ესტონელი თავდაცვა
თავდაცვის ძალების მეთაურმა ესტონეთის თავდაცვის ლიგის მეთაურს უმასპინძლა

საქართველოში ვიზიტით მყოფი ესტონეთის თავდაცვის ლიგის მეთაური, ბრიგადის გენერალი რიჰო უტეგი საქართველოს თავდაცვის ძალების მეთაურს, გენერალ-მაიორ გიორგი მათიაშვილს შეხვდა. შეხვედრაზე მხარეებმა ესტონეთსა და საქართველოს შორის თავდაცვის სფეროში არსებული კავშირები, ეროვნულ გვარდიასა და ესტონეთის თავდაცვის ლიგას შორის მჭიდრო თანამშრომლობა ხაზგასმით აღნიშნეს და მომავალი თანამშრომლობის საკითხები განიხილეს. მხარეებმა ტერიტორიული თავდაცვის შესახებაც ისაუბრეს და ერთმანეთს საკუთარი გამოცდილება გაუზიარეს. ყურადღება გამახვილდა ტერიტორიულ და სამობილიზაციო რეზერვზე, ასევე თავდაცვის მოხალისეებსა და თავდაცვის ძალების პირადი შემადგენლობის რეკრუტირების საკითხებზე. გენერალ-მაიორმა გიორგი მათიაშვილმა ესტონეთის მხარეს საქართველოს ეროვნული გვარდიის განვითარებაში შეტანილი წვლილისა და მხარდაჭერისთვის მადლობა გადაუხადა. შეხვედრას ეროვნული გვარდიის მეთაური, ბრიგადის გენერალი რომან ჯოხაძე და ესტონეთის თავდაცვის ლიგის მთავარი სერჟანტი პიტერ ლენდი დაესწრნენ. საქართველოში ვიზიტის ფარგლებში, ესტონეთის თავდაცვის ლიგის მეთაური, ეროვნული გვარდიის რეზერვისტთა მომზადებისა და გადამზადების ცენტრ „პალდოსა“ და მე-20 კადრირებულ ბრიგადასაც მოინახულებს.

1669817173

ირაკლი ღარიბაშვილი სპეციალური ოპერაციების ძალების დაარსების დღისადმი მიძღვნილ ცერემონიას დაესწრო
ირაკლი ღარიბაშვილი სპეციალური ოპერაციების ძალების დაარსების დღისადმი მიძღვნილ ცერემონიას დაესწრო

"დღევანდელი დღე მინდა განსაკუთრებულად მივულოცო სპეციალური ოპერაციების ძალების თითოეულ მებრძოლს, ჩვენს გამორჩეულ და საამაყო ჯარისკაცებს, ჩვენს გმირებს, რომლებმაც არაერთხელ დაამტკიცეს თავისი პროფესიონალიზმით, თავდადებით, გმირობით ჩვენი ქვეყნისადმი ერთგულება და თავგანწირვა," - ამის შესახებ საქართველოს პრემიერ-მინისტრმა ირაკლი ღარიბაშვილმა სპეციალური ოპერაციების ძალების დაარსების დღისადმი მიძღვნილ ცერემონიაზე სიტყვით გამოსვლისას განაცხადა.როგორც პრემიერმა აღნიშნა, სპეციალური ოპერაციების ძალები წარმოადგენს თავდაცვის ძალების გამორჩეულ ქვედანაყოფს, რომელიც იცავს ქვეყნის სუვერენიტეტს და ასევე მსოფლიოში სამშვიდობო ოპერაციებში ღირსეული მონაწილეობა აქვს მიღებული.მისივე თქმით, მუხროვანის ბაზაზე, დაპირებისამებრ, აშენდება ერთ-ერთი გამორჩეული, თანამედროვე, სპეციალური ოპერაციების ძალების ცენტრი და სრულყოფილი ბაზა, რომელიც სრულად შესაბამისი იქნება ნატო-ს სტანდარტებთან."დღევანდელი დღე მინდა განსაკუთრებულად მივულოცო სპეციალური ოპერაციების ძალების თითოეულ მებრძოლს, ჩვენს გამორჩეულ და საამაყო ჯარისკაცებს, ჩვენს გმირებს, რომლებმაც არაერთხელ დაამტკიცეს თავისი პროფესიონალიზმით, თავდადებით, გმირობით ჩვენი ქვეყნისადმი ერთგულება და თავგანწირვა. მინდა, ჩვენი მთავრობის სახელით, მადლობა გადაგიხადოთ თქვენი ღირსეული სამსახურისთვის, თქვენი თავდადებისა და პროფესიონალიზმისთვის.სპეციალური ოპერაციების ძალები წარმოადგენს თავდაცვის ძალების გამორჩეულ ქვედანაყოფს, რომელიც იცავს ჩვენი ქვეყნის სუვერენიტეტს და ასევე მიღებული აქვს მსოფლიოში სამშვიდობო ოპერაციებში ღირსეული მონაწილეობა. თქვენ ყოველთვის გმირულად და მამაცურად იცავდით და იცავთ ჩვენს სამშობლოსა და ჩვენი ქვეყნის ინტერესებს. მინდა, აქვე ქედი მოვიხარო ბრძოლის ველზე დაცემული ჩვენი გმირი ჯარისკაცების, ჩვენი გმირების ხსოვნის წინაშე. მინდა, ასევე, მადლობა გადავუხადო სპეციალური ოპერაციების ძალების ყველა ვეტერანს, ვინც ერთგულად ემსახურა თქვენს ქვედანაყოფს, რომლებიც ღირსეულად ემსახურნენ თავდაცვის ძალებს და ჩვენს სამშობლოს. თქვენ, ყველას, ძვირფასო ოფიცრებო, დიდი როლი მიგიძღვით ჩვენი ჯარის გაძლიერების საქმეში. ამაზე ეროვნული, ამაზე საპატიო საქმე დღეს ჩვენ არა გვაქვს. ჩვენი ვალია მაქსიმალურად გავაძლიეროთ ჩვენი საამაყო ქართული ჯარი. სახელმწიფო ვალდებულია, რომ ყველაფერი გააკეთოს თქვენთვის, ჩვენი ჯარის გასაძლიერებლად, თავდაცვისუნარიანობის განსამტკიცებლად. ბოლო წლებში ჩვენ, ერთად, მნიშვნელოვანი ნაბიჯები გადავდგით, ძალიან ბევრი საინტერესო პროექტი განვახორციელეთ და დღესაც ჩვენ, ყველანი ერთად, აღვნიშნავთ მართლაც მასშტაბური პროექტის დაწყებას მუხროვანის ბაზაზე. ეს იყო ჩვენი დაპირება. აშენდება ერთ-ერთი გამორჩეული, თანამედროვე, სპეციალური ოპერაციების ძალების ცენტრი და სრულყოფილი ბაზა, რომელიც სრულად შეესაბამება ნატოს სტანდარტებს. ესაა 70 მლნ-იანი პროექტი, რომლის მშენებლობაც დღეს, სიმბოლურად, ეგრეთ წოდებული კაფსულის ჩადებით დავიწყეთ და სულ რაღაც 2 წელიწადში დასრულდება სამუშაოები," - აღნიშნა პრემიერმა.ირაკლი ღარიბაშვილმა, სიტყვით გამოსვლისას, საერთაშორისო პარტნიორებს გაწეული დახმარებისათვის მადლობა გადაუხადა."ასევე, მინდა ვისარგებლო შემთხვევით და მადლობა გადავუხადო ჩვენს პარტნიორებს, ჩვენს საერთაშორისო პარტნიორებს, ჩვენს მეგობრებს, რომელთაც დიდი წვლილი აქვთ შეტანილი თქვენი ქვედანაყოფის გაძლიერების საქმეში. მინდა, განსაკუთრებულად გამოვყო ჩვენი მთავარი სტრატეგიული პარტნიორი - აშშ და სხვა ნატოს წევრი სახელმწიფოების ჯარები და მათი დახმარება, რომელიც წლების განმავლობაში იყო მართლაც ფასდაუდებელი. კიდევ ერთხელ გილოცავთ დღევანდელ დღეს, გისურვებთ წარმატებას და გამარჯვებას. ღმერთი იყოს თქვენი მფარველი," - განაცხადა პრემიერმა.მთავრობის ადმინისტრაციის პრესსამსახურის ცნობით, ირაკლი ღარიბაშვილს საქართველოს თავდაცვის ძალების სპეციალური ოპერაციების ძალების განვითარებაში შეტანილი განსაკუთრებული წვლილისა და მხარდაჭერისათვის სამახსოვრო დაფა გადაეცა."სპეციალური ოპერაციების ძალები 23 წლისაა. სპეციალური ოპერაციების ძალების დაარსების დღისადმი მიძღვნილი საზეიმო ცერემონია მუხროვანში, მაიორ გელა ჭედიას სახელობის სპეციალური ოპერაციების საწვრთნელი ცენტრის ბაზაზე ჩატარდა. ღონისძიებას თავდაცვის მინისტრი ჯუანშერ ბურჭულაძე, თავდაცვის ძალების მეთაური, გენერალ-მაიორი გიორგი მათიაშვილი და თავდაცვის ძალების წარმომადგენლები დაესწრნენ.მთავრობის ადმინისტრაციის მიერ გავრცელებული ინფორმაციით, სპეციალური ოპერაციების ძალების სამხედრო მოსამსახურეებმა მოწვეული სტუმრებისათვის საჩვენებელი სწავლება გამართეს, რომელიც საბრძოლო ფუნქციების ინტეგრირებით მართვისა და კონტროლის დახვეწას ისახავდა მიზნად. სწავლება რეიდს, ცეცხლის კოორდინაციას, ობიექტის წმენდას, მძევლის გათავისუფლებასა და ობიექტის აფეთქებას ითვალისწინებდა.მათივე ცნობით, საჩვენებელი სწავლების დასრულების შემდეგ, ბაზის მიმდებარე ტერიტორიაზე, სპეციალური ოპერაციების ძალების ახალი ინფრასტრუქტურული ობიექტების მშენებლობას ჩაეყარა საფუძველი. საქართველოს პრემიერ-მინისტრმა, თავდაცვის მინისტრმა, თავდაცვის ძალების მეთაურმა და სპეციალური ოპერაციების ძალების მეთაურმა, პოლკოვნიკმა თეიმურაზ ყლატეიშვილმა შენობის ფუნდამენტში კაფსულა ჩადეს. მშენებლობის დასრულების შემდეგ სპეციალური ოპერაციების ძალები მუხროვანის ახალ ბაზაზე განთავსდება. საერთო ჯამში აშენდება 24 ახალი შენობა და მოხდება 3 ძველი შენობის რეაბილიტაცია. პირველ ეტაპზე აშენდება: შტაბის შენობა, ყაზარმები, სასადილო, ლაზარეთი, სამწყობრო მოედანი, ავტოპარკი და სხვადასხვა დანიშნულების შენობა-ნაგებობები. მეორე ეტაპი კი, ითვალისწინებს სასწავლო, საგანმანათლებლო, სპორტული და რეკრეაციული სივრცეების აშენებასა და ტერიტორიის კეთილმოწყობას.სპეციალური ოპერაციების ძალების სამხედრო მოსამსახურეებს ასევე სიტყვით მიმართეს და 23 წლის იუბილე მიულოცეს ჯუანშერ ბურჭულაძემ და სპეციალური ოპერაციების ძალების მეთაურმა პოლკოვნიკმა თეიმურაზ ყლატეიშვილმა. მათ სპეციალური ოპერაციების ძალების ყოფილ და მოქმედ სამხედრო მოსამსახურეებს სამშობლოსთვის გაწეული ღირსეული და მაღალპროფესიონალური სამსახურისათვის მადლობა გადაუხადეს და ქვეყნის თავდაცვისუნარიანობის გაძლიერების საქმეში სამხედრო შენაერთის მნიშვნელოვან როლზე ისაუბრეს.ღონისძიება სამხედრო მოსამსახურეების დაჯილდოების ცერემონიით დასრულდა. სპეციალური ოპერაციების ძალების პირად შემადგენლობას გადაეცათ: უწყებრივი მედლები - „გიორგი ანწუხელიძე“, „გენერალი მაზნიაშვილი“, „სამშობლოსთვის თავდადებული“, I, II და III ხარისხის მედლები „უმწიკვლო სამსახურისთვის“, საშტატო იარაღი და ფასიანი საჩუქრები. დაკისრებული მოვალეობების მაღალხარისხიანად შესრულებისთვის სამხედრო მოსამსახურეებს გამოეცხადათ მეთაურის მადლობა და გადაეცათ მადლობის სიგელები.ცნობისთვის, 1999 წლის 22 ნოემბერს, კოჯორში, მცირე ინტენსივობის კონფლიქტებში სამხედრო ოპერაციათა მოსამზადებელი ცენტრის ბაზაზე დაიწყო „სპეცდანიშნულების საბრძოლო კურსი“, რომელიც 12-მა სამხედრო მოსამსახურემ წარმატებით დაასრულა და პირველი სპეცდანიშნულების ჯგუფი ჩამოყალიბდა. ამით საქართველოში საფუძველი ჩაეყარა პირველი საარმიო სპეცდანიშნულების ქვედანაყოფის არსებობას. სპეციალური ოპერაციების ძალები, მისი შექმნის დღიდან, ქვეყნის ტერიტორიული მთლიანობის დასაცავად განხორციელებულ საბრძოლო მოქმედებებში აქტიურად მონაწილეობდა. ასევე, აქტიურად იცავდა მსოფლიოში მშვიდობას სხვადასხვა დროს კოსოვოში, ერაყსა და ავღანეთში მიმდინარე საერთაშორისო მისიებში.

1669120253

საქართველოს თავდაცვის მინისტრი SEDM შეხვედრას დაესწრო
საქართველოს თავდაცვის მინისტრი SEDM შეხვედრას დაესწრო

საქართველოს თავდაცვის მინისტრი ბულგარეთში ვიზიტით იმყოფება. ჯუანშერ ბურჭულაძე სოფიაში სამხრეთ-აღმოსავლეთ ევროპის თავდაცვის მინისტერიალს (SEDM) დაესწრო. თავდაცვის მინისტრებმა რეგიონში არსებულ უსაფრთხოების საკითხებზე, უკრაინასა და საქართველოში რუსეთის ოკუპაციასა და ურთიერთთანამშრომლობის საკითხებზე იმსჯელეს. სამუშაო სესიის დასრულების შემდეგ მინისტერიალის მონაწილეებმა ერთობლივ შეთანხმებას მოაწერეს ხელი. მინისტერიალის პარალელურად დაგეგმილია შეხვედრები უცხოელ კოლეგებთანაც.ჯუანშერ ბურჭულაძე ბულგარეთისა და რუმინეთის თავდაცვის მინისტრებს შეხვდება და ორმხრივი თანამშრომლობის საკითხებს განიხილავს.საქართველო SEDM-ის წევრი ქვეყანა 2015 წელს გახდა. სამხრეთ-აღმოსავლეთ ევროპის თავდაცვის მინისტერიალის მიზანია რეგიონის ქვეყნებს შორის თანამშრომლობის კონსოლიდაცია რეგიონში უსაფრთხოებისა და მშვიდობის, ასევე, რეგიონის ქვეყნების ევროატლანტიკურ სტრუქტურებში ინტეგრაციის ხელშეწყობის მიზნით. 2017 წელს საქართველომ სამხრეთ-აღმოსავლეთ ევროპის თავდაცვის მინისტერიალს პირველად უმასპინძლა.

1668680222

ჯუანშერ ბურჭულაძე
"უახლოეს მომავალში უპილოტო საფრენი აპარატების სატესტო წარმოებას დავიწყებთ" - თავდაცვის მინისტრი 

საქართველოს თავდაცვის მინისტრის ჯუანშერ ბურჭულაძის განცხადებით, ქართულ-პოლონური კომპანია "დელტა-ვებე" უახლოეს მომავალში უპილოტო საფრენი აპარატების სატესტო ვერსიას მოამზადებს, რომლის მასობრივი წარმოება მომავალი წლიდან დაიწყება. - აღნიშნულის შესახებ მინისტრმა "რუსთავი 2"-ის ეთერში ისაუბრა."უკვე მოვახდენთ საავანსო ანგარიშსწორებას და დავიწყებთ უპილოტო საფრენი აპარატების სატესტო წარმოებას, რაც შეეხება მასობრივ წარმოებას, მომავალი წლიდან დაიწყება," - აღნიშნა მან.ჯუანშერ ბურჭულაძის განმარტებით, "დელტა-ვებე" დააფუძნეს ტექნოლოგიის სპეციალისტებმა, რომლებიც მაღალ ტექნოლოგიებზე არიან ორიენტირებულნი. მან აღნიშნა, რომ ქართულ-პოლონური ერთობლივი საწარმო გეგმის მიხედვით ვითარდება. უპილოტო საფრენი აპარატების ქართულ-პოლონურ საწარმო "დელტა-ვებე" შპს "დელტა ინტერნეიშენალ"-ისა და პოლონურ კომპანიას - "ვებე ელექტრონიქსს" შორის დადებული შეთანხმების საფუძველზე შეიქმნა. აღნიშნულ საწარმოში უპილოტო საფრენი აპარატების წარმოების თემაზე ქართველი და პოლონელი პროფესიონალები ერთად იმუშავებენ.

1668421158

პრემიერ-მინისტრი აზერბაიჯანის რესპუბლიკის თავდაცვის მინისტრს შეხვდა
პრემიერ-მინისტრი აზერბაიჯანის რესპუბლიკის თავდაცვის მინისტრს შეხვდა

პრემიერ-მინისტრი ირაკლი ღარიბაშვილი აზერბაიჯანის რესპუბლიკის თავდაცვის მინისტრს, ზაქირ ჰასანოვს შეხვდა.მხარეებმა ორ ქვეყანას შორის სტრატეგიული პარტნიორობა და სამომავლო თანამშრომლობის დღის წესრიგი განიხილეს.ყურადღება დაეთმო მიმდინარე წლის ოქტომბერში, აზერბაიჯანის პრეზიდენტის, ილჰამ ალიევის ვიზიტს საქართველოში. მთავრობის მეთაურის თქმით, ამ ვიზიტმა კიდევ ერთხელ გაუსვა ხაზი ქვეყნებს შორის კეთილმეზობლურ და მეგობრულ ურთიერთობებს და არსებულ უდიდეს პოტენციალს, მათ შორის სავაჭრო-ეკონომიკური მიმართულებებით.საუბარი შეეხო მშვიდობისა და სტაბილურობის უზრუნველყოფის მნიშვნელობას ხალხთა კეთილდღეობისა და რეგიონის განვითარებისთვის. პრემიერმა კიდევ ერთხელ აღნიშნა, რომ საქართველო მზადაა, მომავალშიც, ყველა შესაძლო გზით, ხელი შეუწყოს დიალოგს ორ მეზობელ ქვეყანას შორის.ყურადღება დაეთმო ირაკლი ღარიბაშვილის მიერ ინიცირებულ „სამხრეთ კავკასიაში სამეზობლოს მშვიდობიან ინიციატივას", რომელშიც სამხრეთ კავკასიის სახელმწიფოებთან ერთად, საერთაშორისო პარტნიორებიც არიან ჩართულები.მთავრობის მეთაურმა აზერბაიჯანის მხარეს მადლობა გადაუხადა ქვეყნის ტერიტორიული მთლიანობისა და სუვერენიტეტის მტკიცე მხარდაჭერისათვის.მხარეებმა მიმოიხილეს თანამშრომლობა დარგობრივ უწყებებს შორის და რეგიონული მნიშვნელობის ინფრასტრუქტურული პროექტები.აღინიშნა, რომ 2022 წელი საიუბილეო თარიღია, ვინაიდან საქართველოსა და აზერბაიჯანს შორის დიპლომატიური ურთიერთობების დამყარების 30 წელი სრულდება.მთავრობის ადმინისტრაციაში გამართულ შეხვედრას სტუმართა მხრიდან: აზერბაიჯანის რესპუბლიკის საგანგებო და სრულუფლებიანი ელჩი საქართველოში ფაიგ გულიევი და სამედიცინო დეპარტამენტის უფროსის მოადგილე ელჰან იბრაჰიმოვი, ხოლო საქართველოს მხრიდან თავდაცვის მინისტრი ჯუანშერ ბურჭულაძე ესწრებოდნენ.ინფორმაციას მთავრობის ადმინისტრაცია ავრცელებს.

1668419491

ტჰ
საქართველოში ორდღიანი ვიზიტით  ნატო-ს პარტნიორობისა და თანამშრომლობითი უსაფრთხოების კომიტეტი (PCSC) იმყოფება

საქართველოში ორდღიანი ვიზიტით  ნატო-ს პარტნიორობისა და თანამშრომლობითი უსაფრთხოების კომიტეტი (PCSC) იმყოფება.ვიზიტის ფარგლებში ნატო-საქართველოს წვრთნებისა და შეფასების ერთობლივმა ცენტრმა (JTEC) თავდაცვისა და უსაფრთხოების საკითხებზე უწყებათაშორის შეხვედრას უმასპინძლა, ეროვნული უსაფრთხოების საბჭოს აპარატისა და საქართველოს შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტის მონაწილეობით.ნატო-ს წევრი ქვეყნების წარმომადგენლებს სიტყვით მიმართა თავდაცვის მინისტრის პირველმა მოადგილემ ლელა ჩიქოვანმა. სხდომის ფარგლებში, თავდაცვისა და უსაფრთხოების სექტორის წარმომადგენლებმა მიმოიხილეს და კომიტეტის წევრებს ინფორმაცია მიაწოდეს რეგიონში შექმნილ  უსაფრთხოების რთულ გარემოსა და მზარდ გამოწვევებზე, თავდაცვისა და უსაფრთხოების სისტემის რეფორმებზე და გამოწვევების გათვალისწინებით, ნატო-საქართველოს თანამშრომლობის გაღრმავების აუცილებლობაზე. განსაკუთრებული ყურადღება დაეთმო ნატო-ს მადრიდის სამიტზე  „საქართველოსთვის მორგებული მხარდაჭერის დოკუმენტის“ განხორციელებას ნატო-საქართველოს არსებითი პაკეტის გაძლიერების გზით, რაც თავდაცვის შესაძლებლობების კიდევ უფრო  განმტკიცებასა და მოკავშირეთა მხრიდან ქმედითი ღონისძიებების  გატარებას მოიაზრებს.აღსანიშნავია, რომ საქართველო პირველად მასპინძლობს ნატო-ს პარტნიორობისა და თანამშრომლობითი უსაფრთხოების კომიტეტს. ვიზიტი კიდევ ერთხელ ადასტურებს ნატო-ს ურყევ მხარდაჭერას საქართველოს სუვერენიტეტის, ტერიტორიული მთლიანობისა და ევროატლანტიკური მისწრაფებების მიმართ.

1668171232

ეროვნული გვარდიის ოცეული ცენტრალურ აფრიკაში გაემგზავრა
ეროვნული გვარდიის ოცეული ცენტრალურ აფრიკაში გაემგზავრა

საქართველოს თავდაცვის ძალების ეროვნული გვარდიის მე-10 როტაციის ნაკრები ოცეული ცენტრალური აფრიკის რესპუბლიკაში ევროკავშირის ეგიდით მიმდინარე სამხედრო-საწვრთნელი მისიის ((EUTM RCA) შესასრულებლად გაემგზავრა.ქართველი მშვიდობისმყოფელები თბილისის საერთაშორისო აეროპორტიდან ეროვნული გვარდიის უფროსმა, ბრიგადის გენერალმა რომან ჯოხაძემ, გვარდიის სხვა წარმომადგენლებმა და საქართველოში საფრანგეთის რესპუბლიკის თავდაცვის ატაშემ, ვიცე-პოლკოვნიკმა ფრედერიკ კამპოსმა გააცილეს. მათ პირად შემადგენლობას მისიის ღირსეულად შესრულება და მშვიდობით დაბრუნება უსურვეს.ეროვნული გვარდიის ჯარისკაცები კაპიტან თორნიკე ღარიბაშვილის მეთაურობით, სამხედრო-საწვრთნელ მისიას (EUTM RCA) ცენტრალური აფრიკის რესპუბლიკის დედაქალაქ ბანგიში, "მპოკოს" ბაზაზე მოანას კემპზე შეასრულებენ.ქართველი მშვიდობისმყოფელების მთავარი ამოცანა ბაზის უსაფრთხოება, მოტორიზებული პატრული, კონვოირება და გაცილება იქნება.ინფორმაციას თავდაცვის სამინისტრო ავრცელებს. 

1667897438

ვანო ნადირაძე
"თავს ნუ გამოიდებთ, იყავით ყოველთვის მეორე ნომრები, პირველები იყვნენ თვითონ უკრაინელები" - ვანო ნადირაძე თანამებრძოლებს მიმართავს

 უკრაინაში მებრძოლი ქართველი ვანო ნადირაძე, ქართველ თანამებრძოლებს სოციალური ქსელს საშუალებით მიმართავს და მოსალოდნელი საფრთხეების შესახებ აფრთხილებს.„უკრაინაში ქართველ მეომრებს მივმართავ!ძმებო, მალე უკრაინაში თოვლი მოვა. სამწუხაროდ ბევრ თქვენგანს არაა აქვს უკრაინაში ზამთრის პირობებში ბრძოლის გამოცდილება უკრაინელებთან შედარებით. განსაკუთრებით მათ, ვინც 24 თებერვლის შემდეგ ჩამოხვედით.ამიტომ ძალიან გთხოვთ, თავს ნუ გამოიდებთ, იყავით ყოველთვის მეორე ნომრები, პირველები იყვნენ თვითონ უკრაინელები.დამატებით კიდევ , "რასტიაჟკები" უმეტესად იქნება სათევზაო თეთრ "ლესკებზე", რომლებიც არ ჩანს. მასიურად დაყრიან ПФМ-1 " лепесток", რომლებსაც მცირე ზომის გამო სულ ათი წუთი სჭირდება, რომ ახალმა თოვლის ფენამ გადაფაროს.ფრთხილად, ფრთხილად, ფრთხილად!!!დიდება საქართველოს, დიდება უკრაინას!“- წერს ვანო ნადირაძე.შეგახსენებთ, უკრაინაში ომის დაწყების დღიდან, ამ ომში 31 ქართველი მებრძოლი დაიღუპა.

1667390272

ჯუანშერ ბურჭულაძე
"2023 წელს საქართველოს თავდაცვის ბიუჯეტი 260 მილიონი ლარით იზრდება" - თავდაცვის მინისტრი 

"ჩვენ არ აგვირჩევია ისეთი სტრატეგია, რომ ომის ბიუჯეტზე გადავეწყოთ, რაც გამოიწვევდა სხვა ხარჯების შემცირებას და ზეგავლენას მოახდენდა პენსიონერებზე, დაზღვევასა და ინფრასტრუქტურულ პროექტებზე. დღეს გატარებული პოლიტიკით ჩვენ გვაქვს საშუალება, თანხები არ დავზოგოთ და ჯარს არაფერი მოვაკლოთ," - ამის შესახებ თავდაცვის მინისტრმა ჯუანშერ ბურჭულაძემ ტელეკომპანია "საზოგადოებრივ მაუწყებელზე" განაცხადა.ჯუანშერ ბურჭულაძემ თავდაცვის ბიუჯეტის ზრდის ტენდენციაზე ისაუბრა."მომავალ წელს თავდაცვის ბიუჯეტი 25%-ით გაიზრდება და თუ ამ ტენდენციას შევინარჩუნებთ, ძალიან კარგი შედეგი იქნება, რასაც სწორი გადაწყვეტილებების მიღებით ეფექტურად გამოვიყენებთ," - აღნიშნა ჯუანშერ ბურჭულაძემ.

1666781418

ჯუანშერ ბურჭულაძე
"ჩვენ კარგად გვაქვს გააზრებული საფრთხეები და ის ნაბიჯებიც, რაც შეიძლება კონკრეტულ მომენტში იყოს გადასადგმელი" - თავდაცვის მინისტრი 

"ჩვენ კარგად გვაქვს გააზრებული საფრთხეები და ის ნაბიჯები, რაც შეიძლება კონკრეტულ მომენტში იყოს გადასადგმელი, " - განაცხადა საზოგადოებრივი მაუწყებლის ეთერში, საქართველოს თავდაცვის მინისტრმა, ჯუანშერ ბურჭულაძემ და რეგიონში არსებული გამოწვევების ფონზე თავდაცვის სამინისტროს ხედვასა და სამინისტროს კონცეპტუალურ დოკუმენტებზე ისაუბრა.მინისტრის თქმით, თავდაცვის სამინისტროში პარტნიორებთან ერთად სამი ძირითადი დოკუმენტია შემუშავებული. ერთ-ერთი მათგანი გრძელვადიან პერიოდზე, გრძელვადიან სტრატეგიაზეა პასუხისმგებელი და მასში უწყების ხედვა 2030 წლამდეა გაწერილი. შემუშავებულია საშუალოვადიანი სტრატეგიაც. ასევე, არსებობს მიმდინარე  სამართლებრივი აქტებით დასარეგულირებელი სტრატეგია, რომელიც მიმდინარე რეალობასთან ადაპტირდება."ასე შეიძლება დარეგულირდეს ის ცვალებადი საფრთხეები და გარემო, რაც გვაქვს," - განმარტა თავდაცვის მინისტრმა და აღნიშნა, რომ  სტრატეგია აწყობილია იმ საფრთხესა და რისკებზე, რაც დღეს უკრაინას აქვს."ჩვენც ამ რისკის წინაშე ვიყავით და ამის გააზრებაზეა აწყობილი ჩვენი სტრატეგია. გაცვლილი გვაქვს ეს ინფორმაცია. უკრაინასაც ზუსტად ამ საფრთხეზე ჰქონდა აწყობილი სტრატეგია. ასე რომ, ჩვენ ეს კარგად გააზრებული გვაქვს და ის ნაბიჯებიც, რაც შეიძლება იყოს გადასადგმელი კონკრეტულ მომენტში ესეც გააზრებული გვაქვს."ჯუანშერ ბურჭულაძემ დღევანდელი გამოწვევების ფონზე კონვენციური და არაკონვენციური ომის წარმოებაზეც გაამახვილა ყურადღება და განაცხადა, რომ თავდაცვის უწყების სტრატეგიაში მთავარი აქცენტი ტოტალურ თავდაცვაზეა გაკეთებული."ზოგადად, კლასიკურად, ტოტალური თავდაცვა განიხილება როგორც არაკონვენციური ან შერეული კონვენციური და არაკონვენციური ომის სინთეზური ომის წარმოება. ასევე, კიბერუსაფრთხოება და კიბერსაფრთხეები, რაც დრო გადის უკვე კონვენციური ომის ნაწილი ხდება. მით უმეტეს ისეთ შემთხვევებში, როცა ერთი მხარე არსებითად აღემატება მეორე მხარეს," - განმარტა მინისტრმა და მაგალითად უკრაინაში არსებული დღევანდელი მდგომარეობა მოიყვანა.

1666776725

ჯუანშერ ბურჭულაძე
"ვგეგმავთ კიბერუსაფრთხოების სარდლობის შექმნას" - თავდაცვის მინისტრი 

"ჩვენ ვგეგმავთ კიბერუსაფრთხოების სარდლობის შექმნას," - ამის შესახებ საქართველოს თავდაცვის მინისტრმა ჯუანშერ ბურჭულაძემ საზოგადოებრივი მაუწყებლის ეთერში საუბრისას განაცხადა.მისივე თქმით, მნიშვნელოვანია თავდაცვის უწყებამ კიბერუსაფრთხოების სფეროს განვითარებისთვის გარკვეული ნაბიჯები გადადგას და განვითარებული ქვეყნების მაგალითზე, კიბერუსაფრთხოების სარდლობა შექმნას."განვითარებულ ქვეყნებში უკვე რამდენიმე წელია კიბერუსაფრთხოების სარდლობა არსებობს. ჩვენც სტრატეგიის ნაწილად გვაქვს კიბერუსაფრთხოების სარდლობის შექმნა. ყველა ის რისკი და ასპექტი რაც თეორიულად შეიძლება იყოს, ჩვენ გაზიარებული გვაქვს ჩვენი პარტნიორებისგან და იქნება გათვალისწინებული ახალ სარდლობაში.უახლოეს მომავალში ჩვენ ამ შედეგზე გავალთ და თავდაცვის უწყებაში არსებული ყველა ეს მიმართულება ერთი სარდლობის ქვეშ მოექცევა, რასაც მენეჯმენტს თავდაცვის ძალები გაუწევს," - განაცხადა მინისტრმა.

1666771130

ალგეთის საწვრთნელ ბაზაზე სამეთაურო-საშტაბო სწავლება დასრულდა
ალგეთის საწვრთნელ ბაზაზე სამეთაურო-საშტაბო სწავლება დასრულდა

ალგეთის საწვრთნელ ბაზაზე ამოცანაზე ორიენტირებული ოთხდღიანი სწავლება დასრულდა. წვრთნებისა და სამხედრო განათლების სარდლობის პირადი შემადგენლობისა და მასზე დაქვემდებარებული ყველა სტრუქტურული ერთეულის მონაწილეობით სხვადასხვა ლოკაციაზე მიმდინარე სწავლებას თავდაცვის მინისტრის მოადგილე გრიგოლ გიორგაძე აკვირდებოდა.სამეთაურო-საშტაბო სწავლება შტაბების კოორდინირებულ მუშაობას, მუდმივ მზადყოფნასა და სტანდარტული სამოქმედო პროცედურების დახვეწას ისახავდა მიზნად. სიმულაციურ მართვის ცენტრში სხვადასხვა სცენარი გათამაშდა. სამხედროებმა ობიექტზე თავდასხმის შესახებ შესული ინფორმაცია დაამუშავეს და დაქვემდებარებულ ქვედანაყოფებზე გადაანაწილეს. წვრთნის განმავლობაში მონაწილეებმა რეალურ ვითარებასთან მაქსიმალურად მიახლოებულ გარემოში პრაქტიკული მეცადინეობები გაიარეს.სწავლების ფარგლებში დაცვისა და თავდაცვითი ოპერაციები, ასევე დაჭრილის ევაკუაცია განხორციელდა, რა დროსაც სამხედროებმა სიმულაციური და საიმიტაციო საშუალებები გამოიყენეს. სწავლებაში მოწინააღმდეგე მხარის როლს სამხედროებით დაკომპლექტებული დემო ჯგუფი ასრულებდა. - ინფორმაციას საქართველოს თავდაცვის სამინისტრო ავრცელებს.

1666683913