"გოგაშვილის მიერ გაკეთებული განცხადებების უყურადღებოდ დატოვება პოლიტიკური სისულელე იქნებოდა" - ზვიად ძიძიგური

პოლიტიკა 1663869735
22/09/2022

"სოსო გოგაშვილის მიერ გაკეთებული განცხადებების უყურადღებოდ დატოვება პოლიტიკური სისულელე იქნებოდა," - ეს განცხადება "კონსერვატიული პარტიის" თავმჯდომარემ, ზვიად ძიძიგურმა "ჯორჯიან თაიმსის" გადაცემაში "დროული კითხვები" პარლამენტში საგამოძიებო კომისიის შექმნის საკითხზე საუბრისას გააკეთა.

"რა თქმა უნდა, არსებობს საფუძველი, რომ პარლამენტში საგამოძიებო კომისია არსებობდეს. მით უმეტეს, ახლა, როდესაც სოსო გოგაშვილი ერთ-ერთი მაღალი თანამდებობის პირი იყო, აღნიშნულ განცხადებებს აკეთებს, ამის დატოვება ასე არ შეიძლება. უფრო მეტის, გოგაშვილის განცხადების უყურადღებოდ დატოვება პოლიტიკური სისულელე იქნებოდა. ვფიქრობ, რომ სწორია, როცა ამაზე რეაგირება მიმდინარეობს. რაც შეეხება, რამდენად შეძლებს საგამოძიებო კომისია სიმართლის დადგენას, ეს ძალიან ბევრ ფაქტორზეა დამოკიდებული. მაგრამ, აქ ერთი ფაქტია, რომ რას მოიგებს ამით საქართველო... მინდა გითხრათ, რომ საქართველოს ხელისუფლება ჟონგლიორობს ქვეყნის ბედით... მაშინ, როცა მთელი მსოფლიო დგას რუსეთის წინააღმდეგ, მისი ორაზროვანი პოზიცია ბევრ კითხვის აჩენს". - განაცხადა ზვიად ძიძიგურმა.

 

უახლესი
დავით კეზერაშვილი
"არავისთვის მომიხვევია თავს არც მეგობრობა, არც პარტნიორობა" - დავით კეზერაშვილი

სოციალური ქსელის საშუალებით ეხმაურება მისი პიროვნების გარშემო არსებულ ხმაურსა და დაპირისპირებას  საქართველოს ყოფილი თავდაცვის მინისტრი დავით კეზერაშვილი.კეზერაშვილი ამბობს, რომ გავრცელებული ინფორმაციების დიდი ნაწილი სიცრუეა და სინამდვილეში ქართული პოლიტიკა მისი ინტერესის სფეროს არ წარმოადგენს.„ბოლო პერიოდში განვითარებული მოვლენების გამო საქართველოში, ჩავთვალე, რომ ვალდებული ვარ, როგორც ჩვენ ქვეყანაში, ასევე რეგიონში განვითარებულ მოვლენებს გამოვეხმაურო, ჩემი პოზიცია დავაფიქსირო და საზოგადოებამდე ჩემი სათქმელი მივიტანო.დღეს მსოფლიოს ყურადღება მიპყრობილია ჩვენი მოძმე უკრაინელი ხალხის გმირული ბრძოლისკენ. ისინი არა მხოლოდ საკუთარ თავისუფლებას, არამედ ცივილიზებული სამყაროს თავისუფლებას, მათ შორის საქართველოს თავისუფლებას იცავენ. შესაბამისად, ვფიქრობ, ყველა ჩვენგანის მოვალეობაა მაქსიმალური მხარდაჭერა აღმოვუჩინოთ მათ. დღეს ჩემთვის და ჩემი მეგობრებისთვის უმთავრესი პრიორიტეტია, უკრაინელებმა იგრძნონ, რომ მიუხედავად იმისა თუ როგორ იქცევა საქართველოს დღევანდელი ხელისუფლება, ქართველი ხალხი მათ გვერდითაა. ამ მიმართულებით კონკრეტული ნაბიჯების გადადგმა ჩემ მოვალეობად მიმაჩნია სწორედ ამიტომ ჩემი და ჩემი მეგობრების დროისა და ძალისხმევის დიდი ნაწილი, ბუნებრივია, აქეთაა მიმართული.შესაძლოა ამან კიდევ დამატებითი მიზეზი გაუჩინა საქართველოს პრორუსულ ხელისუფლებას, თავიდან და ახალი შემართებით აწარმოონ ჩემი დისკრედიტაციის კამპანია. ეს კამპანია არ მიკვირს და სიახლეს არ წარმოადგენს. უკვე მრავალი წელია, სახელისუფლებო მედია, რუსული პროპაგანდის სტილში, არ ერიდება ჩემ მიმართ ტყუილსა და ცილისწამებას. გულდასაწყვეტი სიახლე ისაა, რომ ამდაგვარ კამპანიაში ცალკეული ოპოზიციური ლიდერებიც ჩაერთნენ,“- წერს დავით კეზერაშვილი.მისი თქმით, მიუხედავად ცილისწამებების სერიისა, არ აპირებს კამათში შესვლას და საკუთარი სიმართლის მტკიცებას, თუმცა აგრძელებს ბრძოლას საქართველოს გამარჯვებისათვის, მათ შორის მეგობრების - მიხეილ სააკაშვილისა და ნიკა გვარამიას თავისუფლებისა და თავისუფალი მედიის, კერძოდ ტელეკომპანია „ფორმულას“ ინტერესების დასაცავად.„ჩემი გააზრებული არჩევანია, არ შევიდე ამ გაუგებარ კინკლაობაში. ჩემი სახელის ირგვლივ ატეხილი ხმაურის და ბრალდებების მიუხედავად, არ ვაპირებ ამ დამაზიანებელ დისკუსიაში მონაწილეობას, რადგან ვთვლი - ამ ყველაფერს ერთი გამარჯვებული ეყოლება - ბიძინა ივანიშვილი და მისი ოლიგარქიული, პრორუსული რეჟიმი. ქვეყნის ბედით დაინტერესებულ ძალებს დღეს ნამდვილად ბევრად უფრო მნიშვნელოვანი გამოწვევები გვაქვს, ვიდრე ეს ვიწროპარტიული გარჩევები.ჩემი ღრმა რწმენით, დღეს წყდება - საქართველო იქნება დამოუკიდებელი, სამართლებრივი, ევროპული სახელმწიფო, თუ რუსეთის გავლენის ქვეშ მყოფი გუბერნია. ამ ვითარებაში, მაღალი პასუხისმგებლობის მქონე არც ერთ ადამიანს არ აქვს უფლება პირადი მიზნების, ემოციების, განწყობების მიხედვით იმოქმედოს. ყველა ვალდებული ვართ დავინახოთ დიდი სურათი და ქვეყნის ინტერესებისთვის ვიმოქმედოთ - დროულად და ეფექტურად.დღეს ოპოზიციურ სპექტრში არეულობის შეტანა,დამატებითი დაძაბულობის კერების გაჩენა, გამოგონილი მტრების წინააღმდეგ ბრძოლა უპასუხისმგებლობაა და ჩვენს ქვეყანას სიკეთეს არ მოუტანს. ეს გააძლიერებს ივანიშვილს, რუსულ გავლენებს და გაახანგრძლივებს სახელმწიფოს მიტაცების პროცესს.მე არასდროს არავისთვის მომიხვევია თავს არც მეგობრობა, არც პარტნიორობა. ერთადერთი, რასაც ვთვლიდი და ვთვლი ჩემ მოვალეობად, გვერდში დავუდგე ყველას, ვინც საქართველოს დამაზიანებელი პრორუსული რეჟიმის წინააღმდეგ ბრძოლისთვის მზადაა. გვერდში დავუდგე მხოლოდ მათი სურვილისა და პარტნიორობისთვის მზადყოფნის შემთხვევაში.მკაფიოდ ვამბობ - მე არასოდეს ჩავრეულვარ და არც მომავალში ვაპირებ ჩარევას ცალკეული ოპოზიციური პარტიების დღის წესრიგის განსაზღვრაში. პარტიული პოლიტიკის მიმართ ჩემი ინტერესი არა მაქვს. ამასთან, ბუნებრივია ეს არ ნიშნავს, რომ უარს ვიტყვი ივანიშვილის რეჟიმის წინააღმდეგ საერთო ბრძოლაზე.ყველა პოლიტიკურ პარტიას, ვისაც ესმის მომენტის მნიშვნელობა, წარმატებას ვუსურვებ ბრძოლის იმ გზაზე, რომელმაც ჩვენს ქვეყანას - დეოლიგარქიზაცია, საქართველოს - დასავლურ ორბიტაზე დაბრუნება, ქართველ ხალხს კი - კეთილდღეობა და ცხოვრების უკეთესი პირობები უნდა მოუტანოს.მტერმაც და მოყვარემაც მინდა იცოდეს, რომ არ გამაჩნია არანაირი პირადი ან პარტიული დღის წესრიგი ქართულ პოლიტიკაში. ამასთანავე, არ ვაპირებ მშვიდად ვიყო და შორიდან ვუყურო ჩემი მეგობრების, მიხეილ სააკაშვილის და ნიკა გვარამიას ციხეში ყოფნას. ისინი რეჟიმის პოლიტიკური პატიმრები არიან და რაც ჩემ ძალებშია, ყველაფერს გავაკეთებ მათი გათავისუფლებისათვის. ასევე არ მაქვს უფლება, ბიძინა ივანიშვილის მიერ მიტაცებული ხელისუფლების წინააღმდეგ ბრძოლაში მხარი არ დავუჭირო სამოქალაქო საზოგადოებას, მის აქტიურობას. რა თქმა უნდა ვაგრძელებ დამოუკიდებელი მედიის მხარდაჭერას - მიუხედავად მრავალი წინააღმდეგობისა, რომელსაც ხელისუფლება ეწევა ტელეკომპანია ფორმულასა და ზოგადად კრიტიკული ქართული მედიასაშუალებების წინააღმდეგ, უკან არ დავიხევთ.ტელეკომპანია ფორმულა თავისი არაჩვეულებრივი გუნდით, სრული სარედაქციო დამოუკიდებლობის პირობებში, უპირობოდ იქნება საქართველოს ევროპული მომავლისთვის ბრძოლის წინა ხაზზე. ცილისწამება და თავდასხმები შედეგს ვერ გამოიღებს - ბრძოლა საქართველოს უკეთესი მომავლისთვის მუდმივი პროცესია და სანამ ამ ბრძოლაში ერთი აგურის დადება შემეძლება, ამას ყოველთვის გავაკეთებ!“ - წერს დავით კეზერაშვილი.ცნობისათვის, კეზერაშვილი „ნაციონალური მოძრაობის“ მთავრობაში თავდაცვის მინისტრის თანამდებობას 2006-2008 წლებში იკავებდა, შემდეგ კი საქართველო დატოვა. 2019 წლიდან ის ტელეკომპანია „ფორმულას“ საკონტროლო პაკეტის მფლობელია.

პოლიტიკა 1664439860

ლიეტუვის ელჩი
"ვაკვირდებით საქართველოში რუსეთის მოქალაქეთა შემოსვლას, დარწმუნებულნი ვართ, მთავრობა კარგად აფასებს ვითარებას და რისკს"- ლიეტუვის ელჩი

საქართველოში ლიეტუვის ელჩი ანდრიუს კალინდრა საქართველოში რუსეთის მოქალაქეების შემოსვლას ეხმიანება და აცხადებს რომ ქვეყანა ამ პროცესს აკვირდება. ელჩის განცხადებით, ის დარწმუნებულია, რომ ქვეყნის ხელისუფლება კარგად აფასებს არსებულ ვითარებასა და რისკებს.„რუსეთის უკრაინაში შეჭრის გამო ჩვენ ყველამ ვიხილეთ ხალხისა და სატვირთოების გრძელი რიგები ყველგან, ევროპაში. ახლა რაც ხდება, ეს რუსეთის ბრალია. ჩვენ ვაკვირდებით ვითარებას და ამავდროულად დარწმუნებული ვართ, რომ საქართველოს მთავრობა კარგად ფუნქციონირებს, კარგად აფასებს ამ ვითარებას, როგორ გაუმკლავდნენ ყველა შესაძლო რისკს.მინდა, შეგახსენოთ, რომ ლიეტუვამ უკრაინაში რუსეთის შეჭრისთანავე, 10 მარტისთვის შეაჩერა ვიზების გაცემა რუსეთისა და ბელარუსის პასპორტის მფლობელთათვის. ახლა ასევე ვზღუდავთ რუსების შესვლას ლიეტუვაში. ეს ჩვენი აღქმა და გზაა, რადგან სამწუხაროდ, ნებისმიერ ინვესტიციას რუსეთთან, იქნება ეს კულტურული, სოციალური, ეკონომიკური თუ პოლიტიკური კავშირები, ღირებულება აღარ გააჩნია“, – განაცხადა ელჩმა.რუსეთის ფედერაციიდან შემოსული და საქართველოდან რუსეთში გასული მოქალაქეების რაოდენობასთან დაკავშირებით შსს-მ 27 სექტემბერს გაავრცელა ინფორმაცია.

პოლიტიკა 1664439780

28/09/2022
"აფხაზეთი არსებობს, რუკიდან ვერ წაიშლება, ამას ვერანაირი სანქციები ვერ გააკეთებს" - ლუკაშენკომ აფხაზეთში ვიზიტის შესახებ პრესრელიზი გამოაქვეყნა

ბელარუსის ავტორიტარი ლიდერის ალექსანდრ ლუკაშენკოს ოფიციალურ საიტზე ოკუპირებულ აფხაზეთში ვიზიტის შესახებ პრესრელიზი გამოჩნდა.პრესრელიზში წერია, რომ ლუკაშენკო აფხაზეთის მიწაზე იმყოფებოდა და ასლან ბჟანიასთან ეკონომიკური პროექტები  და ბელარუსისა და აფხაზეთის თანამშრომლობის პერსპექტიული საკითხები განიხილა.პრესრელიზში ასლან ბჟანიას თანამდებობა მითითებული არ არის."28 სექტემბერს ბელორუსის პრეზიდენტმა ალექსანდრე ლუკაშენკომ შავი ზღვის ჩრდილო-აღმოსავლეთ სანაპიროს ისტორიული ადგილები მოინახულა.შეხვედრა გაიმართა აფხაზურ მიწაზეც. ბელორუსის სახელმწიფოს მეთაურმა ასლან ბჟანიასთან ერთად ბელარუსსა და აფხაზეთს შორის თანამშრომლობის საკითხები განიხილა.ალექსანდრ ლუკაშენკომ განაცხადა, რომ ერთი დღით ადრე მან რუსეთის პრეზიდენტ ვლადიმერ პუტინთან განიხილა აფხაზეთის პრობლემები.„ამ საკითხებზე ღამემდე ბევრი ვიმსჯელეთ, ის ჩემზე მეტად არის ჩაფლული აფხაზეთის პრობლემებსა და საქმეებში, ამაზე დიდხანს არ ვისაუბრებ, მაგრამ ერთ დასკვნამდე მივედით: აფხაზეთი არსებობს, რუკიდან ვერ წაიშლება, ამას ვერანაირი სანქციები ვერ გააკეთებს. აფხაზეთი, როგორც ის ამბობს, არ უნდა მივატოვოთ, მას უნდა აფხაზეთს დაეხმაროს, რათა ეს აყვავებული მიწა და აქ მცხოვრები ხალხი ნორმალურად ცხოვრობდეს", - განაცხადა ბელორუსის ლიდერმა. მისი თქმით, ურთიერთობების საფუძველი უნდა გახდეს ეკონომიკა, სავაჭრო და ეკონომიკური კავშირები. „ჩვენ მოვედით სიკეთით. და თუ რამეში დაგეხმარებით, მეტიც, ეს იქნება ორმხრივად მოგებიანი თანამშრომლობა, ამას გავაკეთებთ. ბევრ რამეზე ვისაუბრებთ. როგორც იცით, უკვე გამოცდილი ადამიანი ვარ  პოლიტიკაში და სხვა სფეროებში. მოდით ვისაუბროთ "მოდით ვიფიქროთ იმაზე, თუ როგორ შეგვიძლია ვიცხოვროთ. მთავარია, რომ ადამიანებმა ღირსეულად იცხოვრონ აქ. იმიტომ, რომ სამოთხის ეს ნაწილი ჩვენს დედამიწაზე იმსახურებს ამას. და აქ ხალხი წმინდანები არიან.  ამიტომ, ჩვენ გვინდა დავამყაროთ არა მხოლოდ მეგობრობის ხიდი, არამედ ძალიან სერიოზული ურთიერთობები", - ხაზგასმით აღნიშნა ალექსანდრე ლუკაშენკომ." - წერია პრესრელიზში.შეგახსენებთ, ლუკაშენკოს აფხაზეთში ვიზიტის გამო საქართველოს საგარეო საქმეთა სამინისტროში დაიბარეს ბელორუსის ელჩი, ხოლო საელჩოსთან პარტია „გირჩი - მეტი თავისუფლების“ ორგანიზებით საპროტესტო აქცია გაიმართა, სადაც პუტინისა და ლუკაშენკოს პორტრეტები დაწვეს.ლუკაშენკოს აფხაზეთში ვიზიტი დაგმო აშშ-მ და ევროკავშირმა.

კონფლიქტი 1664439780

მიხეილ სარჯველაძე
"საქართველოს დამოკიდებულება იქნება უკომპრომისო და ამას ვერც ერთ შემთხვევაში ვერ მივუდგებით შემწყნარებლურად" - მიხეილ სარჯველაძე ლუკაშენკოს "ვიზიტზე" 

"საქართველოს დამოკიდებულება იქნება უკომპრომისო და ამას ვერც ერთ შემთხვევაში ვერ მივუდგებით შემწყნარებლურად," - ამის შესახებ უმრავლესობის ერთ-ერთმა ლიდერმა მიხეილ სარჯველაძემ ბელარუსის პრეზიდენტის ალექსანდრე ლუკაშენკოს აფხაზეთში ჩასვლასთან დაკავშირებით განაცხადა.მისივე თქმით, ეს ის პროცესია, სადაც ვერც ერთ შემთხვევაში, საქართველო პრინციპული პოზიციიდან უკან ვერ დაიხევს."საქართველოს დამოკიდებულება, რა თქმა უნდა, იქნება უკომპრომისო და ამას ვერც ერთ შემთხვევაში ვერ მივუდგებით შემწყნარებლურად. კონკრეტულად რა ნაბიჯი რის შემდეგ იქნება, რა თქმა უნდა, წინასწარ თქმა გამიჭირდება, მაგრამ ერთი რამ შემიძლია ვთქვა, რომ ეს არის ის პროცესი, სადაც ვერც ერთ შემთხვევაში, ამ პრინციპული პოზიციიდან საქართველო უკან ვერ დაიხევს და რასაკვირველია, ვერავის მივცემთ საშუალებას უკან დაიხიოს სხვამაც, როდესაც საკითხი საქართველოს ტერიტორიულ მთლიანობას ეხება", - განაცხადა სარჯველაძემ.როგორც მან აღნიშნა, მას არ ჰგონია საქმე ლუკაშენკოს მხრიდან აფხაზეთის აღიარებამდე მივიდეს."ნებისმიერი მიმართულებით შემდგომი ნაბიჯების გადადგმა ნებისმიერი სახელმწიფოს მხრიდან საქართველოს ტერიტორიული მთლიანობის ხარჯზე აბსოლუტურად მიუღებელია,"- განაცხადა სარჯველაძემ.ცნობისთვის, ბელარუსის პრეზიდენტი ალექსანდრე ლუკაშენკო ოკუპირებულ აფხაზეთში ჩავიდა. ლუკაშენკო აფხაზეთის ე.წ. პრეზიდენტს ასლან ბჟანიას ბიჭვინთის აგარაკზე შეხვდა. შეხვედრაზე ლუკაშენკომ აღნიშნა, რომ რუსეთის პრეზიდენტთან, ვლადიმერ პუტინთან გუშინ გამართულ შეხვედრაზე აფხაზეთის საკითხი განიხილეს. მისი თქმით, აფხაზეთთან არა მხოლოდ "მეგობრობის ხიდის" აშენება, არამედ ძალიან სერიოზული ურთიერთობები სურთ.

პოლიტიკა 1664439242

პაატა მანჯგალაძე
"ხელისუფლებას ვაფრთხილებდით, კუდის ქიცინით, ენის მოჩლექით და თავზე ვაზელინის წასმით რუსეთთან უპირატესობას ვერ მივაღწევდით" - პაატა მანჯგალაძე 

"ლუკაშენკო რასაც აკეთებს, რუსული პოლიტიკის გაგრძელებაა - ხელისუფლებას ვაფრთხილებდით, რომ კუდის ქიცინით, ენის მოჩლექით და თავზე ვაზელინის წასმით რუსეთთან ვერანაირ უპირატესობას ვერ მივაღწევდით," - ამის შესახებ "სტრატეგია აღმაშენებლის" დეპუტატმა პაატა მანჯგალაძემ განაცხადა, რითაც ოკუპირებულ აფხაზეთში ბელარუსის პრეზიდენტის ჩასვლას გამოეხმაურა.დეპუტატი მიიჩნევს, რომ "ქართული ოცნება" ირჩევს პოლიტიკას, რომელიც ქვეყანას ევროკავშირს აშორებს და დაუცველს ტოვებს ოკუპანტთან."ლუკაშენკო არის პუტინის ლაქია, მისი ჯამბაზი და რასაც ის აკეთებს, ეს არის რუსული პოლიტიკის გაგრძელება საქართველოსთან დაკავშირებით. ჩვენ ვაფრთხილებდით საქართველოს ხელისუფლებას, რომ კუდის ქიცინით, ენის მოჩლექით და თავზე ვაზელინის წასმით რუსეთთან ვერანაირ უპირატესობას ვერ მივაღწევდით საქართველოს ინტერესებისთვის, ვერ განვახორციელებდით სტრატეგიულ ამოცანებს. ერთიანი საქართველოს იდეა შეიძლება მიიწეს ევროპელ პარტნიორებთან, ამერიკელ სტრატეგიულ პარტნიორებთან მჭიდრო კოორდინაციით და არა ყოველ დღე ევროპის და ამერიკის თავდამსხმელი განცხადებებით. სად არის დღეს ის ოთხეული?! ვინმემ ნახა განცხადება, სადაც ლუკაშენკოს ამ ვიზიტს გმობენ? რატომ არ გააკეთეს გუშინვე ამაზე განცხადება. შვეიცარიის სასამართლო და მათი დემოკრატია რომ არ მოსწონდათ, ლუკაშენკოს დემოკრატია მოსწონთ?! რატომ არ ითხოვენ ბელარუსის ელჩთან შეხვედრას, იქნებ ბელარუსი გვაძალებს ომს?! ამ ოთხეულის, ივანიშვილის მარცხენა ხელი რომ არის, განცხადება ნახეთ ამაზე?!"- განაცხადა მანჯგალაძემ.ცნობისთვის, რომ ბელარუსის პრეზიდენტი ალექსანდრე ლუკაშენკო ოკუპირებულ აფხაზეთში გუშინ ჩავიდა. ლუკაშენკო აფხაზეთის ე.წ. პრეზიდენტს ასლან ბჟანიას ბიჭვინთის აგარაკზე შეხვდა. შეხვედრაზე ლუკაშენკომ აღნიშნა, რომ 2 დღის წინ რუსეთის პრეზიდენტ ვლადიმერ პუტინთან გამართულ შეხვედრაზე აფხაზეთის საკითხი განიხილეს. მისი თქმით, აფხაზეთთან არა მხოლოდ "მეგობრობის ხიდის" აშენება, არამედ ძალიან სერიოზული ურთიერთობები სურთ.

პოლიტიკა 1664438860

სალომე სამადაშვილი თეა წულუკიანი
"წულუკიანს მყარად აქვს გადაწყვეტილი აღადგინოს საბჭოთა სისტემა კულტურის და სპორტის მართვის სფეროში" - სალომე სამადაშვილი 

"წულუკიანს მყარად აქვს გადაწყვეტილი აღადგინოს საბჭოთა სისტემა კულტურის და სპორტის მართვის სფეროში - ის არის სისტემატური მატყუარა, ასევე ის არის სისტემატური მოძალადე," - ამის შესახებ ჟურნალისტებთან საუბარში "ლელოს" დეპუტატმა სალომე სამადაშვილმა განაცხადა, რითაც უპასუხა კითხვას, გამოხატავს თუ არა წულუკიანის მიმართ სოლიდარობას მას შემდეგ, რაც მინისტრმა გააჟღერა, რომ კრივის ფედერაციის პრეზიდენტმა მასზე დასარტყმელად გაიწია.სამადაშვილის თქმითვე, ძალადობაა ის, როცა დამოუკიდებელ სპორტულ ფედერაციებს მინისტრი დაფინანსების შეწყვეტით აშანტაჟებს."რამდენადაც ჩემთვის არის გასაგები, ქალბატონი წულუკიანი ატერორებს დამოუკიდებელ სპორტულ ორგანიზაციებს, რომ თუ ისინი არ მიიღებენ ისეთ გადაწყვეტილებას, როგორსაც ითხოვს წულუკიანი, მათ შეუწყდებათ დაფინანსება. მსგავსი მეთოდებით სპორტის და კულტურის სფეროს მართავდნენ საბჭოთა კავშირში, როგორც ჩანს ქალბატონ წულუკიანს მყარად აქვს გადაწყვეტილი აღადგინოს საბჭოთა სისტემა, რაც შეეხება ჩვენი კულტურის და სპორტის მართვის სფეროს. რაც შეეხება მის განცხადებებს, ქალბატონი წულუკიანი ბევრ განცხადებას აკეთებს, მაგრამ შემდეგ უჭირს შესაბამისი საბუთის წარმოდგენა. მე, რა თქმა უნდა, ძალიან დიდი ყურადღებით ვეკიდები ქალების წინააღმდეგ ძალადობას და თუ მსგავს ძალადობის მუქარას ჰქონდა ადგილი, საინტერესოა, ქალბატონმა წულუკიანმა რატომ არ გადადგა შესაბამისი ნაბიჯები, მე რომ ვინმე ძალადობით დამემუქროს, შემიძლია გითხრათ, რომ მყისიერად მივმართავ შესაბამის ორგანოებს რეაგირებისთვის. ქალბატონი წულუკიანი არის სისტემატური მატყუარა, ის არის ასევე სისტემატური მოძალადე თავად. ძალადობაა, როცა დამოუკიდებელ სპორტულ ორგანიზაციას ეუბნები - ან გადააყენე შენი თავმჯდომარე ან შეგიწყვეტ დაფინანსებას. საზოგადოებას მინდა შევახსენო, რომ ეს დაფინანსება არ არის წულუკიანის პირადი სახსრები, ეს არის გადასახადების გადამხდელთა ჯიბიდან ამოღებული ფული, რომელიც გადაწყვიტა, რომ უნდა გამოიყენოს ტერორისთვის და თავდასხმისთვის. ამიტომ ჩემთვის გასაკვირი არ არის, რომ ის არის ზონდერ მინისტრი, რადგან სწორედ ასე იქცევიან ზონდერ ჯგუფები, როგორც იქცევა ქალბატონი წულუკიანი," - განაცხადა სამადაშვილმა.ცნობისათვის, კულტურის და სპორტის მინისტრმა თეა წულუკიანმა განაცხადა, რომ კრივის ფედერაციის პრეზიდენტმა დავით წიკლაურმა მასზე ხელით დასარტყმელად გაიწია. თავის მხრივ, კრივის ფედერაციის ხელმძღვანელმა ბრალდებები უარყო და აღნიშნა, რომ "მექანიზმები ამოქმედდა მის მოსაშორებლად და ცილისწამებით დაგვირგვინდა".

პოლიტიკა 1664438561