ნონა გაფრინდაშვილი
ლეგენდარულმა მოჭადრაკემ ნონა გაფრინდაშვილმა ქალ მოჭადრაკეთა შორის მერვედ მოიპოვა მსოფლიო ჩემპიონის ტიტული

ლეგენდარულმა მოჭადრაკემ ნონა გაფრინდაშვილმა ქალ მოჭადრაკეთა შორის მერვედ მოიპოვა მსოფლიო ჩემპიონის ტიტული.იტალიის ქალაქ ასიზიში დასრულდა მსოფლიო ჩემპიონატი ჭადრაკში სენიორთა შორის.ხუთგზის მსოფლიო ჩემპიონი და ოლიმპიადებზე 11-გზის გამარჯვებული ნონა გაფრინდაშვილი ამჯერად მსოფლიო ჩემპიონატის ოქროს მედლის მფლობელი ქალთა შორის +50 ასაკის კატეგორიაში გახდა, 11 შესაძლებლობიდან 7,0 ქულით.

1669530416

იაპონელები
ლურჯმა სამურაებმა, გერმანიის ნაკრებთან ისტორიული გამარჯვების შემდეგ, სტადიონის გასახდელი ოთახი დაალაგეს

ლურჯმა სამურაებმა, გერმანიის ნაკრებთან ისტორიული გამარჯვების შემდეგ, ხალიფას საერთაშორისო სტადიონის გასახდელი ოთახი დაალაგეს.გასახდელის ფოტო FIFA-ს ოფიციალურმა გვერდმა გამოაქვეყნა და სპორტსმენებს მადლობა გადაუხადა.მატჩის დასრულების შემდეგ, იაპონელმა გულშემატკივრებმა სტადიონიც დაალაგეს.შეგახსენებთ, არგენტინის ნაკრების მიერ საუდის არაბეთთან განცდილი მარცხით გამოწვეული შოკიდან საფეხბურთო სამყარო ჯერ კიდევ არ იყო გამოსული, როდესაც კატარის მუნდიალმა კიდევ ერთი სენსაცია აჩუქა ფეხბურთის მოყვარულებს. ეს სენსაცია E ჯგუფის პირველ შეხვედრაში დაფიქსირდა, როდესაც გერმანიამ იაპონიის წინააღმდეგ დათმო, ანგარიშით 1:2.

1669278412

აიღე
ვაჩნაძიანში ჩატარდა მიხეილ მარჩილაშვილის მემორიალური ტურნირი მინიფეხბურთში

გურჯაანის მუნიციპალიტეტის მერიის ორგანიზებით და ვეტერანების საქმეთა სახელმწიფო სამსახურის მხარდაჭერით, სოფელ ვაჩნაძიანში ჩატარდა აფხაზეთის ომში დაღუპული მებრძოლის, მიხეილ მარჩილაშვილის სახელობის ტურნირი მინიფეხბურთში, რომელშიც მუნიციპალიტეტის 7 სოფლის გუნდი მონაწილეობდა.მემორიალური ტურნირის გამარჯვებული სოფელ ვაჩნაძიანის ნაკრები გუნდი გახდა, რომელიც გურჯაანის მუნიციპალიტეტის მერიის მიერ დაწესებული გარდამავალი თასით დაჯილდოვდა; ჩემპიონატის საპრიზო ადგილებზე გასულ გუნდებს კი ვეტერანების საქმეთა სახელმწიფო სამსახურის სპეციალური თასები, მედლები და სიგელები სამსახურის რეგიონული მართვის დეპარტამენტის კახეთის სამმართველოს უფროსმა, თამაზ კალატოზიშვილმა გადასცა.მიხეილ მარჩილაშვილი 1972 წლის 26 დეკემბერს, სოფელ ვაჩნაძიანში დაიბადა. აფხაზეთში საომარი მოქმედებების დაწყებიდან, "შავნაბადას" ბატალიონში ირიცხებოდა; დაიღუპა 1993 წლის 2 ივლისს, ტამიშში, რუსულ საზღვაო დესანტთან შეტაკების დროს. დაკრძალულია მშობლიურ სოფელში.მიხეილ მარჩილაშვილი (სიკვდილის შემდეგ) დაჯილდოებულია ვახტანგ გორგასლის III ხარისხის ორდენით. ქუჩა ვაჩნაძიანში, სადაც მიხეილ მარჩილაშვილი ცხოვრობდა, 2018 წლიდან მის სახელს ატარებს.მიხეილ მარჩილაშვილის მემორიალური ტურნირი მინიფეხბურთში წელს დაარსდა და ყოველწლიურად ჩატარდება. R

1669110934

ირანი
ირანის ნაკრების ფეხბურთელებმა ინგლისთან მატჩის წინ, თავიანთი ეროვნული ჰიმნი არ იმღერეს - ღირსეული ჟესტი კატარში

ირანის ნაკრების ფეხბურთელებმა ინგლისთან მატჩის წინ, თავიანთი ეროვნული ჰიმნი არ იმღერეს. ისინი პროტესტის ნიშნად ჩუმად იდგნენ.ირანელმა ფეხბურთელებმა მამაცობა გამოიჩინეს და რისკზე წავიდნენ. ფეხბურთელებმა ქვეყანაში მიმდინარე სასტიკი მოვლენები დაგმეს და ქალბატონებს სოლიდარობა გამოუცხადეს. ირანში სპორტულ სახეობებში ყველა სპორტსმენი გაფრთხილებულია, რომ მათ არ გარისკონ და ჰიმნის შესრულებისას მდუმარედ ყოფნა არ გაბედონ, წინააღმდეგ შემთხვევაში მათ ნაკრებებს ჩამოაშორებენ. როგორც ჩანს, ირანელმა ფეხბურთელებმა გარისკეს. შეგახსენებთ, რომ ყველაფერი მას შემდეგ დაიწყო, როცა ირანში 22 წლის მაჰსა ამინი ჰიჯაბის „არასწორი“ ტარების გამო დააკავეს, სადაც მოგვიანებით პოლიციის განყოფილებაში გადაყვანა და საავადმყოფოში მოხვედრა მოჰყვა, რაც მისი გარდაცვალებით დასრულდა...

1669040613

19'-/11/2022
საქართველოს მორაგბეთა ნაკრებმა უელსი დაამარცხა

საქართველოს მორაგბეთა ნაკრებმა ნოემბრის ტესტების მესამე მატჩი უელსის ნაკრების წინააღმდეგ ჩაატარა და ანგარიშით 13:12 მოიგო.ანგარიში საქართველოს ნაკრებმა მე-3 წუთზე გახსნა, ჯარიმა თედო აბჟანდაძემ გაიტანა, მაგრამ შემდეგ უელსმა უპირატესობა მოიპოვა, ორი ლელო გაიტანა და ტაიმი 12:3 მოიგო.მატჩის მეორე ნახევარიც მასპინძელთა უპირატესობით დაიწყო, მაგრამ "ბორჯღალოსნებმა" თამაში თანდათან გამოასწორეს.შეხვედრა კარდიფში გაიმართა.

1668869580

გაბრიელ გაბადაძე
ქართველი მოჭადრაკე გაბრიელ გაბადაძე ანტალიაში გამართული 10-წლამდელთა ევროპის ჩემპიონატის ვერცხლის პრიზიორია

ქართველი მოჭადრაკე გაბრიელ გაბადაძე თურქეთის ქალაქ ანტალიაში გამართული 10-წლამდელთა ევროპის ჩემპიონატის ვერცხლის პრიზიორია.გაბრიელმა 9 შესაძლებლიდან 7 ქულა მოიპოვა და მეორე ადგილი დაიკავა.ინფორმაციას საქართველოს კულტურის, სპორტისა და ახალგაზრდობის სამინისტრო ავრცელებს.

1668452280

ელენე ქებაძე
ქართველი სამბისტი ელენე ქებაძე მსოფლიო ჩემპიონი გახდა

ქართველი სამბისტი ელენე ქებაძე მსოფლიო ჩემპიონი გახდა.საქართველოს სამბისტთა ეროვნული გუნდის წევრი, +80 კგ წონით კატეგორიაში მოჭიდავე 28 წლის სპორტსმენი, ელენე ქებაძე ყირგიზეთში მიმდინარე მსოფლიო ჩემპიონატზე  ოქროს მედალს დაეუფლა.98კგ წონით კატეგორიაში ვერცხლის მედლის მფლობელი ნაკრების კიდევ ერთი წევრი დავით ლორიაშვილი გახდა. საქართველოს სამბისტთა ეროვნული გუნდის წევრი, ელენე ქებაძე, მსოფლიო ჩემპიონი პირველად 2018 წელს გახდა.ინფორმაციას საქართველოს სამბოს ეროვნული ფედერაცია ავრცელებს.  

1668346453

სანდრო ბაზაძე
სანდრო ბაზაძე მსოფლიო თასის გამარჯვებულია

სანდრო ბაზაძე მსოფლიო თასის გამარჯვებულია.12 ნოემბერს ალჟირში ხმლით ფარიკაობის ტურნირი ბაზაძემ  1/32-ფინალიდან დაიწყო, სადაც ეგვიპტელი მაზენ ელარაბი 15:10 დაამარცხა, შემდეგ მან იტალიელ მიკელე გალოსაც იგივე ანგარიშით სძლია. მერვედფინალურ დაპირისპირებაში ქართველი მოფარიკავე ფრანგ მოფარიკავეს დაუპირისპირდა და 15:9 მოუგო. მეოთხედინალიში კი, სამხრეთ კორეელი ბონგილ გუ 15:3 დაამარცხა.ნახევარფინალში სანდრო ეგვიპტელ ზიად​ ელსისს დაუპირისპირდა და დაძაბულ ბრძოლაში 15:13 დაამარცხა, ფინალში კი იტალიელი ლუიჯი სამელეს ასევე 15:13 სძლია.ეს სანდროსთვის უკვვე მეორე მსოფლიო თასია, ეს ტიტული მან მიმდინარე წლის იანვარში, თბილისში მოიპოვა. მანამდე ქართველი სპორტსმენი მსოფლიო თასზე ვერცხლისა და ბრინჯაოს მედლების პრიზიორი იყო. დღევანდელი  მდგომარეობით სანდრო ბაზაძეს რეიტინგში 175 ქულა აქვს და მე-2 პოზიციაზეა, პირველ ადგილს კი 178 ქულით, უნგრელი მოფარიკავე იკავებს. 

1668323640

ხვიჩა კვარაცხელია
"დიეგო მარადონას რაც შეეხება, მასთან შედარება არცერთი ფეხბურთელის არ შეიძლება, ის იყო ლეგენდა" - ხვიჩა კვარაცხელია

"დიეგო მარადონას რაც შეეხება, მასთან შედარება არცერთ ფეხბურთელის არ შეიძლება, ის იყო ლეგენდა - ეს განცხადება "ნაპოლის“ ქართვემა შემტევმა, ხვიჩა კვარაცხელიამ სერია A-ს YouTube-არხთან ინტერვიუში გააკეთა."ჩემი მხრიდან ამაზე ლაპარაკი ალბათ არასწორი იქნება, მაგრამ ბურთთან ერთად ყოფნა ძალიან მიყვარს. ხანდახან ცოტა ზედმეტი მომდის, მაგრამ ამაზე ვმუშაობ. ყველაფერი გამოსწორებადია, მთავარია, რომ გუნდს გამოვადგე. დიეგო მარადონას რაც შეეხება, მასთან შედარება ალბათ არცერთი ფეხბურთელის არ შეიძლება. ის იყო ლეგენდა და ალბათ ძალიან რთული იქნება, რომ ასეთი ფეხბურთელი მოევლინოს სამყაროს. მიხარია, რომ ასეთ ფეხბურთელს მადარებენ, ეს უფრო მეტ პასუხისმგებლობას მაძლევს.სპალეტი ძალიან მაგარი ადამიანი არის, სულ რაღაცას მიხსნის, მასწავლის. ვატყობ, რომ ძალიან მოვუმატე, ძალიან ბევრი რაღაც ვისწავლე ტაქტიკურად. უფრო მეტი მინდა ვისწავლო მისგან. სულ მეუბნება, რომ მეტი უნდა ვაკეთო და არაფრით არ უნდა დავკმაყოფილდე“, - ამბობს ხვიჩა კვარაცხელია. 

1668256137

კვარაცხელია სტუდენტები
ხვიჩა კვარაცხელია ნეაპოლში ქართველ სტუდენტებს შეხვდა

ხვიჩა კვარაცხელია ნეაპოლში ქართველ სტუდენტებს შეხვდა.კამპანიის მიზანი, რომლის დამფინანსებელი ძმები არველაძეების ფონდია, ნეაპოლში 12 საუკეთესო შედეგის მქონე აბიტურიენტის "ნაპოლის“ და ხვიჩა კვარაცხელიას თამაშზე დასწრება იყო, თუმცა ხვიჩა ტრავმის გამო ბოლო მატჩებს ვერ თამაშობს.კვარაცხელია - არველაძის  შეხვედრა, იტალიურ მედიის სამიზნე გახდა და სტატია სათაურით „კვარაცხელია, შეხვედრა ქართული ფეხბურთის ლეგენდა არველაძესთან“ გამოაქვეყნა.„ხვიჩა კვარაცხელია „უდინეზესთან“ მსოფლიო შესვენებამდე ბოლო მატჩში არ იქნება. ასე რომ, „ნაპოლი“ სერია A-ში კვლავ უდიდესი ტალანტის გარეშე ითამაშებს. თუმცა, ეს დღეს კვარაცხელიასთვის მაინც ძალიან სასიამოვნო და უჩვეულო იყო იმის გამო, რომ Transfermarkt-მა მისი ღირებულება გააორმაგა და 60 მილიონი გახადა. თუმცა, ეს არ არის დღის ერთადერთი კარგი სიახლე თბილისელი ბიჭისთვის: სასტუმრო „ბრიტანნიკში“ (სადაც ახლა იმყოფება სახლის ქურდობის შემდეგ) შეხვდა თავის მეგობარ საბა საპანაძეს, ქართველ სტუდენტებს და ქართული ფეხბურთის ლეგენდას, შოთა არველაძეს – „აიაქსის“ და „რეინჯერსის“ ყოფილ თავდამსხმელს, რომელიც საქართველოს ნაკრების ისტორიაში საუკეთესო ბომბარდირია“, – წერს „არეანაპოლი“

1668234586

ისლანდია
ქართველმა “ჯვაროსნებმა” ისლანდია 88:85 დაამარცხეს

მსოფლიო ჩემპიონატის შესარჩევი ეტაპის მეშვიდე მატჩი, რომელიც რეიკიავიკში გაიმართა, ქართველი კალათბურთელების გამარჯვებით დასრულდა.საქართველოს ნაკრებმა ისლანდია 88:85 დაამარცხა.საქართველოს ნაკრებს შესარჩევი ეტაპის დასრულებამდე სამი ტურით ადრე ისლანდიის მსგავსად 4 მოგება აქვს და ძალიან ახლოსაა მსოფლიო ჩემპიონატის ფინალურ ეტაპთან. საამისოდ საჭიროა ჩვენმა გუნდმა ჯგუფის საუკეთესო სამეულში ადგილი შეინარჩუნოს.უახლოეს მატჩს „ჯვაროსნები“ 14 ნოემბერს თბილისში იტალიასთან ითამაშებენ, ხოლო ბოლო ორი ტურის შეხვედრები თებერვალშია დაგეგმილი – შინ ისლანდიასთან და სტუმრად ნიდერლანდებში.

1668233789

კვარაცხელია
„ქართველი თავდამსხმელი ბოლო დღეებში წელის მწვავე ტკივილს ებრძვის” - როდის იქნება კვარაცხელია ფორმაში?

"კვარაცხელია მკურნალობის კურსს ასრულებს", - ხვიჩა კვარაცხელიას ჯანმრთელობის მდგომარეობის შესახებ Radio Punto Nuovo-სთან გუნდის ექიმმა ანჯელო კავალომ ისაუბრა.„თუ გავითვალისწინებთ „ენფილდზე“ მტკივნეულ დაცემას, კვარაცხელიას შემთხვევა არის ტრავმა, რომელიც არ არის გადატვირთვით გამოწვეული დაზიანება. ეს არის კუნთოვანი სპაზმი, რომელიც ძლიერ ტკივილს იწვევს და მოთამაშეს მოძრაობაში ხელს უშლის“ – ამბობს დოქტორი კავალო, რომელიც იტალიაში სპორტული ტრავმატოლოგიის სპეციალისტია.„ნაპოლის“ 77 ნომერი დაუღალავად განაგრძობს მუშაობას, რათა მოედანზე რაც შეიძლება მალე დაბრუნდეს და გუნდს დაეხმაროს. როდის დაბრუნდება კვარაცხელია, ჯერ უცნობია, მაგრამ ინდივიდუალურად მუშაობს. ის, სავარაუდოდ, უდინეზეს“ წინააღმდეგ მატჩამდე ფორმაში იქნება“. ეს იქნება ყატარში 2022 წლის მსოფლიო ჩემპიონატის დაწყებამდე „ნაპოლის“ ბოლო მატჩი სერია A-ში“. - წერს იტალიური პრესა.შეგახსენებთ, რომ სერია A-ს მე-14 ტურში, „ნაპოლიმ“ „სტადიო მარადონაზე“ „ემპოლის“ უმასპინძლა. ისევე როგორც ბერგამოს „ატალანტასთან“, ხვიჩა კვარაცხელიამ ეს მატჩიც ტრავმის გამო გამოტოვა.

1667936755