შოთაძე
ირაკლი შოთაძის თქმით, ევროპის პროკურორის ოფისთან ურთიერთთანამშრომლობის შეთანხმების ფარგლებში დაგეგმილია ევროკავშირის პროკურატურაში საქართველოს პროკურატურის წარმომადგენლის დანიშვნა

ევროპის პროკურორის ოფისთან ურთიერთთანამშრომლობის შეთანხმების ფარგლებში, დაგეგმილია ევროკავშირის პროკურატურაში საქართველოს პროკურატურის წარმომადგენლის დანიშვნა, რომელიც ლუქსემბურგში, ევროკავშირის სათაო ოფისში იქნება მივლენილი - ამის შესახებ საქართველოს გენერალურმა პროკურორმა ირაკლი შოთაძემ, ევროკავშირის პტოკურატურის მთავარ პროკურორთან ლაურა კოვეშთან ორმხრივი შეხვედრის დასრულების შემდეგ განაცხადა.პროკურატურის ინფორმაციით, საქართველოს გენერალურ პროკურატურაში, საქართველოს პროკურატურასა და ევროპის პროკურორის ოფისს შორის შემდგომი თანამშრომლობის გაღრმავების მიზნით, ურთიერთთანამშრომლობის შეთანხმება გაფორმდა,რომელსაც ხელი მოაწერეს საქართველოს გენერალურმა პროკურორმა ირაკლი შოთაძემ და ევროპის (EPPO) მთავარმა პროკურორმა ლაურა კოვეშმა.გენერალური პროკურორის ირაკლი შოთაძის განცხადებით, საქართველოს პროკურატურაში ევროკავშირის პროკურატურის დელეგაციის ვიზიტი ევროპის (EPPO) მთავარი პროკურორის ლაურა კოვეშის ხელმძღვანელობით უაღრესად მნიშვნელოვანია და ორ უწყებას შორის თანამშრომლობის გაღრმავებას შეუწყობს ხელს.როგორც ირაკლი შოთაძემ აღნიშნა, ევროკავშირის პროკურატურასთან ერთად გაგრძელდება ეფექტიანი მუშაობა ტრანსნაციონალური ორგანიზებული დანაშაულის წინააღმდეგ, როგორიც არის კორუფცია, ფულის გათეთრება და სხვა ფინანსური დანაშაულები, რომელიც დაკავშირებულია ევროკავშირის ფონდების არაკანონიერ გამოყენებასთან.„რა თქმა უნდა, ევროკავშირის პროკურატურასთან თანამშრომლობა საქართველოს გენერალური პროკურატურისთვის პრიორიტეტული მიმართულებაა. აღნიშნული თანამშრომლობა დაიწყო დღეიდან, რაც საქართველოს ევროინტეგრაციის გზაზე გადადგმული მეტად მნიშვნელოვანი ნაბიჯი იქნება", - განაცხადა საქართველოს გენერალურმა პროკურორმა.

1664431934

ნელი დოროყაშვილი
"ნიკოლოზს უნდოდა განქორწინება, მაგრამ სურდა, მისი ფიქტიური ცოლი ვყოფილიყავი, რასაც არავინ დათანხმდება"– ნელი დოროყაშვილი

"ნიკოლოზს უნდოდა განქორწინება, მაგრამ უნდოდა, რომ მისი ფიქტიური ცოლი ვყოფილიყავი, რასაც არავინ დათანხმდება"– განაცხადა ჩოგბურთელ ნიკოლოზ ბასილაშვილის ყოფილმა მეუღლემ, ნელი დოროყაშვილმა.როგორც მან დღევანდელ პროცესზე აღნიშნა, ურთიერთობის დაძაბვის შემდეგ, ის და ნიკოლოზ ბასილაშვილი ძალიან ხშირად საუბრობდნენ განქორწინებაზე."ნიკოლოზს სურდა განქორწინება, ოღონდ ეს ყველაფერი სასამართლოს გარეშე სურდა. ნიკოლოზს უნდოდა განქორწინება, მაგრამ უნდოდა, რომ მისი ფიქტიური ცოლი ვყოფილიყავი, რასაც არავინ დათანხმდება. გააგრძელებდით თქვენ ასეთ თანაცხოვრებას? ხელი გააწერო და ფიქტიური ცოლი იყო? ცოტა ცუდად ჟღერს, ქმართან ხელი გააწერო და ისე იცხოვრო",- განაცხადა დოროყაშვილმა.კითხვაზე, თუ გააუქმა ნიკოლოზ ბასილაშვილმა მას გენერალური მინდობილობა, როდესაც განქორწინდნენ და ჰქონდა თუ არა მის საბანკო ანგარიშებზე წვდომა, დოროყაშვილმა უპასუხა, რომ არ გაუუქმებია.მან დღევანდელ პროცესზე ასევე ისაუბრა იმაზე, რომ თურქეთში სამოდელო კონტრაქტი ნიკოლოზ ბასილაშვილის მხრიდან განხორციელებული წნეხისა და ფსიქოლოგიური ზეწოლის გამო გაწყვიტა და ხელშეკრულებით დარღვევისთვის თანხა თავად აანაზღაურა.დამატებით კითხვაზე, უთხრა თუ არა მან ნიკოლოზ ბასილაშვილს შემდეგი სიტყვები, "ელოდე ბოროტი ნეკას ბოროტ საქციელს", დოროყაშვილმა არ უარყო."მითქვამს, ამით მივანიშნებდი იმას, რომ სასამართლოს მივმართავდი და ყველაფერს ვიტყოდი, რასაც მიკეთებდა, არასდროს სერიოზულად არ აღიქვამდა იმას, რომ ამას მართლა გავაკეთებდი",-განაცხადა დოროყაშვილმა.მისი თქმით, ბასილაშვილის მხრიდან განხორციელებულ ძალადობას შვილის გარდა, არავინ შესწრებია. მისი თქმით, ძალადობის შემთხვევები ძირითადად სახლში ან სასტუმროში ხდებოდა.

1664372760

პროკურატურა
პროკურატურა ყოფილი მეუღლის მკვლელობის მცდელობაში ბრალდებულის საქმის წარმოების შეწყვეტის შესახებ ინფორმაციას ავრცელებს

პროკურატურა ყოფილი მეუღლის მკვლელობის მცდელობაში ბრალდებულის საქმის წარმოების შეწყვეტისა და იძულებითი ფსიქიატრიული მკურნალობის განსაზღვრის შესახებ ოფიციალურ ინფორმაციას ავრცელებს.უწყების ცნობით, თბილისის საქალაქო სასამართლომ მეუღლის მიმართ დამამძიმებელ გარემოებებში ჩადენილი მკვლელობის მცდელობის, შემაკავებელი ორდერის დარღვევისა და ოჯახური ძალადობის ხუთი ეპიზოდის ჩადენისთვის ბრალდებულის მიმართ შეურაცხადობის გამო სისხლისსამართლებრივი დევნა შეწყვიტა და ფსიქიატრიულ დაწესებულებაში იძულებითი მკურნალობა განუსაზღვრა. ამის შესახებ ინფორმაციას საქართველოს პროკურატურა ავრცელებს."შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა, ფიზიკურად და ფსიქოლოგიურად რამდენჯერმე იძალადა მეუღლეზე. ასევე, მან დაარღვია მეუღლის მიმართ განხორციელებული ძალადობის გამო, მის მიმართ გამოცემული შემაკავებელი ორდერი, და 23 მაისს, გენდერის ნიშნით შეუწყნარებლობის მოტივით, განსაკუთრებული სისასტიკით, არასრულწლოვანი შვილის თანდასწრებით, დაზარალებულს დანით მრავლობითი დაზიანებები მიაყენა. დროულად აღმოჩენილი სამედიცინო დახმარების შედეგად დაზარალებულის გადარჩენა მოხერხდა.„სამართალდამცველებმა ბრალდებული იმავე დღეს დააკავეს. მას ბრალდება საქართველოს სისხლის სამართლის კოდექსის 11 პრიმა 19-109-ე მუხლის მე-2 ნაწილის ,,დ პრიმა“, ,,ვ’’ და მე-3 ნაწილის „ბ“ ქვეპუნქტებით (განზრახ მკვლელობის მცდელობა, ჩადენილი გენდერის ნიშნით, ოჯახის წევრის მიმართ განსაკუთრებული სისასტიკით) და 11 პრიმა 381 პრიმა მუხლის 1-ლი ნაწილით (შემაკავებელი ორდერით გათვალისწინებული მოთხოვნებისა და ვალდებულებების შეუსრულებლობა) და 126 პრიმა მუხლის მე-2 ნაწილის „ა“ და „ბ“ ქვეპუნქტებით , 126 პრიმა მუხლის მე-2 ნაწილის „ა“ ქვეპუნქტით –(ოჯახური ძალადობის ხუთი ეპიზოდი) წარედგინა და აღკვეთის ღონისძიების სახით პატიმრობა შეეფარდა” - ნათქვამია საქართველოს პროკურატურის მიერ გავრცელებულ განცხადებაში.როგორც საგამოძიებო უწყებაში განმარტავენ, გამოძიების მიმდინარეობისას მისი შერაცხადობის დადგენის მიზნით, დაინიშნა სტაციონარული სასამართლო ფსიქიატრიული ექსპერტიზა. ექსპერტიზის დასკვნით დადგინდა, რომ ბრალდებული შეურაცხადია.თბილისის საქალაქო სასამართლოს გადაწყვეტილებით, ბრალდებული იძულებითი მკურნალობის მიზნით ოთხი წლით მოთავსებული იქნება ფსიქიატრიულ დაწესებულებაში.

1664369894

ნეკა დოროყაშვილი
სასამართლო პროცესზე ადვოკატებსა და ნელი დოროყაშვილს შორის სიტყვიერი დაპირისპირება მოხდა

ნიკოლოზ ბასილაშვილის სასამართლო პროცესზე, სადაც დაზარალებული ნელი დოროყაშვილის დაკითხვა მიმდინარეობს, ხმაური იყო.მხარეებს შორის სიტყვიერი დაპირისპირება მას შემდეგ დაიწყო, როცა ნეკა დოროყაშვილი დაცვის მხარის კითხვებს პასუხობდა.ნელი დოროყაშვილმა ამერიკაში ყოფნის პერიოდში მომხდარ ძალადობის ფაქტებზე ისაუბრა. ადვოკატები მას უსვამდნენ შეკითხვებს ნიუ-იორკში განვითარებულ მოვლენებზე და რამდენჯერმე გამოთქვეს ეჭვი დაზარალებულის მიერ მიწოდებულ ინფორმაციასთან დაკავშირებით.სხდომაზე ხმაური გამოიწვია დაცვის მხარის შეკითხვამ, თუ რატომ ხვდებოდა მის მიერ დასახელებული ინციდენტის შემდეგ ქალი ყოფილ მეუღლეს.დაცვის მხარის ადვოკატებმა დაზარალებულს დაუსვეს კითხვა ნიკოლოზ ბასილაშვილთან შეხვედრისას ის კორტებზე შეიპარა, თუ აკრედიტაციით შევიდა. ამ კითხვას ნელი დოროყაშვილის მხრიდან გაღიზიანება და ადვოკატებთან სიტყვიერი დაპირისპირება მოჰყვა.  ნელი დოროყაშვილმა ადვოკატები დისკრედიტაციაში კიდევ ერთხელ დაადანაშაულა და განაცხადა, რომ ამის გამო ყველას პასუხი მოეთხოვება.დაპირისპირების გამო ნელი დოროყაშვილმა მოსამართლგან შენიშვნა მიიღო.

1664367113

სასამართლო
სასამართლოს გადაწყვეტილებით, დიდუბეში ყოფილი მეუღლის დაჭრაზე ბრალდებული ლევან ასლანიშვილის საქმის წარმოება შეწყდა

საქალაქო სასამართლოს გადაწყვეტილებით, დიდუბეში ყოფილი მეუღლის დაჭრაში ბრალდებული ლევან ასლანიშვილის საქმის წარმოება შეწყდა.აღნიშნული გადაწყვეტილება მოსამართლემ სასამართლო ექსპერტიზის დასკვნის საფუძველზე მიიღო, რომლითაც დასტურდება ლევან ასლანიშვილის ფსიქიკურად შეურაცხადობა.მოსამართლე დავით შარაძის გადაწყვეტილებით, ბრალდებული მაქსიმალური ვადით ხონის ფსიქიატრიულ კლინიკაში გაივლის მკურნალობას.დაზარალებული მხარე აღნიშნულ გადაწყვეტილებას არ ეთანხმება.ცნობისთვის, 23 მაისს, ლევან ასლანიშვილმა, გენდერის ნიშნით შეუწყნარებლობის მოტივით, განსაკუთრებული სისასტიკით, არასრულწლოვანი შვილის თანდასწრებით, ყოფილ მეუღლეს - დანით მრავლობითი დაზიანებები მიაყენა.

1664361660

ნელი დოროყაშვილი
"ჩემს თავზე ვბრაზდები, რომ ვტიროდი – შეიძლება მიჯაჭვულობა მქონდა მოძალადის მიმართ, ალბათ, იმ მომენტში სტოკჰოლმის სინდრომი მჭირდა"– დოროყაშვილი

"ჩემს თავზე ვბრაზდები, რომ მასზე ვტიროდი... შეიძლება მიჯაჭვულობა მქონდა მოძალადის მიმართ ან მიყვარდა. ალბათ, იმ მომენტში სტოკჰოლმის სინდრომი მქონდა,"– აცხადებს ბრალდებული ჩოგბურთელის ყოფილი მეუღლე ნელი დოროყაშვილი სასამართლო პროცესზე. დოროყაშვილმა ყოფილ მეუღლესთან დაპირისპირების კიდევ ერთი ეპიზოდი გაიხსენა და განაცხადა,რომ ბასილაშვილმა მასზე ფიზიკურად იძალადა. "თმით მათრევდა და სხეულის სხვადასხვა ნაწილზე დაწითლებები მქონდა. როდესაც ჩოგანი მომხვდა თავში და სხეულზე, მახსოვს, რომ მოვიხარე და ხელი ავიფარე. ნამდვილად არ მახსოვს ტელეფონი სად დავარდა. სიწითლეები მემჩნეოდა. ეს არ იყო დაჟეჟილობა, მქონდა ნაკაწრები და სიწითლეები",- განაცხადა დოროყაშვილმა.მისივე თქმით, იმდენად მძიმე ემოციური ფონი ჰქონდა, ფოტოს გადაღება ვერ მოიფიქრა.კითხვაზე, რატომ განიცდიდა მოძალადე ადამიანის სხვაგან წასვლას, თუ მის მიმართ მართლა ხორციელდებოდა ძალადობა, დოროყაშვილმა უპასუხა, რომ შესაძლოა, მის მიმართ მიჯაჭვულობა ჰქონდა."იყო შემთხვევა, როცა ვრიგდებოდით. ალბათ, ეს ყველაფერი რომ გამეაზრებინა, მეც და ყველა ქალი ძალადობას დაასრულებდა. ჩემს თავზე ვბრაზდები, რომ მასზე ვტიროდი და ჩემს თავს ვეუბნებოდი, რომ ამ ყველაფერს არ იმსახურებდა. ამ ყველაფრის შემდეგ მასზე ვნერვიულობდი. შეიძლება მიჯაჭვულობა მქონდა მოძალადის მიმართ ან მიყვარდა. ალბათ, იმ მომენტში სტოკჰოლმის სინდრომი მქონდა. ეს ჩემი სუბიექტური აზრია", -განაცხადა დოროყაშვილმა.ცნობისთვის, თბილისის საქალაქო სასამართლოში ბრალდებული ჩოგბურთელის, ნიკოლოზ ბასილაშვილის პროცესი მიმდინარეობს, სადაც მის ყოფილ მეუღლეს, ნელი დოროყაშვილს კითხავენ. 

1664358714

ნელი დოროყაშვილი
სასამართლო პროცესზე ნელი დოროყაშვილი იკითხება – ბასილაშვილმა კი სხდომიდან გათავისუფლება მოითხოვა

საქალაქო სასამართლოში ბრალდებულ ნიკოლოზ ბასილაშვილის საქმეზე პროცესი მიმდინარეობს, სადაც დაზარალებული ნელი დოროყაშვილი იკითხება.ნელი დოროყაშვილის დაკითხვა, სავარაუდოდ, დღეს დასრულდება.პროცესს დისტანციურად ესწრება ნიკოლოზ ბასილაშვილიც, თუმცა მან სხდომიდან გათავისუფლება მოითხოვა, მიზეზად კი მოულოდნელად დაგეგმილი თამაში დაასახელა.  დღის მეორე ნახევარში მისი ყოფილი მეუღლის დაკითხვა მის გარეშე გაგრძელდება. დაცვის მხარის კითხვების ნაწილი ნელი დოროყაშვილის მიერ გადაღებულ კადრებს უკავშირდებოდა. ნელი დოროყაშვილის თქმით, კადრი უწყვეტად ერთი პოზიციიდან გადაღებული არაა რადგან მას ადგილის ცვლილება უწევდა:"ბოლოს ძალადობა რომ დასრულებულიყო ჩავწექი საწოლში, იმ განცდით, რომ დაესრულებინა ძალადობა. კადრი რომელიც გადავიღე არაა უწყვეტი, იმიტომ რომ კონკრეტულად ერთ ადგილზე არ ვწევარ, ტელეფონი მეჭირა სხვადასხვა ხელში, სხვადასხვა მდგომარეობაში ვწევარ საწოლზე, ვცდილობ ფეხიც ავაფარო, თვალნათლივ რომ არ დაენახა, რომ ვიღებდი, - განაცხადა ნელი დოროყაშვილმა.ცნობისთვის, საქართველოს პროკურატურამ ყოფილი მეუღლის მიმართ განხორციელებული ფიზიკური ძალადობის ფაქტზე ნიკოლოზ ბასილაშვილს ბრალდება საქართველოს სისხლის სამართლის კოდექსის 126-ე პრიმა მუხლის მე-2 ნაწილის „ბ“ ქვეპუნქტით წარუდგინა, რაც გულისხმობს ოჯახში ძალადობას არასრულწლოვანის თანდასწრებით. მოგვიანებით პროკურატურამ ბასილაშვილს ბრალდება დაუზუსტა და მას ძალადობის რამდენიმე ეპიზოდთან ერთად, ფსიქოლოგიურ და ეკონომიკურ ძალადობასაც ედავებიან.პროკურატურის ინფორმაციით, გამოძიებით დადგინდა, რომ 2020 წლის 21 მაისს, თბილისში, ავჭალის დასახლებაში, ნიკოლოზ ბასილაშვილმა ურთიერთშელაპარაკების ნიადაგზე, ყოფილი მეუღლის ნელი დოროყაშვილის მიმართ ფიზიკური ძალადობა განახორციელა. სამართალდამცველებმა ნიკოლოზ ბასილაშვილი 2020 წლის 22 მაისს დააკავეს. სასამართლომ ბასილაშვილს აღკვეთის ღონისძიების სახით 100 000-ლარიანი გირაო შეუფარდა. ნიკოლოზ ბასილაშვილს ფიზიკური ძალადობის 4 და ფსიქოლოგიური ძალადობის ერთ ეპიზოდზე ედება ბრალი.

1664356298

ირმა ჭკადუა
"მოსამართლემ დოროყაშვილს სასამართლო სხდომის დახურვა შესთავაზა, ვინაიდან ბავშვისთვის ხელმისაწვდომია აღნიშნული პროცესების ყურება, რაზეც მან კატეგორიული უარი განაცხადა"– ირმა ჭკადუა

ბრალდებული ჩოგბურთელის, ნიკოლოზ ბასილაშვილის ადვოკატი ირმა ჭკადუა აცხადებს, რომ თუ ვინმე აზიანებს არასრულწლოვანი ბავშვის ინტერესს, ეს თავად ნელი დოროყაშვილია. ასე გამოეხმაურა ადვოკატი ნელი დოროყაშვილის განცხადებას იმასთან დაკავშირებით, რომ ის ირმა ჭკადუას წინააღმდეგ სარჩელს ამზადებს.  ადვოკატის ცნობით, მოსამართლემ დოროყაშვილს სხდომის დახურვა შესთავაზა, ვინაიდან ბავშვისთვის ხელმისაწვდომია აღნიშნული პროცესების ყურება, რაზეც მან კატეგორიული უარი განაცხადა. მისი თქმით, ნიკოლოზ ბასილაშვილის მიმართ აღნიშნული საქმე არის შურისძიების მოტივებზე.„მისი უფლებაა ვის წინააღმდეგ რას დაიწყებს, მაგრამ ფაქტია, რომ თუ ვინმე ამ საქმეში არ ფიქრობს და აზიანებს არასრულწლოვანი ბავშვის საუკეთესო ინტერესს, ეს არის თავად ნელი დოროყაშვილი. ყველა მშობელი ვალდებულია დაიცვას არასრულწლოვანის საუკეთესო ინტერესი. სწორედ ამ მოტივებიდან გამომდინარე, მოსამართლემ მას შესთავაზა, რომ დახურულიყო სასამართლო სხდომა, ვინაიდან ბავშვისთვის ხელმისაწვდომია აღნიშნული პროცესების ყურება, რაზეც ქალბატონმა ნელიმ განაცხადა კატეგორიული უარი. პირველ რიგში სწორედ, ეს აზიანებს არასრულწლოვანის საუკეთესო ინტერესს და ფსიქიკას. დღევანდელ სხდომაზე გაგრძელდება ნელი დოროყაშვილის დაკითხვა. ნიკოლოზ ბასილაშვილის მიმართ აღნიშნული საქმე არის შურისძიების მოტივებზე მდგარი და შურისძიება, რომ ძალიან სულმოკლე საქციელია მე მგონი ამაზე ყველა ვთანხმდებით. აქედან გამომდინარე, ჩვენ დარწმუნებულები ვართ, რომ მტკიცებულებების გამოკვლევის შემდეგ და თავად ნელი დოროყაშვილის დაკითხვის შემდგომ სასამართლო გამოიტანს გამამართლებელ გადაწყვეტილებას“, - განაცხადა ირმა ჭკადუამ.ცნობისთვის, ჩოგბურთელ ნიკოლოზ ბასილაშვილის ყოფილი მეუღლე ნელი დოროყაშვილი ადვოკატ ირმა ჭკადუას წინააღმდეგ სარჩელს ამზადებს. დოროყაშვილმა სარჩელის მომზადების მოტივი განმარტა და აღნიშნა, რომ ჭკადუა ორი წლის განმავლობაში მის და მისი არასრულწლოვანი შვილის უფლებებს არღვევს. 

1664352540

დაკავება
პოლიციამ მესტიასა და თბილისში უკანონო ცეცხლსასროლი იარაღი ამოიღო - დაკავებულია 3 პირი

შინაგან საქმეთა სამინისტროს თანამშრომლებმა, ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ბოლო პერიოდში, თბილისსა და მესტიაში უკანონო ცეცხლსასროლი იარაღი ამოიღეს და 3 პირი დააკავეს. ამის შესახებ ინფორმაციას შინაგან საქმეთა სამინისტრო ავრცელებს.„თბილისის პოლიციის დეპარტამენტის დეტექტივების მთავარი სამმართველოს და საგამოძიებო მთავარი სამმართველოს თანამშრომლებმა, ერთობლივად ჩატარებული საგამოძიებო მოქმედებების შედეგად, 1992 წელს დაბადებული თ.ბ., ცეცხლსასროლი იარაღის და საბრძოლო მასალის უკანონო შეძენა-შენახვის ბრალდებით, თბილისში დააკავეს. პოლიციამ, დაკავებულის საცხოვრებელი სახლის ჩხრეკისას, ცეცხლსასროლი პისტოლეტი, ცეცხლსასროლი რევოლვერი, 2 მჭიდი და 17 ვაზნა ნივთმტკიცებად ამოიღეს.თბილისის პოლიციის დეპარტამენტის ვაკე-საბურთალოს მთავარი სამმართველოს თანამშრომლებმა, ჩატარებული ოპერატიული და საგამოძიებო მოქმედებების შედეგად, ცეცხლსასროლი იარაღის უკანონო შეძენა- შენახვისა და ტარების ბრალდებით, 1976 წელს დაბადებული, წარსულში ნასამართლევი ი.გ. თბილისში დააკავეს. სამართალდამცველებმა, ბრალდებულის პირადი ჩხრეკისას, ავტომატური ცეცხლსასროლი იარაღი ნივთმტკიცებად ამოიღეს.სამეგრელო-ზემო სვანეთის პოლიციის დეპარტამენტის მესტიის რაიონული სამმართველოს თანამშრომლებმა 1994 წელს დაბადებული დ.ვ. ცეცხლსასროლი იარაღის უკანონოდ შეძენა-შენახვა-ტარების ბრალდებით დააკავეს. მისი პირადი ჩხრეკისას, ნივთმტკიცებად ამოღებულია ავტომატური ცეცხლსასროლი იარაღი, ერთი მჭიდი და 12 ვაზნანათქვამია განცხადებაში.ცეცხლსასროლი იარაღისა და საბრძოლო მასალის მართლსაწინააღმდეგო შეძენა-შენახვისა და ტარების ფაქტებზე გამოძიება საქართველოს სისხლის სამართლის კოდექსის 236-ე მუხლის მე-3 და მე-4 ნაწილებით მიმდინარეობს. დანაშაულები 3-დან 7 წლამდე ვადით თავისუფლების აღკვეთას ითვალისწინებს.

1664352360

ნელი დოროყაშვილი
ნეკა დოროყაშვილი ნიკოლოზ ბასილაშვილის ადვოკატის წანააღმდეგ სარჩელს ამზადებს

ჩოგბურთელ ნიკოლოზ ბასილაშვილის ყოფილი მეუღლე ნელი დოროყაშვილი ადვოკატ ირმა ჭკადუას წინააღმდეგ სარჩელს ამზადებს. ამის შესახებ დოროყაშვილმა ჟურნალისტებს,სასამართლო სხდომის დაწყებამდე განუცხადა. დოროყაშვილმა სარჩელის მომზადების მოტივი განმარტა და აღნიშნა, რომ ჭკადუა ორი წლის განმავლობაში მის და მისი არასრულწლოვანი შვილის უფლებებს არღვევს. "ირმა ჭკადუა ორი წლის განმავლობაში ისევე, როგორც სასამართლო დარბაზში, ასევე მედიასივრცეში და მედიის გარეთ არღვევს ჩემი და ჩემი არასრულწლოვანი შვილის უფლებებს. ვამზადებ სარჩელს ქალბატონი ირმა ჭკადუას წინააღმდეგ, აუცილებლად ვუჩივლებ ცილისწამებაზე და საზოგადოების შეცდომაში შეყვანაზე. ვგულისხმობ ცილისწამებას, ჩემი და არასრულწლოვნის ინტერესების დაკნინებას. ჩემი, როგორც პიროვნების სახელისა და სტატუსის შებღალვას, პირველი იქნება ირმა ჭკადუა, რომელიც ემსახურება ამას ორი წელია და ეს იყო მისი თვითმიზანი. თვითონ გახადეს საჯარო თემა და საზოგადოებისთვის აქტუალური, თორემ მე ამდენი ხნის განმავლობაში ჩუმად ვიყავი. ახლა დაიხვია ხელზე, რომ ვითომ ჩემი არასრულწლოვანი შვილის ინტერესებს მე ვარღვევ, რასაც თვითონ აკეთებენ ბოლო 2 წელია", - განაცხადა დოროყაშვილმა.რაც შეეხება იმას, რომ სასამართლო სხდომა არ იხურება და ირღვება თუ არა პირად ცხოვრებაზე საუბრით არასრულწლოვნის უფლებები, დოროყაშვილმა უპასუხა, რომ თუ მოსამართლე საჭიროდ ჩათვლის, სხდომის ნაწილს დახურავს.ცნობისთვის, საქართველოს პროკურატურამ ყოფილი მეუღლის მიმართ განხორციელებული ფიზიკური ძალადობის ფაქტზე ნიკოლოზ ბასილაშვილს ბრალდება საქართველოს სისხლის სამართლის კოდექსის 126-ე პრიმა მუხლის მე-2 ნაწილის „ბ“ ქვეპუნქტით წარუდგინა, რაც გულისხმობს ოჯახში ძალადობას არასრულწლოვანის თანდასწრებით. მოგვიანებით პროკურატურამ ბასილაშვილს ბრალდება დაუზუსტა და მას ძალადობის რამდენიმე ეპიზოდთან ერთად, ფსიქოლოგიურ და ეკონომიკურ ძალადობასაც ედავებიან.პროკურატურის ინფორმაციით, გამოძიებით დადგინდა, რომ 2020 წლის 21 მაისს, თბილისში, ავჭალის დასახლებაში, ნიკოლოზ ბასილაშვილმა ურთიერთშელაპარაკების ნიადაგზე, ყოფილი მეუღლის ნელი დოროყაშვილის მიმართ ფიზიკური ძალადობა განახორციელა. სამართალდამცველებმა ნიკოლოზ ბასილაშვილი 2020 წლის 22 მაისს დააკავეს. სასამართლომ ბასილაშვილს აღკვეთის ღონისძიების სახით 100 000-ლარიანი გირაო შეუფარდა. ნიკოლოზ ბასილაშვილს ფიზიკური ძალადობის 4 და ფსიქოლოგიური ძალადობის ერთ ეპიზოდზე ედება ბრალი.

1664351100

ნელი დოროყაშვილი
"ადვოკატების მხრიდან მიმდინარეობდა ჩემი დისკრედიტაცია, როგორც ადამიანის, როგორც ქალის და როგორც ცოლის და იყო დამაკნინებელ ასპექტში მოხსენიება"– ნელი დოროყაშვილი

"სასჯელის მოთხოვნის უფლება არ მაქვს, მე სასამართლოში განვაცხადე, რომ ნიკოლოზმა უნდა აგოს პასუხი და ისევე დაისაჯოს, როგორც ნებისმიერი სხვა პირი და არ უნდა იქნეს გამოყენებული მისი სტატუსი, სახელი და ეს არ უნდა იყოს რაიმე სახის პრივილეგია",- განაცხადა ჩოგბურთელ ნიკოლოზ ბასილაშვილის ყოფილმა მეუღლემ ნელი დოროყაშვილმა სასამართლო პროცესის დაწყებამდე.როგორც დოროყაშვილმა  ჟურნალისტებს განუცხადა, გუშინდელი სასამართლო პროცესის განმავლობაში ნიკოლოზ ბასილაშვილის ადვოკატების მხრიდან მასზე მიზანმიმართული ზეწოლა ხორციელდებოდა და მის დისკრედიტაციას ახდენდნენ.  "ჩემზე მიმდინარეობდა მიზანმიმართული ზეწოლა მისი ადვოკატების მხრიდან, თავისივე დასმულ კითხვებზე, როგორ კი საუბარს დავიწყებდი, კატეგორიულად მოითხოვდნენ, რომ არ მესაუბრა. მთხოვდნენ და მაიძულებდნენ „კი“ ან „არა“ მეპასუხა ნებისმიერ შეკითხვაზე და ის შეკითხვებიც ისე ჰქონდათ დასმული, ვერც „კი“-ს და ვერც „არას“ ვერ ვუპასუხებდი. როგორც კი ძალადობაზე საუბარს ვიწყებდი, მათ მიერ დასმულ შეკითხვაზე კატეგორიულად მაჩერებდნენ. მიმდინარეობდა ჩემი, როგორც პიროვნების დისკრედიტაცია, როგორც ადამიანის, როგორც ქალის და როგორც ცოლის. იყო დამაკნინებელ ასპექტში მოხსენიება და მიზანმიმართული დისკრედიტაცია. ბუნებრივია, მე მათთან პოლემიკისთვის არ მოვედი, არამედ მოვედი სასამართლოს და მოსამართლის წინაშე ყველაფრის მოსაყოლად. ჩემთვის მორალურად ძალიან რთული იყო ეს პროცესი, მაგრამ მე თავდაპირველადვე ავირჩიე სამართლებრივი გზა და 2 წლის განმავლობაში ვინარჩუნებდი სიჩუმეს და ამ წნეხს ვიტანდი", - განაცხადა დოროყაშვილმა.მისივე თქმით, ნიკოლოზ ბასილაშვილი პროცესში უნდა ჩაერთოს და კითხვებზე თავის არიდება არ უნდა სცადოს.რაც შეეხება იმას, რომ სასამართლო სხდომა არ იხურება და ირღვება თუ არა პირად ცხოვრებაზე საუბრით არასრულწლოვნის უფლებები, დოროყაშვილმა უპასუხა, რომ თუ მოსამართლე საჭიროდ ჩათვლის, სხდომის ნაწილს დახურავს.ცნობისთვის, საქართველოს პროკურატურამ ყოფილი მეუღლის მიმართ განხორციელებული ფიზიკური ძალადობის ფაქტზე ნიკოლოზ ბასილაშვილს ბრალდება საქართველოს სისხლის სამართლის კოდექსის 126-ე პრიმა მუხლის მე-2 ნაწილის „ბ“ ქვეპუნქტით წარუდგინა, რაც გულისხმობს ოჯახში ძალადობას არასრულწლოვანის თანდასწრებით. მოგვიანებით პროკურატურამ ბასილაშვილს ბრალდება დაუზუსტა და მას ძალადობის რამდენიმე ეპიზოდთან ერთად, ფსიქოლოგიურ და ეკონომიკურ ძალადობასაც ედავებიან.პროკურატურის ინფორმაციით, გამოძიებით დადგინდა, რომ 2020 წლის 21 მაისს, თბილისში, ავჭალის დასახლებაში, ნიკოლოზ ბასილაშვილმა ურთიერთშელაპარაკების ნიადაგზე, ყოფილი მეუღლის ნელი დოროყაშვილის მიმართ ფიზიკური ძალადობა განახორციელა. სამართალდამცველებმა ნიკოლოზ ბასილაშვილი 2020 წლის 22 მაისს დააკავეს. სასამართლომ ბასილაშვილს აღკვეთის ღონისძიების სახით 100 000-ლარიანი გირაო შეუფარდა. ნიკოლოზ ბასილაშვილს ფიზიკური ძალადობის 4 და ფსიქოლოგიური ძალადობის ერთ ეპიზოდზე ედება ბრალი.

1664350020

გიორგი მამალაძე
"ჩემი მდგომარეობა უკიდურესად მძიმეა"– მსჯავრდებული გიორგი მამალაძე საპატიმროდან წერილს აგზავნის

ე.წ. ციანიდის საქმეზე მსჯავრდებული დეკანოზი გიორგი მამალაძე გლდანის მე-18 სამკურნალო დაწესებულებიდან წერილს აგზავნის, სადაც მისი ჯანმრთელობის შესახებ საუბრობს.„ინტერპრესნიუსისთვის" გამოგზავნილ წერილში მამალაძე აღნიშნავს, რომ მისი ჯანმრთელობის მდგომარეობა უკიდურესად მძიმეა.მამალაძე აცხადებს, რომ მედპერსონალი ყველაფერს აკეთებს მისი მდგომარეობის გასაუმჯობესებლად, მაგრამ იმ დაავადების განკურნება, რაც მას სჭირს, მსგავს გარემოში ვერ მოხდება.„როგორც იცით, დაპატიმრებიდან მალევე დამემართა მარჯვენა კიდურების პარალიზება. სამწუხაროდ, მდგომარეობა დღემდე უცვლელია. დამოუკიდებლად ვერ ვმოძრაობ და ჩემი ახლო მანძილზე გადაადგილებაც კი საკაცით უწევთ.ჩემი მდგომარეობა უკიდურესად მძიმეა და ყველა სამედიცინო დასკვნა ამას ადასტურებს. შესაბამისი მკურნალობის გარეშე მდგომარეობა კიდევ უფრო დამძიმდება. ამ დაწესებულებაში ყველაფერს აკეთებენ, რაც შეუძლიათ და მადლიერი ვარ ხელმძღვანელობის და პერსონალის, თუმცა ისეთი დაავადების მკურნალობა, რაც მე მჭირს, სხვა საშუალებებს და რეჟიმს მოითხოვს, ეს კი სასჯელაღსრულების დაწესებულებაში შეუძლებელია. ვფიქრობ, უნდა დააკმაყოფილონ სასჯელის გადავადების მოთხოვნა”, - აცხადებს დეკანოზი მამალაძე.მისივე განმარტებით, მას შემდეგ, რაც ის პენიტენციურ დაწესებულებას დატოვებს, დროს მის ოჯახსა და მკურნალობას დაუთმობს.„მართლაც, სასჯელის ნახევარზე მეტი მოვიხადე. ამ პერიოდის განმავლობაში ბევრი რამ გადავაფასე და ბევრიც სხვაგვარად დავაფასე. როდესაც გავთავისუფლდები ჩემი დროისა და ენერგიის უდიდეს ნაწილს ჩემს ოჯახს მოვახმარ. ეს წლები, რაც ჩემს შვილებს მოვაკელი, უნდა ავანაზღაურო. ასევე მკურნალობისთვის დამჭირდება მობილიზება. ასე რომ, არ მგონია სხვა რამისთვის დამრჩეს დრო და ენერგია”, - აცხადებს მამალაძე.ცნობისთვის, დეკანოზ გიორგი მამალაძე თბილისის აეროპორტში 2017 წლის 10 თებერვალს დააკავეს. ის სამივე ინსტანციის სასამართლომ შურისძიების მოტივით ციანიდის გამოყენებით შორენა თეთრუაშვილის მკვლელობის მომზადებაში ცნო დამნაშავედ და 9- წლით თავისუფლების აღკვეთა მიუსაჯა.

1664349240