ლევან ხაბეიშვილი
“ნაციონალური მოძრაობის” ყრილობაზე დღეს ლევან ხაბეიშვილს თავმჯდომარის პოსტზე ოფიციალურად დაამტკიცებენ

დღეს 17 საათზე პარტია „ნაციონალური მოძრაობა" ყრილობას გამართავს.ყრილობაზე ახლად არჩეული თავმჯდომარეს ლევან ხაბეიშვილს თანამდებობაზე ოფიციალურად დაამტკიცებენ.ლევან ხაბეიშვილი გუნდის წევრებს მიმართავს და მათ საკუთარ გეგმას გააცნობს.დღევანდელ ყრილობაზე შესაძლოა გაირკვეს, თუ ვინ დაიკავებს პარტიაში არსებულ ვაკანტურ თანამდებობებს.შეგახსენებთ, 28-29 იანვარს "ნაციონალური მოძრაობის" თავმჯდომარის  არჩევნების შედეგად ნიკა მელია ლევან ხაბეიშვილმა შეცვალა. .

1675587226

კობა ხაბაზი
"თურმე მიშას ვუღალატე, თურმე ნაკაწრი რომ არ მაქვს, არ ვომობ“ - კობა ხაბაზი

"თურმე მიშას ვუღალატე;თურმე უკრაინაში უპასუხისმგებლობას ვემალები; ამ ავადმყოფურ ბრალდებებს პასუხს სათითაოდ გავცემ", ამის შესახებ სოციალურ ქსელში "ნაციონალური მოძრაობის" წევრი კობა ხაბაზი წერს:"ნამდვილად არ მეცალა, 2 დღით ფბ სივრციდან გასული ვიყავი, დღეს დავბრუნდი და საოცრებავ...1. თურმე მიშას ვუღალატე;2. თურმე უკრაინაში უპასუხისმგებლობას ვემალები;3. თურმე "ლელოში" გადავდივარ;4. თურმე მიშას ბანერი ჩემი თანხმობით აიღეს4. თურმე მელიას ფანი ვარ,5. თურმე ნაკაწრი რომ არ მაქვს, ე.ი არ ვომობ...6. თურმე ბევრმა ფულმა გამაფუჭა.მოკლედ ქოცებს გადაასწრეს ქოცობაში.დღეს დავისვენო მინდა, ცოტა გამოვიძინო და ხვალიდან ავადმყოფთა ამ ავადმყოფურ ბრალდებებს პასუხს სათითაოდ გავცემ. არა, ნამდვილად არ მაქვს იმედი ბრალდებების ავტორები რამეს შეიგნებენ, მაგრამ ნამდვილად არ ვაპირებ უპასუხოდ დავტოვო ეს სიბინძურეები.ვაღიარებ გული დამწყდა ბევრ ზონელზე, ვინც წაიკითხა და ხმა არ ამოიღო, სხვა თუ არა, თქვენ ხომ მაინც მიცნობთ...ერთადერთი, რასაც არ ვუპასუხებ, არის როცა მადანაშაულებენ ადრე მხოლოდ პოლიტსაბჭოში რომ ვკამათობდი და არა საჯაროდ. არ ვუპასუხებ, იმ მარტივი მიზეზის გამო, რომ  ეს საყვედური თუ კრიტიკა სიმართლეა და ამას გულწრფელად ვნანობ, ეს მე თვითონ აღვნიშნე ჩემს წინა პოსტში," - წერს კობა ხაბაზი.

1675585088

რყუ
"არ ვიცი, ჩალაძეს რა სტატუსი აქვს პარტიაში, მაგრამ მის განცხადებას ჰქვია მავნებლობა და მეტი არაფერი" - ანა ბუჩუკური

პარტია "საქართველოსთვის" წევრი ანა ბუჩუკური გადაცემაში "აქტუალური შაბათი – მაკა ცინცაძესთან ერთად" სტუმრობისას "ნაციონალური მოძრაობის" წევრის, გიორგი ჩალაძის დღევანდელ განცხადებას ეხმიანება.როგორც ანა ბუჩუკურმა განმარტა, გიორგი ჩალაძის აღნიშნული განცხადება "მავნებლობაა და მეტი არაფერი.""არ ვიცი, გიორგი ჩალაძეს რა სტატუსი აქვს პარტიაში, მაგრამ მის განცხადებას ჰქვია მავნებლობა და მეტი არაფერი. ხოლო, როდესაც ჩვენი გუნდი ამბობს, რომ "ნაციონალური მოძრაობა" და "ქართული ოცნება" არის ერთი ჯოხის ორი ბოლო, ზუსტად ამას ვგულისხმობთ, მსგავს დამოკიდებულებას.ვხედავთ "ნაცმოძრაობის" დღევანდელ უპასუხისმგებლო განცხადებებს, გადაწყვეტილებებს, თუ ქმედებებს, მაგრამ ისინი ხუთი წლის წინაც არ ყოფილან განსხვავებული. ანუ, ამ შემთხვევაში, მაინცდამაინც ხაბეიშვილის ხელმძღვანელობას ვერ შევტენით ამ ამბავს და ვერ დავაბრალებთ. ეს ზუსტად ის არის, რაც აცოცხლებს და აძლიერებს "ქართულ ოცნებას".ამ მოვლენებით, რაც "ნაცმოძრაობაში" ხდება, განსაკუთრებით დღეს, დასტურდება, რომ "ნაცმოძრაობა" არის წარსულის წარსული. ამ პოლიტიკურ ორგანიზაციას აღარ აქვს რესურსი, არათუ ხელისუფლებას სერიოზული ოპონირება გაუწიოს, არამედ იმის რესურსიც კი არ აქვს, განახლება მოახდინოს," – განაცხადა ბუჩუკურმა.ცნობისთვის, დღეს, "ნაციონალური მოძრაობის" წევრმა, გიორგი ჩალაძემ "ფორმულას" ეთერში განაცხადა, რომ მიხეილ სააკაშვილის გარდაცვალების შემთხვევაში ხელისუფლება ქუჩაში ომის მიიღებს."თუ არ უნდათ, რომ ქუჩაში ომი მიიღონ, მიხეილ სააკაშვილის საკითხი უნდა გადაწყდეს დადებითად. ეს არის მუქარა. პრეზიდენტ სააკაშვილის გარდაცვალების შემთხვევაში მიიღებენ ქუჩაში ომს. ეს იციან ჩვენმა საერთაშორისო პარტნიორებმა. პრეზიდენტ სააკაშვილს ჰყავს მხარდამჭერების ძალიან ძლიერი, დიდი არმია."ნაციონალური მოძრაობის" მხარდამჭერები არიან მონოლითური ჯგუფი, ძალიან მკაცრად გამოხატული ქმედებების სურვილით, იდეოლოგიით და მხარდაჭერის ერთგულებით. ისინი არიან პრეზიდენტ სააკაშვილის ერთგული მხარდამჭერები. სააკაშვილისთვის რეალური საფრთხე დადგება თუ არა, "ქართული ოცნება" ქუჩაში მიიღებს იმ პროტესტს, რომელსაც ვეღარაფერი გააჩერებს. ეს იცის ჩვენმა ყველა უცხოელმა პარტნიორმა და ძალიან ფრთხილად უნდა ვიყოთ. არ უნდა მივიდეთ საზოგადოების დაპირისპირებამდე“, – განაცხადა ჩალაძემ.

1675539799

გიორგი ვაშაძე
"არაფერი შეცვლილა, 3 პარტიის ფორმატი ისევ ჩვეულ რეჟიმში მუშაობს! - ვწუხვარ, რომ ინფორმაცია არასწორად გავრცელდა" - გიორგი ვაშაძე

"სტრატეგია აღმაშენებლის" ლიდერი, გიორგი ვაშაძე "გირჩი – მეტი თავისუფლების" ლიდერის, ზურაბ ჯაფარიძის განცხადებას - "დიდი ოპოზიციური ერთობის" გადადებასთან დაკავშირებით ეხმიანება და აცხადებს, რომ არაფერი შეცვლილა.ვაშაძის განმარტებით, 3 პარტიის ფორმატი ისევ ჩვეულ რეჟიმში მუშაობს."დიდი სპეკულაციები დაიწყო და ძალიან ვწუხვარ, რომ არასწორად გავრცელდა ინფორმაცია. ზურამ თვითონ გააკეთა განცხადება. არაფერი არ შეცვლილა, 3 პარტიის ფორმატი ისევ ჩვეულ რეჟიმში მუშაობს. ნამდვილად არაფერი არ შეცვლილა.რაც შეეხება დიდ ერთობას, დავუბრუნდებით მაშინ, როცა ამის რეალური გარემოებები იქნება. ხვალ არც არჩევნებია და არც რამე კონკრეტული არ არის. სამოქმედო გეგმა როგორც გვქონდა "დროასთან" და "გირჩთან" ერთად, ისევე გვექნება.მე, ზურა და ელენე, სამივე აქ ვართ და ყველა ჩასაფრებულ ადამიანს, რომელმაც რაღაც ზარ-ზეიმი შემოსცხო, მინდა ვუთხრა, რომ ტყუილად გაგიხარდათ, ან რატომ გიხარიათ, ესეც არ ვიცი. არაფერი არ იცვლება", – განაცხადა გიორგი ვაშაძემ.შეგახსენებთ, "გირჩი – მეტი თავისუფლების" ლიდერმა, ზურაბ ჯაფარიძემ 3 თებერვალს განაცხადა, რომ  "დიდი ოპოზიციური ერთობის" საკითხს 2024 წელს დაუბრუნდებიან. მისი თქმით, იქამდე, მეტ ძალისხმევას გასწევენ საკუთარი პარტიის გასაძლიერებლად, პარალელურად კი, "სტრატეგია აღმაშენებელთან" და "დროასთან" კოორდინაცია გაგრძელდებოდა.მომდევნო დღეს კი, ზურაბ ჯაფარიძემ სოციალურ ქსელში პოსტი გამოაქვეყნა, სადაც წერდა, რომ "არსად გასულა" და "არანაირი განხეთქილება" ბუნებაში არ არსებობს. იმავე დღეს იგივე განცხადება გააკეთა ელენე ხოშტარიამაც.

1675528997

გიორგი ჩალაძე
“თუ არ უნდათ, ქუჩაში მიიღონ ომი, სააკაშვილის საკითხი გადაწყდეს დადებითად, ეს არის მუქარა” - გიორგი ჩალაძე

„ნაციონალური მოძრაობის“ წევრის მუქარა ხელისუფლებას.გიორგი ჩალაძის განცხადებით, მიხეილ სააკაშვილის გარდაცვალების შემთხვევაში ხელისუფლება ქუჩაში ომის მიიღებს.„თუ არ უნდათ, ქუჩაში მიიღონ ომი, პრეზიდენტ სააკაშვილის საკითხი უნდა გადაწყდეს დადებითად. ეს არის მუქარა: პრეზიდენტ სააკაშვილის გარდაცვალების შემთხვევაში მიიღებენ ქუჩაში ომს. ეს იციან ჩვენმა საერთაშორისო პარტნიორებმა“, - აცხადებს გიორგი ჩალაძე.

1675515099

ზურაბ ჯაფარიძე
“არსად არ "გავსულვარ", ნუ დაუჯერებთ ყველა სულელს” - ზურაბ ჯაფარიძე

“არსად არ "გავსულვარ", ნუ დაუჯერებთ ყველა სულელს” - ამის შესახებ სოციალურ ქსელში წერს "გირჩი - მეტი თავისუფლების" ლიდერი ზურაბ ჯაფარიძე წერს.მისი თქმით ის აგრძელებს   თანამშრომლობას ყველა იმ ადამიანთან, ვისაც ამ ქვეყნის დასავლური მომავლის ბედი აღელვებს."არსად არ "გავსულვარ"არანაირი "განხეთქილება" ბუნებაში არ არსებობს.როგორც ვთანამშრომლობდი, ზუსტად ისე ვაგრძელებ როგორც "დროასთან" და სტრატეგიასთან, ისე ყველა იმ ადამიანთან, ვისაც ამ ქვეყნის დასავლური მომავლის ბედი აღელვებს.ნუ დაუჯერებთ ყველა სულელს ან საკუთარი დღის წესრიგის მქონეს," -წერს ზურა ჯაფარიძე.ცნობისთვის, გუშინ, 3 თებერვალს ზურა ჯაფარიძემ თქვა: "პირობები, რომ დიდი ოპოზიციური ერთობა შეიკრას, ჯერჯერობით არ ჩანს, საკითხს მომავალ წელს დავუბრუნდებით."

1675509510

sanikiZe
“სადაც ვიწროა, იქ გაწყდეს, აქ ბევრი ვაპირებთ ომს!” - გუბაზ სანიკიძე

"მოგექცევით ისე, როგორც მოვექცევით შემოჭრილ რუსებს აქ, უარესად, გაიგეთ ეს, სადაც ვიწროა, იქ გაწყდეს, აქ ბევრი ვაპირებთ ომს!” - ამის შესახებ გუბაზ სანიკიძემ ტელეკომპანია „კავკასიის“ ეთერში განაცხადა.მისი თქმით, უკრაინაში რამდენიმე ათასი ქართველი რომ იბრძვის, მეორე დღესვე აქ გაჩნდებიან და დამხმარეც ეყოლებათ - მთელი ცივილიზებული სამყარო.„მე ამას მარტო ჩემი სახელით არ ვამბობ, იმიტომ რომ ბევრი ვიცი და ბევრ ადამიანთან მილაპარაკია, მეომრებთან მილაპარაკია, ვეტერანებთან, აფხაზეთის ცხინვალის, აქ ბევრი ვაპირებთ ომს და მოგექცევით ისე, როგორც მოვექცევით შემოჭრილ რუსებს აქ, უარესად, გაიგეთ ეს, გაუფრთხილდით საკუთარ თავს, ფიზიკურად, სინდისი და ნამუსი რომ არ გაგაჩნიათ, გავიგე, ზნედაცემული ხალხი ხართ, გავიგე, მაგრამ ვირთხის ინსტინქტები ხომ გაქვთ? მოგექცევით ისე, როგორც ექცევიან უკრაინაში კოლაბორანტებს, მეტი რა გითხრათ, ამ ქვეყანას არ დავთმობთ, ამ ქვეყანას ამ ერის უმრავლესობა არ დათმობს, ქართული ემიგრაცია არ დათმობს.თქვენ რა გგონიათ, უკრაინაში რამდენიმე ათასი ქართველი რომ იბრძვის, მეორე დღესვე აქ გაჩნდებიან და დამხმარეც გვეყოლება, მთელი ცივილიზებული სამყარო, სადაც ვიწროა, იქ გაწყდეს“ - განაცხადა გუბაზ სანიკიძემ.

1675507404

კახა კალაძე
"ჩვენი ხელისუფლება გამოხატავს სრულ მზადყოფნას, რათა რაც შეიძლება სწრაფად გავხდეთ იმ ოჯახის წევრი, რასაც ევროპა ჰქვია" - კახა კალაძე 

"ჩვენი ხელისუფლება გამოხატავს სრულ მზადყოფნას, რათა რაც შეიძლება სწრაფად გავხდეთ იმ ოჯახის წევრი, რასაც ევროპა ჰქვია," - ამის შესახებ დედაქალაქის მერმა, კახა კალაძემ ევროკომისიის მიერ საქართველოს შესახებ გამოქვეყნებული ანალიტიკური ანგარიშის შეფასებისას განაცხადა.მისივე თქმით, ევროინტეგრაცია პრინციპულად მნიშვნელოვანია, რისთვისაც ქვეყანამ ბევრი სასიკეთო ცვლილება განახორციელა."ამ შეფასებას დღეს ძალიან ბევრი გამოხმაურება ჰქონდა და მინდა, მეც შევუერთდე მილოცვებს. მნიშვნელოვანი ნაბიჯები იქნება გადადგმული. არაერთხელ გვითქვამს, რომ ჩვენთვის, ჩვენი ქვეყნისთვის, პირადად ჩემთვის ევროინტეგრაცია პრინციპულად მნიშვნელოვანია. 2012 წლიდან მოყოლებული ჩვენმა ქვეყანამ, ხელისუფლებამ ძალიან ბევრი გააკეთა ამ რთულ გზაზე. რა თქმა უნდა, დღესაც არსებობს გამოწვევები, კიდევ არის გადასადგმელი ნაბიჯები, რისთვისაც ჩვენი ხელისუფლება გამოხატავს სრულ მზადყოფნას, რათა რაც შეიძლება სწრაფად გავხდეთ იმ ოჯახის წევრი, რასაც ევროპა ჰქვია," - განაცხადა კახა კალაძემ.

1675430674

გიგა ბოკერია
"რუსეთთან პირდაპირი ფრენების შესაძლო აღდგენა საქართველოს უზრდის საფრთხეს უზომოდ ახლო, საშუალო და შორეულ მომავალში" - გიგა ბოკერია 

"იმედი მაქვს, რომ ეს ამბავი ვერ განხორციელდება, მაგრამ ჩვენი ქვეყნის პრობლემა არის ბევრად უფრო დიდი, ვიდრე ეს თუნდაც, მნიშვნელოვანი ეპიზოდი. დღეს ეს ყველაფერი არის დასტური იმისა, რომ ჩვენი დასავლეთისგან და აშშ-სგან იზოლაციის პროცესი ღრმავდება," - ამის შესახებ "ევროპული საქართველოს" თავმჯდომარემ, გიგა ბოკერიამ განაცხადა, რითაც მან შეაფასა აშშ-ის სახელმწიფო დეპარტამენტის მიერ რუსეთ-საქართველოს შორის ფრენების შესაძლო აღდგენის შესახებ გაკეთებულ განცხადება.ბოკერიას შეფასებით, რუსეთთან პირდაპირი ფრენების შესაძლო აღდგენა საქართველოს უზრდის საფრთხეს "უზომოდ ახლო, საშუალო და შორეულ მომავალში.""იმის ნაცვლად, რომ ჩვენ გვყოლოდა ხელისუფლება, რომელიც ამ ვითარებით ისარგებლებდა ჩვენი ქვეყნის ინტერესებისთვის, რადგან საქართველო და ქართველი ხალხი იმსახურებს და დასავლეთსაც სჭირდება საქართველო ნატო-ში, დაცული და ეკონომიკურად ძლიერი საქართველო თავისუფალ ვაჭრობაზე, ამის ნაცვლად ვართ, რბილად რომ ვთქვათ, ყველას თვალში ეჭვმიტანილები და ჩემს თვალში დადასტურებულად პუტინთან პარტნიორობაში.რუსეთთან პირდაპირი ფრენების შესაძლო აღდგენა არის ის, რაც საქართველოს უზრდის საფრთხეს ახლო, საშუალო და შორეულ მომავალში. ყველა ჩვენს მოქალაქეს ბევრად მეტი მსხვერპლი დაუჯდება ჩვენი სახელმწიფოს დაცვა იმის გამო, რომ გვყავს დღეს ივანიშვილი, თუ ის არ შევცვალეთ, მანამ სანამ ეს ფანჯარა არ დაიხურება.ის, რომ სახელმწიფო დეპარტამენტს უწევს ამ განცხადების გაკეთება არა მნიშვნელოვან საკითხზე, არამედ იმაზე, რომ ამ ნაბიჯს თუ გადადგამთ, ეგ რუსეთის დახმარებაა, ეგ უკვე ღალატის ტოლფასია და კატასტროფაა იმის მიუხედავად აღდგება თუ არა ფრენები," - განაცხადა გიგა ბოკერიამ.

1675430231

დიმიტრი შაშკინი
"დასანანია, ნიკა მელიამ არ გამოიყენა ეთერი, რომ ესაუბრა სააკაშვილის საზღვარგარეთ სამკურნალოდ გადაყვანის შესახებ, "ქართულ ოცნებაზე", ბიძინა ივანიშვილზე" - დიმიტრი შაშკინი 

"დასანანია, რომ ნიკა მელიამ არ გამოიყენა გუშინ ეთერი, რათა ესაუბრა სააკაშვილის საზღვარგარეთ სამკურნალოდ გადაყვანის შესახებ, "ქართულ ოცნებაზე", ბიძინა ივანიშვილზე," - ამის შესახებ "ნაციონალური მოძრაობის" წევრმა, დიმიტრი შაშკინმა განაცხადა.მისივე თქმით, საარჩევნო კამპანია დასრულებულია და ახლა პარტიის მთავარი პრიორიტეტია საზღვარგარეთ სააკაშვილის გადაყვანა."ძალიან სამწუხაროა, რომ ნიკა მელიამ არ გამოიყენა გუშინ ეთერი, რათა ესაუბრა ამ თემაზე, "ქართულ ოცნებაზე", ბიძინა ივანიშვილზე. ეს მხოლოდ დასანანია და სამწუხარო, დანარჩენი ყველაფერი მეორეხარისხოვანია. ჩვენ გავაკეთებთ ყველაფერს, რომ მიხეილ სააკაშვილი გადაიყვანონ," - აღნიშნა შაშკინმა.ამასთან, კითხვას იმის შესახებ, რომ დღეს ნიკა მელია არ გამოჩენილა სასამართლოსთან, სადაც საქართველოს ყოფილი პრეზიდენტის, მიხეილ სააკაშვილისთვის სასჯელის გადავადების საკითხზე სხდომა მიმდინარეობს, შაშკინმა განაცხადა: "არანაირ კომენტარს არ გავაკეთებ."

1675427903

გიორგი გახარია
"მოვუწოდებთ ხელისუფლებას და ოპოზიციას, ისევე შეუერთდნენ ევროკავშირის ღირებულებებს, როგორც ქართველი ხალხი" - გიორგი გახარია 

"მადლობას ვუხდით ევროკომისიას საქართველოს დადებითად შეფასებისთვის - მოვუწოდებთ ხელისუფლებას და ოპოზიციას, ისევე შეუერთდნენ ევროკავშირის ღირებულებებს, როგორც ქართველი ხალხი," - ამის შესახებ პარტია "საქართველოსთვის" ლიდერმა, გიორგი გახარიამ საქართველოს ევროკავშირში გაწევრიანებასთან დაკავშირებით სოციალურ ქსელში დაწერა.მისივე თქმით, ქვეყნის ტექნიკური წინსვლა საყურადღებოდა, თუმცა პოლიტიკური პროგრესი ჩამორჩება."მადლობას ვუხდით ევროკომისიას საქართველოს დადებითად შეფასებისთვის. ჩვენი ტექნიკური წინსვლა საყურადღებოა, თუმცა პოლიტიკური პროგრესი ჩამორჩება. მოვუწოდებთ ხელისუფლებას და ოპოზიციას, ისევე შეუერთდნენ ევროკავშირის ღირებულებებს, როგორც ქართველი ხალხი. ევროსაბჭოს მხარდაჭერის იმედი გვაქვს!" - წერს გიორგი გახარია.ცნობისთვის, ევროკომისიამ საქართველოს ევროკავშირში გაწევრიანების განაცხადის შესახებ ანგარიში გამოაქვეყნა. როგორც ანგარიშშია ნათქვამი, საქართველოს აქვს მომზადების გარკვეული დონე მართლმსაჯულების, თავისუფლებისა და უსაფრთხოების სფეროში კანონმდებლობის განსახორციელებლად. ასევე, დოკუმენტში აღნიშნულია, რომ საქართველოს აქვს გარკვეული დონის მომზადება სახელმწიფო შესყიდვების სფეროში. დოკუმენტში საუბარია ციფრულ ტრანსფორმაციასა და მედიაზეც და ხაზგასმულია, რომ ევროკავშირი მხარს უჭერს ელექტრონული ბაზრის გამართულ ფუნქციონირებას, კომუნიკაციებს, ელექტრონულ კომერციასა და აუდიო-ვიზუალურ მომსახურებას.

1675427231

ბონდო მძინარაშვილი
"ოჯახს რატომ აძლევთ ამდენ უფლებას?! სახელმწიფოს ვალდებულებაა პატიმრის საკვებით უზრუნველყოფა! აჭამეთ!" - ბონდო მძინარაშვილი

მიხეილ სააკაშვილის ჯანმრთელობის მდგომარეობასა და ექიმების მიერ გავრცელებულ ინფორმაციას ექსპრეზიდენტის კვების რაციონთან დაკავშირებით, სოციალურ ქსელში ჟურნალისტი ბონდო მძინარაშვილი ეხმაურება.მძინარაშვილი ამბობს, რომ საკითხი მეტ ყურადღებას მოითხოვს და იმ ექიმების დაკითხვას მოითხოვს, რომლებიც სააკაშვილის კვების რაციონს განსაზღვრავენ."ერთი კვერცხი, ერთი კიტრი, ორი ცალი მოხარშული კარტოფილი, ოთხი ცალი სალათის ფურცელი, შილაფლავი სოკოთი, ცივი მჭადი, შავი პური ნივრით... ეს რა საჭმელია?! ოჯახი ამას როგორ აჭმევთ, არ გრცხვენიათ?!პროკურატურამ გამოძიება უნდა დაიწყოს პატიმარი პაციენტის ჯანმრთელობის მიზანმიმართულად დაზიანების გამო! უნდა დაკითხონ ოჯახის წევრები და ექიმები, ვინც ეს რაციონი შეუდგინა!ოჯახს რატომ აძლევთ ამდენ უფლებას?! სახელმწიფოს ვალდებულებაა პატიმრის უსაფრთხოების დაცვა და საკვებით უზრუნველყოფა! აჭამეთ!" - წერს ბონდო მძინარაშვილი.

1675426104