პრეზიდენტმა მომღერალი ნათია თოდუა ღირსების მედლით დააჯილდოვა
პრეზიდენტმა მომღერალი ნათია თოდუა ღირსების მედლით დააჯილდოვა

საქართველოს პრეზიდენტმა დღეს მომღერალი ნათია თოდუა თანამედროვე ქართული მუსიკალური ხელოვნების განვითარებასა და საზღვარგარეთ მის პოპულარიზაციაში შეტანილი პირადი წვლილისთვის, ნაყოფიერი შემოქმედებითი მოღვაწეობისათვის ღირსების მედლით დააჯილდოვა.დაჯილდოების ცერემონია ორბელიანების სასახლეში გაიმართა და მას სახელოვნებო სფეროს წარმომადგენლები ესწრებოდნენ.სახელმწიფო ჯილდო ნათია თოდუას პრეზიდენტმა პირადად გადასცა და შემოქმედებით საქმიანობაში წარმატებები უსურვა.ნათია თოდუამ მადლობა გადაუხადა პრეზიდენტს ამ უდიდესი ჯილდოსათვის და განაცხადა, რომ ძალისხმევას არ დაიშურებს მსოფლიო ასპარეზზე ქართული კულტურის პოპულარიზაციისათვის. "პირობას ვდებ, რომ ყველაფერს გავაკეთებ, რათა ჩვენ ყველა ერთად დავბრუნდებით აფხაზეთში!"- განაცხადა მომღერალმა.

1664436876

28/09/2022
"ბელარუსის მარგინალიზებული "ლიდერის," ლუკაშენკოს სამარცხვინო ნაბიჯი - იმოქმედოს, როგორც რუსეთის კიდევ უფრო მარგინალიზებული ჩაძირული მეთაურის, პუტინის მარიონეტმა" - გიორგი კვირიკაშვილი

"ბელარუსის მარგინალიზებული “ლიდერის”, ლუკაშენკოს სამარცხვინო ნაბიჯი - იმოქმედოს, როგორც რუსეთის კიდევ უფრო მარგინალიზებული ჩაძირული მეთაურის, პუტინის მარიონეტმა," - ასე აფასებს საქართველოს ყოფილი პრემიერ-მინისტრი გიორგი კვირიკაშვილი ბელორუსიის პრეზიდენტის, ალექსანდრე ლუკაშენკოს ოკუპირებულ აფხაზეთში ვიზიტს."ბელარუსის მარგინალიზებული “ლიდერის”, ლუკაშენკოს სამარცხვინო ნაბიჯი - იმოქმედოს როგორც რუსეთის სახელმწიფოს კიდევ უფრო მარგინალიზებული ჩაძირული მეთაურის, პუტინის მარიონეტმა. ვერავინ შეცვლის ქართველებისა და აფხაზების ბედს მშვიდობიანად იცხოვრონ ერთიან საქართველოში - იმედია უფრო ადრე, ვიდრე გვიან," - წერს გიორგი კვირიკაშვილი.ცნობისთვის, ბელარუსის პრეზიდენტი ალექსანდრ ლუკაშენკო დღეს ოკუპირებულ აფხაზეთში ჩავიდა, სადაც ოკუპირებული აფხაზეთის დე ფაქტო პრეზიდენტ ასლან ბჟანიას შეხვდა.მოგვიანებით კი, საქართველოს საგარეო უწყებამ ალექსანდრ ლუკაშენკოს ოკუპირებულ აფხაზეთში ჩასვლის გამო, ბელარუსის მხარეს დამატებითი განმარტებები მოსთხოვა, შემდეგ კი განცხადება გაავრცელა, სადაც ნათქვამია, რომ ოკუპირებულ აფხაზეთში ლუკაშენკოს "ვიზიტი" უხეშად არღვევს საერთაშორისო სამართლის ფუნდამენტურ პრინციპებსა და ნორმებს.

1664390220

28/09/2022
თბილისში, ბელორუსის საელჩოსთან საპროტესტო აქცია მიმდინარეობს

"აფხაზეთი საქართველოა" - ამ ლოზუნგით პარტია "გირჩი მეტი თავისუფლება" თბილისში, ბელორუსიის საელჩოსთან საპროტესტო აქციას მართავს.საელჩოსთან შეკრებილები ოკუპირებულ აფხაზეთში ალექსანდრე ლუკაშენკოს ჩასვლას აპროტესტებენ. ამასთან, ბელორუსიის საელჩოსთან შეკრებილმა აქტივისტებმა პროტესტის ნიშნად რუსეთის პრეზიდენტის ვლადიმერ პუტინისა და ალექსანდრე ლუკაშენკოს ფოტოები დაწვეს."ლუკაშენკო- პუტინის ძაღლი ჩავიდა სოხუმში და ამით მან აღიარა აფხაზეთის დამოუკიდებლობა და აღიარა, რომ აფხაზეთი არ არის საქართველო. ამაზე ჩვენი ქვეყნის პასუხი არის ის, რომ უბრალოდ ელჩი დაიბარეს, დატუქსეს, შეშფოთდნენ და აღშფოთდნენ. რაც უნდა გავაკეთოთ არის ის, რომ დიპლომატიური ურთიერთობა შევწყვიტოთ ბელორუსთან იმიტომ, რომ ის არ არის ჩვენი მეგობარი ქვეყანა. აფხაზეთში ჩასულ ადამიანს თუ ჩვენ ჩვენს ქვეყანაში არ ვუშვებთ, აფხაზეთში ჩასული პრეზიდენტის ქვეყნის ელჩიც არ გვჭირდება თბილისში. ეს უნდა მოხდეს დაუყოვნებლივ და თუ ამას არ გააკეთებენ, უბრალოდ კიდევ ერთხელ დაამტკიცებენ იმას, რომ ჩვენი ქვეყნის იმიჯი ფეხებზე კიდიათ, ფეხებზე კიდიათ აფხაზეთის დაბრუნება და ამ ქვეყნის გამთლიანება," - განაცხადა "გირჩი - მეტი თავისუფლების" წევრმა, ბორის ყურუამ.ცნობისთვის, ბელარუსის პრეზიდენტი ალექსანდრ ლუკაშენკო დღეს ოკუპირებულ აფხაზეთში ჩავიდა, სადაც ოკუპირებული აფხაზეთის დე ფაქტო პრეზიდენტ ასლან ბჟანიას შეხვდა.მოგვიანებით კი, საქართველოს საგარეო უწყებამ ალექსანდრ ლუკაშენკოს ოკუპირებულ აფხაზეთში ჩასვლის გამო, ბელარუსის მხარეს დამატებითი განმარტებები მოსთხოვა, შემდეგ კი განცხადება გაავრცელა, სადაც ნათქვამია, რომ ოკუპირებულ აფხაზეთში ლუკაშენკოს "ვიზიტი" უხეშად არღვევს საერთაშორისო სამართლის ფუნდამენტურ პრინციპებსა და ნორმებს.

1664385262

28/09/2022
"აფხაზეთსა და ბელორუსს შორის ურთიერთობა ახალ იმპულსს იძენს" - ასლან ბჟანია

"აფხაზეთსა და ბელორუსს შორის ურთიერთობა ახალ იმპულსს იძენს," - ასე ეხმიანება ოკუპირებული აფხაზეთის ე.წ. პრეზიდენტი ასლან ბჟანია აფხაზეთში ბელარუსის ლიდერის ალექსანდრე ლუკაშენკოს ჩასვლას.მისივე თქმით, დღევანდელ შეხვედრაზე ძირითადად, ეკონომიკური საკითხები განიხილეს და გამოთქვა რწმენა, რომ „სახელმწიფოთაშორისი“ ურთიერთობები დინამიკურად განვითარდება."ბელარუსის რესპუბლიკის მეთაურის აფხაზეთში ჩასვლის ფაქტი ბევრ რამეზე მეტყველებს: ჩვენი ურთიერთობები ახლანდელ ეტაპზე ახალ ხასიათს იძენს, ჩვენს ურთიერთობებს ახალი ბიძგი მიეცა. იმედი მაქვს, რომ ნაბიჯ-ნაბიჯ მივალთ აღიარებამდე. არ მინდა ამ საკითხზე წინასწარ საუბარი, მაგრამ ამ დიდ სახლში პირველი აგური უკვე დადებულია, ფაქტია. კმაყოფილი ვარ შეხვედრით," - განაცხადა ასლან ბჟანია.ცნობისთვის, ბელარუსის პრეზიდენტი ალექსანდრ ლუკაშენკო დღეს ოკუპირებულ აფხაზეთში ჩავიდა, სადაც ოკუპირებული აფხაზეთის დე ფაქტო პრეზიდენტ ასლან ბჟანიას შეხვდა.მოგვიანებით კი, საქართველოს საგარეო უწყებამ ალექსანდრ ლუკაშენკოს ოკუპირებულ აფხაზეთში ჩასვლის გამო, ბელარუსის მხარეს დამატებითი განმარტებები მოსთხოვა, შემდეგ კი განცხადება გაავრცელა, სადაც ნათქვამია, რომ ოკუპირებულ აფხაზეთში ლუკაშენკოს "ვიზიტი" უხეშად არღვევს საერთაშორისო სამართლის ფუნდამენტურ პრინციპებსა და ნორმებს.

1664384721

ინალ არძინბა
[ვიდეო] "არავის არსად დაბრუნებას არ ვაპირებთ და ამის განხილვასაც არ ვგეგმავთ! - მსგავს აქციებს პროვოკაციად აღვიქვამთ" - ინალ არძინბა აფხაზეთიდან დევნილებზე

"ჩვენ არავის არსად დაბრუნებას არ ვაპირებთ და ამის განხილვასაც არ ვგეგმავთ. მსგავს აქციებს პროვოკაციად აღვიქვამთ", - აღნიშნული განცხადება ოკუპირებული აფხაზეთის ე.წ. საგარეო საქმეთა მინისტრმა, ინალ არძინბამ რუსეთის ტელეკომპანია Россия 24-თან ინტერვიუს დროს ენგურის ხიდთან გამართულ აქციაზე საუბრისას გააკეთა.როგორც არძინბამ ინტერვიუში აღნიშნა, ქართველი სამოქალაქო აქტივისტების ჯგუფს აშშ-ს საელჩო და USAID-ი კურირებენ. ამასთან, მან თბილისს ძალის გამოუყენებლობის შესახებ შეთანხმების ხელმოწერისკენ მოუწოდა.ჩვენს საზღვართან ასეთი აქციები მშვიდობის განმტკიცებასა და ჩვენს რეგიონში უსაფრთხოების უზრუნველჰყოფას არ ემსახურება. ჩვენ მიგვაჩნია, რომ ამას საქართველომ უნდა მოაწეროს ხელი, მხოლოდ ამის შემდეგ შეიძლება რაიმე სახის დიალოგზე ვისაუბროთ. ჯერჯერობით ვითარება გაყინულ მდგომარეობაშია," - განაცხადა ინალ არძინბამ.შეგახსენებთ, რომ დღეს, სამეგრელო-აფხაზეთის ადმინისტრაციულ საზღვართან, ენგურის ხიდთან აქცია 24 სექტემბერს გაიმართა. მონაწილეებმა საქართველოს, ევროკავშირის და უკრაინის დროშები, ასევე ბანერი მიიტანეს, რომელსაც "აფხაზეთი საქართველოა" ეწერა და რუსული ოკუპაცია კიდევ ერთხელ გააპროტესტეს. 

1664383080

ბორჯომის
ბორჯომში, სოფელ ზორეთის მიმდებარედ ხანძარია

ბორჯომში, სოფელ ზორეთის მიმდებარედ ხანძარია. ინფორმაციას ადგილობრივი მედია, borjomi.tv ავრცელებსცეცხლი ტყის მასივსა და ბალახზეა გავრცელებული. ტერიტორიაზე ცეცხლის რამდენიმე კერა ფიქსირდება.ადგილზე მობილიზებულია სახანძრო-სამაშველო სამსახური. ცეცხლის ჩაქრობას სახანძროს ორი ეკიპაჟი ცდილობს.

1664370360

აცრა
სურსათის ეროვნული სააგენტო ცოფის საწინააღმდეგოდ უფასო ვაქცინაციას ატარებს

ცოფთან ბრძოლის მსოფლიო დღესთან დაკავშირებით, სურსათის ეროვნული სააგენტო შინაური და მიკედლებული ცხოველების (ძაღლი, კატა) უფასო ვაქცინაციას ატარებს. ინფორმაციას ამის შესახებ სურსათის ეროვნული სააგენტო ავრცელებს.მათივე ცნობით, აცრის ღონისძიებები 28-30 სექტემბერს მთელი ქვეყნის მასშტაბით იმართება.„სააგენტოს ორგანიზებით, 28 სექტემბერს, თბილისში, მრგვალ ბაღში სპეციალური სივრცე მოეწყო, სადაც ცხოველის აცრა, ცოფის საწინააღმდეგოდ და დაავადების პრევენციასთან დაკავშირებული ინფორმაციის მიღება ნებისმიერ მსურველს შეეძლო. 1-ელ ოქტომბერს უფასო ვაქცინაცია თბილისის კიდევ ორ უბანში - ვარკეთილსა და დიდ დიღომში ჩატარდება.აღსანიშნავია, რომ სურსათის ეროვნული სააგენტოს მიერ ცოფის საწინააღმდეგოდ წელს უკვე ვაქცინირებულია 250 ათასამდე ძაღლი და კატა. ასევე, ცხოველებს პროფილაქტიკური ვაქცინაცია დაავადების დაფიქსირების კერებშიც უტარდებათ.გაზრდილი ვაქცინაციისა და ცნობიერების ამაღლების შედეგად, ცხოველებში ცოფის გამოვლენის შემთხვევები ყოველწლიურად მცირდება. წელს, ცხოველებში მხოლოდ 19 შემთხვევა აღინიშნა და არცერთი ადამიანში.ცოფთან ბრძოლის მსოფლიო დღე 2007 წლიდან, ყოველწლიურად, 28 სექტემბერს აღინიშნება და მას კოორდინაციას ცოფის კონტროლის გლობალური ალიანსი (GARC) უწევს. ცოფის დღის აღნიშვნის მიზანია ცნობიერების ამაღლება და ადამიანებში დაავადების სრულად აღმოფხვრა, რაც ერთიანი ძალებითა და კოორდინირებული მიდგომით არის შესაძლებელი. ცოფთან ბრძოლის მსოფლიო დღის 2022 წლის გზავნილია - „ცოფისგან დაცული ცხოველი და ადამიანი - ნული საფრთხე სიცოცხლისთვის“.2015 წელს, ჯანდაცვის მსოფლიო ორგანიზაციის (WHO), ცხოველთა ჯანდაცვის მსოფლიო ორგანიზაციის (WOAH), გაეროს სურსათისა და სოფლის მეურნეობის ორგანიზაციისა (FAO) და ცოფის კონტროლის გლობალური ალიანსის (GARC) ერთობლივი ინიციატივით შემუშავდა სტრატეგია, რომლის მიზანიცაა „ნული ცოფი 2030 წლისთვის“, რაც ძაღლისგან ადამიანის ცოფით დაინფიცირების შემთხვევების სრულად აღმოიფხვრას გულისხმობს,“ - აღნიშნულია ინფორმაციაში.აცრის ღონისძიებების ლოკაციების შესახებ ინფორმაცია იხილეთ ბმულზე: https://www.facebook.com/events/783398272778728/?ref=newsfeed

1664368835

ლარსი აქცია
ლარსთან აქცია მიმდინარეობს – პოლიციამ შეკრებილები გამშვებ პუნქტთან ახლოს არ მიუშვა

პარტია "დროას" ორგანიზებით ლარსის გამშვებ–პუნქტთან აქცია მიმდინარეობს.პროტესტს სამოქალაქო აქტივისტები, საქართველოში უკრაინის საელჩოს წარმომადგენლები და მოქალაქეები უერთდებიან.სამართალდამცავებმა შეკრებილებს ლარსის გამშვებ პუნქტთან აქციის ჩატარების უფლება არ მისცა. სამართალდამცავებმა შეკრებილებს აქციის ჩატარების უფლება საზღვრიდან დაახლოებით 5 კმ-ის დაშორებით მისცეს."მოგეხსენებათ როგორი მოძრაობაა, როგორც რუსეთიდან თბილისის მიმართულებით, ასევე, თბილისიდან რუსეთის მიმართულებით გადატვირთულია მოძრაობა და აქციის მონაწილეებს ავუხსენით, რომ არ მოხდეს მოძრაობის კოლაფსი, მოვუწოდეთ, რომ გზის გვერდულზე გაჩერებულიყვნენ", - თქვა პოლიციის წარმომადგენელმა. ადგილზე შეკრებილებმა მიიტანეს ბანერები და საქართველოსა და უკრაინის დროშები.

1664364474

გიორგი ტყემალაძე
"თბილისელებს საგრძნობლად შეუმსუბუქდებათ დედაქალაქში გადაადგილება" - გიორგი ტყემალაძე

მოსახლეობის მხარდაჭერით სატრანსპორტო რეფორმა წარმატებით დასრულდება და თბილისელებს საგრძნობლად შეუმსუბუქდებათ დედაქალაქში გადაადგილება, - ამის შესახებ თბილისის მუნიციპალიტეტის საკრებულოს თავმჯდომარემ გიორგი ტყემალაძემ სატრანსპორტო რეფორმასთან დაკავშირებით განაცხადა.მისი თქმით, სატრანსპორტო რეფორმის ფარგლებში თბილისს უკვე ჰყავს ყველაზე ახალი, მოწესრიგებული ავტობუსები და მიკროავტობუსები, რომლებიც ყველანაირად გამართულია კონდიცირება-გაგრილება-გათბობის სისტემებით, აღჭურვილია შესაბამისი უსაფრთხოების კამერებით, ადაპტირებულია შშმ პირთათვის.„მსურს გამოვეხმაურო იმ მნიშვნელოვან საკითხს, რასაც თბილისის სატრანსპორტო რეფორმა ითვალისწინებს. როგორც ყველა რეფორმა, სატრანსპორტო პოლიტიკის განხორციელების პროცესიც, არ არის მარტივი, მით უფრო მაშინ, როცა ეს ჩვენს ყოველდღიურ ცხოვრებაზე და მოქალაქეთა გადაადგილებაზე აისახება. თუმცა გარწმუნებთ, ჩვენ ყველა ერთად მოვიმკით სასიკეთო შედეგს, რასაც აღნიშნული რეფორმა მოიტანს. უკვე გვაქვს პირველი წარმატებაც, თუნდაც ახალი საზოგადოებრივი ტრანსპორტის სახით. ყველას ახსოვს ალბათ, როგორი მოუწესრიგებელი იყო ე.წ. ყვითელი ავტობუსები, რომელიც უდიდეს პრობლემას წარმოადგენდა, როგორც გადაადგილების, ასევე ეკოლოგიის თვალსაზრისით. მოსახლეობის მხარდაჭერით სატრანსპორტო რეფორმა წარმატებით დასრულდება და თბილისელებს საგრძნობლად შეუმსუბუქდებათ დედაქალაქში გადაადგილება“, - განაცხადა გიორგი ტყემალაძემ.ინფორმაციას თბილისის საკრებულოს პრესსამსახური ავრცელებს.

1664363709

ახმეტელი
მეტროსადგურ "ახმეტელის თეატრის" თავდაპირველ პროექტში არსებულ კიდევ ერთ შესასვლელს მერია კერძო მესაკუთრისგან იბრუნებს

"მეტროსადგურ "ახმეტელის თეატრის" თავდაპირველ პროექტში იყო კიდევ ერთი შესასვლელი, რომელიც დღეს კერძო ტერიტორიაა და მუნიციპალიტეტი მის დაბრუნებას გეგმავს," - ამის შესახებ თბილისის მერმა კახა კალაძემ დედაქალაქის მთავრობის სხდომაზე განაცხადა.კახა კალაძემ საზოგადოებრივი ტრანსპორტით გადაადგილების მიმართულებით არსებულ გამოწვევებზე ისაუბრა."მეტროშიც გვაქვს გარკვეული პრობლემები, მით უფრო, პიკის საათში. ეს არის განსაკუთრებით მეტროსადგურ "ახმეტელის თეატრის" ჩასასვლელთან, როდესაც მოქალაქეების დიდი რაოდენობა მიდის და არსებული შესასვლელი მათ ვერ ატარებს. მეტროს, გადაყვანის - ბაქნიდან მგზავრების აყვანის თვალსაზრისით, არავითარი პრობლემა არ აქვს. შესასვლელთან გვაქვს ეს დისკომფორტი და ამასაც მივხედავთ, მოვაწესრიგებთ. კომუნისტების დროს იყო დაპროექტებული მეორე ჩასასვლელ-ამოსასვლელი. ამაზეც აქტიურად ვმუშაობთ აზიის განვითარების ბანკთან და გვინდა ამ პროექტის განხორციელება. მიმდებარე ტერიტორია, სადაც ეს მეორე ჩასასვლელ-ამოსასვლელია, გასხვისებულია, კერძო საკუთრებაა, მაგრამ იქიდან გამომდინარე, რომ ეს სტრატეგიული მნიშვნელობისაა, მუნიციპალიტეტი ამ ტერიტორიას დაიბრუნებს," - განაცხადა კახა კალაძემ.მისივე თქმით, პრობლემა ასევე იქმნება მეტროსადგურ „სადგურის მოედანზე“, სადაც მეტროს ორი ხაზი ერთმანეთს უკავშირდება.„იმ 70-მეტრიან გვირაბში ადამიანების გადაადგილება წარმოადგენს უდიდეს პრობლემას, ფიზიკურად გავლა შეუძლებელია. ეს განსაკუთრებით ხდება პიკის საათებში, რომელსაც ყველანი ვხედავთ, სრულყოფილი ინფორმაცია გვაქვს, დეტალურად ვიცით არსებული პრობლემის შესახებ. მინდა, დავავალო ვიცე-მერს, ასევე, ტრანსპორტისა და ურბანული განვითარების სააგენტოს უფროსს ვიქტორ წილოსანს, რომ დაიწყოთ კონკრეტული ნაბიჯების გადადგმა ამ ყველაფრის მოსაწესრიგებლად. პირველად შეიძლება სატესტო რეჟიმში გამოვიყენოთ განვითარებული ქვეყნების მაგალითები, თუ როგორ ხდება ნაკადების მართვა. მინდა, მოგიწოდოთ უფრო მეტი ჩართულობისკენ, ჩართეთ ექსპერტები, დარგის სპეციალისტები და ვნახოთ, რა შესაძლებლობებია ნაკადების მართვის თვალსაზრისით. პარალელურად, ჩართეთ საერთაშორისო ექსპერტებიც და დავიწყოთ მუშაობა არსებული გვირაბის მოწესრიგებაზე, იმისთვის, რომ რომ გადაადგილება პრობლემას არ წარმოადგენდეს“, - განაცხადა კახა კალაძემ.ამასთან, მერის თქმით, მეტროპოლიტენში, რომელიც სატრანსპორტო სისტემის ერთ-ერთი უმნიშვნელოვანესი ნაწილია, მუდმივად იდგმება კონკრეტული ნაბიჯები როგორც მგზავრთა უფრო დიდი ნაკადების მომსახურების, ისე უსაფრთხოების მიზნით.მისივე განმარტებით, ამ მიმართულებით მუშაობის დაწყებამდე და შემადგენლობების დამატებამდე, მეტროში მოცდის დრო 7-8 წუთიდან 3 წუთამდე შემცირდა.გარდა ამისა, მერმა აღნიშნა, რომ მეტროში სრულად შეიცვალა ძალოვანი კაბელები სასიგნალიზაციო სისტემებისა და დისპეჩერიზაციის მოწყობის ჩათვლით. ასევე, შეიცვალა სავენტილაციო აგრეგატებიც.

1664355539

საცობი
"თბილისში ყოველდღიურად 590 ათასი კერძო ავტომობილი გადაადგილდება" - დედაქალაქის მერი 

"გასულ წელს პიკურ პერიოდში (დეკემბრის დღეებში) ქალაქში მოძრაობდა 460 ათასი ავტომობილი, დღეს, ყოველდღიურად დედაქალაქში მოძრაობს 590 ათასი კერძო ავტომობილი," - ამის შესახებ დედაქალაქის მერმა, კახა კალაძემ თბილისის მთავრობის სხდომაზე განაცხადა."ეს რა თქმა უნდა პრობლემაა და ამ ყველაფერს სჭირდება მოწესრიგება, მოწესრიგება იმით, რომ საზოგადოებრივი ტრანსპორტი უნდა გავხადოთ კიდევ უფრო ხელმისაწვდომი," - განაცხადა კახა კალაძემ.

1664352742

თბილისობა
თბილისის მერიამ დედაქალაქის მთავარი დღესასწაულის პროგრამა გამოაქვეყნა

"თბილისობა 2022" 1-ელ და 2 ოქტომბერს მრავალფეროვანი პროგრამით აღინიშნება.რიყის პარკი1-ლი და 2 ოქტომბერი11:00 – 22:00 საათიინსტალაციები: სცენის დეკორაცია, კინოჩვენება, აფიშების გამოფენა, ლოგო „თბილისობა 2022“, ფერადი ინსტალაცია და გიგანტური თამაშები;გამოფენები;კაფე ქიმერიონი;საბავშვო კონცერტები, აქტივობები და ატრაქციონები;სამეწარმეო ბაზრობა;გასტრონომიული ზონა;ტკბილეულის ფესტივალი;სპორტული აქტივობები;ძველი ქართული ფილმების კინოჩვენება (ვერის უბნის მელოდიები (1973), თოჯინები იცინიან (1963), გრძელი ნათელი დღეები (2013), ბროწეულის ფერი (1968), ფიროსმანი (1969), აღნიშნული ფილმები ორი დღის განმავლობაში იტრიალებს ეკრანზე).2 ოქტომბერი19:00 საათი – "გუფი ლენდის" კონცერტილეღვთახევი1-ელი და 2 ოქტომბერი11:00 – 20:00 საათითბილისის მეხოტბეების მიმართ მიძღვნილი თემატური ინსტალაციები;მსახიობების მიერ შესრულებული სხვადასხვა პერფორმანსები და ძველი თბილისის რეკონსტრუქცია;დეკორაციებით გაფორმებული ხეობა და წყალში მოტივტივე ყვავილების თაიგულები;წყლის წისქვილი, სანათები და მრავალფეროვანი ინსტალაციები.• ორბელიანის მოედანი1-ელი და 2 ოქტომბერი11:00 – 22:00 საათიინსტალაციები;თბილისთან დაძმობილებული და პარტნიორი ქალაქების პავილიონები;სტენდი "თბილისის განვითარების ისტორია";თბილისური უბანი ათონელზე - (ორი დღის განმავლობაში, ტერიტორია მოეწყობა ძველი თბილისის სტილში, საუკეთესო ტრადიციების გაცოცხლების გზით. პროექტის დეკორირებისას გამოყენებული იქნება თბილისისთვის ტრადიციული თემატიკა, სადარბაზოს, აივნების და სხვა არქიტექტურული და მხატვრული კომპოზიციის გამოყენებით. ორბელიანების სასახლის წინ ტერიტორიაზე წარმოდგენილი ე.წ. თბილისური უბანი. პავილიონის წინ ორი დღის განმავლობაში გაიმართება თეატრალიზებულ კოსტიუმირებული პერფორმანსი;საბავშვო-გასართობი დღის კონცერტები;საჯარო დისკუსიები და საუბრები თბილისურ ეზოებში;სამეწარმეო და კვების ზონები.19:00 – 22:00 საათიმუსიკალური საღამოები - ქართველი შემსრულებლების, ბენდების და ორკესტრის მონაწილეობით.• გუდიაშვილის მოედანი11:00 – 22:00 საათიინსტალაციები (მთაწმინდის მთვარე, დიდი გაზეთი, „ვერის უბნის მელოდიები“, ინსტალაცია საპატიო თბილისელები);დღის განმავლობაში დაგეგმილი აქტივობები:ღია კინოთეატრი;"თბილისური კაფე";19:00 – 22:00 საათისხვადასხვა ჟანრის მუსიკალური საღამოები.• გალაკონცერტიპირველი ოქტომბერი, 19:30 საათი, ევროპის მოედანიმუსიკალური წარმოდგენის პრემიერა "უჩინმაჩინის ქუდი" - გიორგი ერისთავის ცნობილი პიესის მიხედვით.ძველი ვოდევილის პერსონაჟები ახალი სიუჟეტური ხაზით გაერთიანდნენ, სადაც "უჩინმაჩინის ქუდი" ერთგვარი "დროის მანქანაა", რომელიც მუსიკის, ქორეოგრაფიის და ვიზუალური ხელოვნების შერწყმით, თბილისის ისტორიაში გვამოგზაურებს მე-19 საუკუნიდან დღემდე.ღონისძიებებზე დასწრება თავისუფალია.• სახელმწიფო ცერემონიების სასახლე20:00 საათითბილისის საპატიო მოქალაქეების დაჯილდოება და მიღებაინსტალაციები: დეკორატიული ლოგო თბილისობა, სცენის დეკორაცია."თბილისის საპატიო მოქალაქეების დაჯილდოების ცერემონია 2 ოქტომბერს, სახელმწიფო ცერემონიების სასახლეში თბილისის საპატიო მოქალაქეების დაჯილდოების ცერემონია გაიმართება, რომელსაც თეატრალიზებული წარმოდგენის სახე ექნება, სხვადასხვა მელოდიისა და მუსიკის თანხლებით, ფერადი გრაფიკით შექმნილია ვიდეოარტი და წარმოჩენილია თბილისელების, მნიშვნელოვანი და საამაყო ადამიანების პორტრეტები, ბევრი უმნიშვნელოვანესი სახელი და სახე ქართული მეცნიერებისა და კულტურის, რაც დამსახურებულად გამოყოფს ამ საპატიო წოდების დიდ მნიშვნელობას, ადამიანების, რომლებმაც წარუშლელი კვალი დატოვეს თბილისის ისტორიაზე, განავითარეს და თავიანთი შემოქმედებით შექმნეს თბილისელი თაობების ეპოქა," - აღნიშნულია თბილისის მერიის ვებგვერდზე.

1664352397