობრივ კატეგორიაში შემავალი საქართველოს რეზიდენტი ვიზიტორების მიერ. ქალების მიერ განხორციელებული ვიზიტების რაოდენობა მთლიანი ვიზიტების 48.7 პროცენტს შეადგენდა," - ნათქვამია გავრცელებულ ინფორმაციაში."საქსტატის" ცნობით, 2022 წლის III კვარტალში ყველაზე მეტი ვიზიტი (43.7 პროცენტი) განხორციელდა საყიდლების მიზნით."ვიზიტების უმრავლესობა განხორციელდა თურქეთსა და რუსეთის ფედერაციაში, შესაბამისად, 314.5 ათასი და 79.4 ათასი ვიზიტი.2022 წლის III კვარტალში განხორციელებული ვიზიტებისას გათეული ღამეების საშუალო რაოდენობამ 6.3 ღამე შეადგინა. განხორციელებული ვიზიტების 95.7 პროცენტი წარმოადგენდა განმეორებითი ხასიათის ვიზიტს.2022 წლის III კვარტალში განხორციელებული ვიზიტებისას გაწეული ხარჯები 539.4 მილიონ ლარს გაუტოლდა. ვიზიტზე საშუალო ხარჯმა 1 014.1 ლარი შეადგინა," - ნათქვამია "საქსტატის" მიერ გავრცელებულ ინფორმაციაში.

1669282010

ლარის კურსი
1 აშშ დოლარის ოფიციალური ღირებულება 2.7192 ლარი გახდა

1 აშშ დოლარის ოფიციალური ღირებულება 2.7192 ლარი გახდა.ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულება 2.7192 ლარი გახდა. კურსი, რომელიც დღეს მოქმედებდა, 2.7178 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0014 ლარი შეადგინა.რაც შეეხება ევროს, მისი კურსი 2.7951 ლარია. მაშინ, როცა დღეს მოქმედი კურსი 2.7814 ლარს შეადგენდა. შესაბამისად, ევროს ცვლილებამ 0.0137 ლარი შეადგინა.

1669122692