პუტინი ზელენსკი
“პუტინმა მითხრა, მე არ მოვკლავ ზელენსკის” - ნაფტალი ბენეტი პუტინთან საუბრის დეტალებს იხსენებს

“პუტინმა მითხრა, მე არ მოვკლავ  ზელენსკის” -  ისრაელის ყოფილი პრემიერ-მინისტრი ნაფტალი ბენეტი პუტინთან საუბრის დეტალებს იხსენებს. ინტერვიუს ნაფტალი ბენეტთან ებრაული მედია ავრცელებს.ბენეტი ირწმუნება, რომ 2022 წლის მარტში, როდესაც ვოლოდიმირ ზელენსკის თხოვნით ცდილობდა ომის შეწყვეტის შესახებ მოლაპარაკებების ორგანიზებას, ის რუსეთის პრეზიდენტს შეხვდა. შეხვედრაზე პუტინი მას დაჰპირდა, რომ ვოლოდიმირ ზელენსკის არ მოკლავდა.„ზელენსკის მოშორება. ეს ყველაზე ძვირფასია, ეს ლიდერის სიცოცხლეა. ვიცოდი, რომ ზელენსკის ემუქრებოდნენ თავშესაფარში და რომ მათ არ იცოდნენ მისი ადგილმდებარეობა. რაღაც მომენტში პუტინს ვუთხარი: „მისმინე, რა ხდება ამ ამბავთან დაკავშირებით? შენ აპირებ მის მოკვლას?“ მან მითხრა: „მე არ მოვკლავ ზელენსკის“, – განაცხადა ბენეტმა.ისრაელის ყოფილი პრემიერის თქმით, კრემლიდან გამოსვლის შემდეგ, აეროპორტის გზიდან მან დაურეკა ზელენსკის და პუტინის სიტყვები გადასცა. როგორც ბენეტი ამბობს, ამის შემდეგ ორ საათში უკრაინის პრეზიდენტი ავიდა თავის კაბინეტში და გადაიღო ვიდეო, სადაც თქვა: „მე არ მეშინია“.

1675597938

ალექსეი რეზნიკოვი
ალექსეი რეზნიკოვმა, შესაძლოა, მომავალ კვირას თანამდებობა დატოვოს

უკრაინის თავდაცვის მინისტრმა, ალექსეი რეზნიკოვმა, შესაძლოა, მომავალ კვირას თანამდებობა დატოვოს. ინფორმაციას უკრაინული მედია ავრცელებს.მის ადგილზე კი თავდაცვის უწყების მთავარი სადაზვერვო სამმართველოს მოქმედი ხელმძღვანელი კირილ ბუდანოვი მოიაზრება.როგორც მედიასაშუალება აღნიშნავს, რეზნიკოვი სავარაუდოდ იუსტიციის მინისტრის პოსტს დაიკავებს, ხოლო იუსტიციის მოქმედი მინისტრი დენის მალიუსკა, შესაძლოა, ერთ-ერთ ევროპულ ქვეყანაში ელჩად გაგზავნონ.ამასთან, მედია აღნიშნავს, რომ ბუდანოვს არ სურს თავდაცვის სამინისტროს ხელმძღვანელობა, რადგან ესმის, რომ ეს არის „დიდი ბიუროკრატიული მანქანა“.

1675592330

ამერიკა
“რუსეთის ომმა უკრაინის წინააღმდეგ ევროპის დამოკიდებულება შეერთებულ შტატებზე გაზარდა” - The New York Times

რუსეთის ფედერაციის უკრაინის ტერიტორიაზე სრულმასშტაბიანი შეჭრის შედეგად, ევროპის სახელმწიფოები კიდევ უფრო დამოკიდებულნი გახდნენ შეერთებული შტატების სამხედრო მხარდაჭერაზე.ამის შესახებ The New York Times იუწყება.გაზეთის ცნობით, ვაშინგტონმა გაზარდა გავლენა, გააერთიანა მოკავშირეები და მოაწყო დახმარება კიევისთვის, რაც ყველაზე დიდი რაოდენობით იარაღსა და დაზვერვას ეხება.შეერთებულმა შტატებმა ასევე ითამაშა წამყვანი როლი უკრაინაში ლეოპარდის ტანკების გადაცემის გადაწყვეტილებაში, თუმცა გერმანია თავდაპირველად ეძებდა გზებს ამაზე უარის თქმის შესახებ.საფრანგეთის პრეზიდენტის ემანუელ მაკრონის მიზანი „სტრატეგიული ავტონომიის“ შესახებ - გადაექცია ევროკავშირი სამხედრო ძალად, რომელსაც შეეძლო ემოქმედა შეერთებული შტატებისგან დამოუკიდებლად - ცარიელი ფრაზა აღმოჩნდა.ექსპერტების აზრით, რუსეთის ომმა უკრაინის წინააღმდეგ შეცვალა თამაშის წესები და ცენტრალური და აღმოსავლეთ ევროპის ქვეყნებმა მაშინვე გააცნობიერეს, რომ მათ სჭირდებოდათ შეერთებული შტატები უსაფრთხოების გარანტიისთვის."პარიზი და ბერლინი ვერ უზრუნველყოფდნენ საჭირო ხელმძღვანელობას - როგორც ცალ-ცალკე, ისე ერთად. ამიტომ, ყველა უყურებს ვაშინგტონს, როგორც მთავარ არბიტრს და არა ერთმანეთს", - დასძენენ ანალიტიკოსები.შეგახსენებთ, რომ დახმარების ახალ პაკეტში შეერთებულმა შტატებმა დაამტკიცა 150 კილომეტრამდე შორეული რაკეტების მიწოდება, რაც უკრაინას ყირიმის გათავისუფლების საშუალებას მისცემს.

1675584133

დავით არახამია
“ზელენსკიმ უკრაინის მოქალაქეობა ჩამოართვა მოღალატეებს, შემდეგი ნაბიჯი იქნება მათი დაკავება” - დავით არახამია

რადას ფრაქცია „ხალხის მსახურის“ თავმჯდომარის დავით არახამიას განცხადებით, უკრაინის პრეზიდენტმა ვოლოდიმირ ზელენსკიმ უკრაინის მოქალაქეობა ჩამოართვა მოღალატეებს, რომლებიც იყვნენ იანუკოვიჩის რეჟიმის ერთ-ერთი საყრდენი.ამის შესახებ არახამია Telegram-ზე წერს.მისი თქმით, შემდეგი ნაბიჯი მათი დაკავება და ქონების კონფისკაცია იქნება.„მოქალაქეობა ჩამოართვეს:ანდრეი კლიუევსდმიტრო ტაბაჩნიკსალექსანდრე კლიმენკოსვიტალი ზახარჩენკოსალექსანდრე იაკიმენკოს და ნაკლები საჯარო პირები პოლიტიკური ორბიტიდან.შემდეგი ნაბიჯი იქნება მათთვის სანქციების დაწესება, მათი დაკავება და სახელმწიფოს სასარგებლოდ ჩამორთმევა მთელი მათი ქონების, კორპორაციული უფლებებისა და სხვა აქტივების“, - წერს დავით არახამია. 

1675581285

ბუშტი
შეერთებულმა შტატებმა ჯაშუშად მიჩნეული ჩინური ბუშტი გაანადგურა

შეერთებულმა შტატებმა ჯაშუშად მიჩნეული ჩინური ბუშტი გაანადგურა. ინფორმაციას CNN ავრცელებს. აშშ-ს თავდაცვის დეპარტამენტის წარმომადგენლის თქმით, ვირჯინიის საჰაერო ძალების ბაზიდან  F-22 საბრძოლო თვითმფრინავები მონაწილეობდნენ.ამერიკელმა სამხედროებმა ატლანტის ოკეანის თავზე ჩინური ბუშტი AIM-9X რაკეტის გამოყენებით ჩამოაგდეს.ჟურნალისტების თქმით, მიზანში მხოლოდ ერთი რაკეტა იყო გასროლილი.შეგახსენებთ, რომ ცოტა ხნის წინ ამერიკელმა სამხედროებმა ამერიკის შეერთებული შტატების ჩრდილოეთ ნაწილში სადაზვერვო ბუშტი აღმოაჩინეს.თავის მხრივ, ჩინეთის საგარეო საქმეთა სამინისტრომ განაცხადა, რომ ბუშტი მათი ტერიტორიიდან გაფრინდა, მაგრამ არ გამოიყენებოდა დაზვერვისთვის.სახელმწიფო მდივანმა ენტონი ბლინკენმა განაცხადა, რომ ჩინეთის საჰაერო ბურთის ფრენა აშშ-ს ტერიტორიაზე ქვეყნის სუვერენიტეტისა და საერთაშორისო სამართლის დარღვევაა და ჩინეთში ვიზიტი გადადო.

1675577853

ბუჩა
ნიუ-იორკის შტატის დედაქალაქი ოლბანი ბუჩას აღდგენაში დაეხმარება

ნიუ-იორკის შტატის დედაქალაქი ოლბანი გახდება უკრაინული ბუჩას პარტნიორი ქალაქი და მას აღდგენაში დაეხმარება. ამის შესახებ ბუჩას მერმა ანატოლი ფედორუკმა განაცხადა, იუწყება RBC-Ukraine.ფედორუკი აშშ-ში ოლბანის მოსანახულებლად გაემგზავრა, რომლის მერია ბუჩასთან პარტნიორობის ინიციატივით გამოვიდა. საერთო ჯამში, დელეგაცია ამერიკაში ექვსი დღე დარჩება.„მთავარი მიზანია შეერთებული შტატების მოსახლეობას მივაწოდოთ ის, რაც ხდება უკრაინაში და დავამყაროთ პირდაპირი კავშირები პოლიტიკოსებთან, ფონდებთან, რომლებიც აღდგენაში გვეხმარება“, - განაცხადა მან.ფედორუკმა აღნიშნა, რომ „მნიშვნელოვანია დანგრეულის აღდგენა, მაგრამ რაც მთავარია, გავხდეთ ბევრად უფრო თანამედროვე და ძლიერი, ვიდრე ვიყავით 24 თებერვლამდე“.

1675574143

სოილუ
“ხელები შორს თურქეთისგან“ - თურქეთის შს მინისტრი აშშ-ის ელჩს მიმართავს

“ხელები შორს თურქეთისგან“ - თურქეთის შს მინისტრი აშშ-ის ელჩს მიმართავს. ინფორმაციას Bloomberg ავრცელებს.სულეიმან სოილუ აშშ-ს თურქეთის სახელმწიფოსთვის ზიანის მიყენების მცდელობაში სდებს ბრალს.მისი თქმით აშშ-ის ყველა ელჩი თურქეთში ჩამოსვლისას ჩქარობს, გაარკვიოს, როგორ არის შესაძლებელი თურქეთში სახელმწიფო გადატრიალების მოწყობა.„მივმართავ აშშ-ის ელჩს აქედან. მე ვიცი, რომელ ჟურნალისტებს აწერინებთ სტატიებს, ხელები შორს გქონდეთ თურქეთისგან. მკაფიოდ ვიცი, რა ჩაიდინეთ, რა ნაბიჯები გადადგით, როგორ გინდათ, შეარყიოთ თურქეთი“, – განაცხადა თურქეთის შინაგან საქმეთა მინისტრმა ანტალიაში ბრიფინგზე.მანამდე, საფრანგეთმა, გერმანიამ, იტალიამ და აშშ-მა გააფრთხილეს საკუთარი მოქალაქეები, რომ თურქეთში დიპლომატიურ მისიებზე თავდასხმების რისკი გაზრდილია. მიზეზად კი ევროპაში გამართული აქციების დროს ყურანის დაწვა დასახელდა.თურქეთის შინაგან საქმეთა მინისტრის განცხადებას  აშშ-ის სახელმწიფო დეპარტამენტი სიცრუეს უწოდებს. მათი თქმით, "თურქეთი არის ნატოს ღირებული მოკავშირე და აშშ-ის პარტნიორი უსაფრთხოების სფეროში. ამასთან, სახელმწიფო დეპარტამენტი ხაზს უსვამს, რომ საზღვარგარეთ მყოფი აშშ-ის მოქალაქეების უსაფრთხოება ვაშინგტონისთვის პრიორიტეტული საკითხია.

1675513154

რაკეტა
“უკრაინისთვის აშშ-ს ახალი სამხედრო დახმარების პაკეტი, მაღალი სიზუსტის შორი მანძილის რაკეტებს GLSDB-ს მოიცავს” - პენტანგონი

“უკრაინისთვის აშშ-ს ახალი სამხედრო დახმარების პაკეტი, მაღალი სიზუსტის შორი მანძილის რაკეტებს  GLSDB-ს მოიცავს”. შესაბამის ინფორმაციას პენტაგონი ავრცელებს2,2 მილიარდ დოლარამდე ოდენობის სამხედრო დახმარების ახალ პაკეტში ასევე შედის HIMARS-ისთვის საჭირო აღჭურვილობა და ჯავშანტექნიკა.„თავდაცვის დეპარტამენტმა დღეს გამოაცხადა უკრაინისთვის უსაფრთხოების დახმარების ახალი მნიშვნელოვანი პაკეტის შესახებ. ჯამში, აშშ-მა 2014 წლიდან უკრაინას უსაფრთხოების დახმარების სახით 32 მილიარდი დოლარი გამოუყო, მათ შორის 29,3 მილიარდი დოლარი რუსეთის არაპროვოცირებული და უკანონო ინტერვენციის შემდეგ. დღეს გამოცხადებული დახმარება მოიცავს კრიტიკულად მნიშვნელოვან საჰაერო თავდაცვის საშუალებებს, რაც დაეხმარება უკრაინას, დაიცვას თავისი ხალხი, ასევე ჯავშანტრანსპორტიორებს და სხვა ტექნიკას, რომელსაც უკრაინა ასე ეფექტიანად იყენებს, მათ შორის „ჯაველინებს“, ტანკსაწინააღმდეგო რაკეტებს, არტილერიას, აღჭურვილობასა და კონვენციურ და შორ მანძილზე მოქმედ რაკეტებს“, – განაცხადა პენტაგონის პრესსპიკერმა, პატრიკ რაიდერმა.GLSDB-ის ასათვისებლად და ინფრასტრუქტურის მოსამზადებლად უკრაინელებს თვეები არ დასჭირდებათ. მათი გამოყენება შესაძლებელია მიღებისთანავე.  ამასთან, GLSDB 2 ჯერ უფრო შორ მანძილზე ისვრის, ვიდრე  HIMARS და M270 სისტემები, რომელსაც უკრაინელები დიდი ხანია ითხოვენ.  ის უკრაინელ სამხედროებს საშუალებას მისცემს  უკრაინის აღმოსავლეთ ნაწილში რუსეთის მომარაგების ყველა ხაზს, ასევე რუსეთის მიერ ოკუპირებული ყირიმის ნახევარკუნძულის ნაწილს დაარტყას. აღსანიშნავია, რომ HIMARS-ის მოქმედების რადიუსი 77 კილომეტრს შეადგენს.ამერიკული გამოცემა The New York Times GLSDB-ის გადაცემას აფასებს როგორც ყირიმის მიზანში ამოღებას.

1675511508

მედვედევი
“მთელი უკრაინა დაიწვება, რუსეთი არ იზღუდება თავდასხმაზე რეაგირებისას“ - დიმიტრი მედვედევი

"რუსეთი არ იზღუდება თავდასხმაზე რეაგირებისას", - ამის შესახებ რუსეთის უშიშროების საბჭოს თავმჯდომარის მოადგილემ დიმიტრი მედვედევმა განაცხადა.  იტყობინება "Ria Novosti""ჩვენი პასუხი შეიძლება იყოს ნებისმიერი, ეს რუსეთის პრეზიდენტმა სრულიად დანამდვილებით თქვა. ჩვენ არ ვუყენებთ საკუთარ თავს რაიმე შეზღუდვას და, საფრთხის ბუნებიდან გამომდინარე, მზად ვართ გამოვიყენოთ ყველა სახის იარაღი", - განაცხადა მედვედევმა.როგორც რუსეთის უშიშროების საბჭოს თავმჯდომარის მოადგილემ აღნიშნა,  მსგავსი ქმედებები შეესაბამება რუსეთის დოქტრინებს, მათ შორის ბირთვული შეკავების საფუძვლებს.„გარწმუნებთ: პასუხი იქნება სწრაფი, მკაცრი და დამაჯერებელი“, - თქვა მან.მედვედევმა მცდარი უწოდა დასავლელი პოლიტიკოსების მოსაზრებას, რომლებსაც მიაჩნიათ, რომ უკრაინაში იარაღის გადაცემა რუსეთის ტერიტორიაზე დარტყმისთვის ხელს შეუწყობს სიტუაციის დიპლომატიურ დარეგულირებას."შედეგი იქნება სრულიად საპირისპირო. ამ შემთხვევაში მოლაპარაკებები არ იქნება - იქნება მხოლოდ საპასუხო დარტყმები. კიევის მმართველობის ქვეშ დარჩენილი მთელი უკრაინა დაიწვება", - თქვა მან.შეგახსენებთ, შეერთებულმა შტატებმა პარასკევს გამოაცხადა უკრაინისთვის 2,2 მილიარდი დოლარის სამხედრო დახმარების პაკეტი.მასში შედის საჰაერო თავდაცვა, HIMARS-ის შორი დისტანციის რაკეტები და შორ მანძილზე GLSDB ჭურვები.პენტაგონმა განმარტა, რომ ვაშინგტონი კიევის შეხედულებისამებრ უტოვებს ამ იარაღის გამოყენების შესაძლებლობას ყირიმზე დარტყმისთვის.

1675506225

ვაგნერი
ნორვეგიაში “ვაგნერის” ყოფილ მეთაურს დაკითხავენ - Reuters

ნორვეგიის პოლიცია რუსეთიდან იქ გაქცეულ კერძო სამხედრო კომპანიის „ვაგნერის“ ყოფილ მეთაურს, ანდრეი მედვედევს დაკითხავს. ამის შესახებ Reurters იუწყება.პოლიციის განცხადებით, მედვედევმა გამოთქვა დახმარების სურვილი, უკრაინაში ომის დანაშაულებში „ვაგნერელების" ბრალეულობის გამოსავლენად და სამართალდამცველებს „რამდენიმე ციფრული მასალა“ გადასცა.ასევე აღნიშნეს, რომ მას ჩვენების მიცემის ვალდებულება არ აქვს, რადგან საზღვრის უკანონო გადაკვეთის გარდა, ჯერჯერობით არაფერში არ არის ეჭვმიტანილი."მედვედევი ქმნის შთაბეჭდილებას, რომ მას სურს უფრო და უფრო მეტი ისაუბროს ვაგნერის დაჯგუფებაში მუშაობის გამოცდილებაზე", - აცხადებენ პოლიციაში.ასევე ვრცელდება ინფორმაცია, რომ ახლა მიღებულია ზომები მედვედევის დაცვის უზრუნველსაყოფად.შეგახსენებთ, მანამდე ცნობილი გახდა, რომ ვაგნერის თავდასხმის რაზმის მე-4 ოცეულის პირველი განყოფილების ყოფილი მეთაური ანდრეი მედვედევი რუსეთიდან ნორვეგიაში გაიქცა. ის მზად არის ჩვენება მისცეს ვაგნერის დამფუძნებლის ევგენი პრიგოჟინის წინააღმდეგ.მოგვიანებით მედიაში გავრცელდა ინფორმაცია იმის შესახებ, რომ მედვედევი დააკავეს და შესაძლოა მისი დეპორტაცია მომხდარიყო, თუმცა, საბოლოოდ პოლიციამ ის პატიმრობიდან გაათავისუფლა.

1675497277

ლეოპარდი
"კანადამ და მოკავშირეებმა უკრაინაში Leopard 2 ტანკების მიწოდება განიხილეს" - კანადის თავდაცვის მინისტრი

რამდენიმე მოკავშირე თავდაცვის მინისტრმა 3 თებერვალს გამართა შეხვედრა უკრაინის სამხედრო დახმარების შესახებ. ინფორმაციას კანადის თავდაცვის სამინისტროს ხელმძღვანელი ანიტა ანანდი Twitter-ზე აქვეყნებს.„მე შევხვდი კოლეგებს ფინეთიდან, ნიდერლანდებიდან, პორტუგალიიდან, ესპანეთიდან, გერმანიიდან და შვედეთიდან, რათა განგვეხილა სამხედრო აღჭურვილობის მატერიალური მხარდაჭერა, რომელსაც ჩვენ ვუგზავნით უკრაინას, მათ შორის Leopard 2-ის მთავარ საბრძოლო ტანკებს“, - თქვა ოფიციალურმა წარმომადგენელმა.ანანდმა აღნიშნა, რომ უკრაინის მხარდასაჭერად, მოკავშირეები გააგრძელებენ ერთობლივ მუშაობას წვრთნებზე, სათადარიგო ნაწილებსა და საბრძოლო მასალაზე.შეგახსენებთ, 26 იანვარს კანადამ ოფიციალურად გამოაცხადა უკრაინაში ოთხი Leopard 2 ტანკის გადაცემა. მოგვიანებით, უკრაინის პრეზიდენტმა ვოლოდიმირ ზელენსკიმ კანადის პრემიერ-მინისტრ ჯასტინ ტრიუდოს კიევის ჯავშანტექნიკის, არტილერიისა და ავიაციის საჭიროებები განიხილა. J'ai rencontré mes collègues de 🇫🇮🇳🇱🇵🇹🇪🇸🇸🇪🇩🇪 ce matin pour discuter de l'entretien de nos dons d'équipements à l'Ukraine, tels que les chars Leopard 2. Afin de soutenir l'Ukraine, nous continuerons à travailler ensemble sur la formation, les pièces de rechange et les munitions. — Anita Anand (@AnitaAnandMP) February 3, 2023

1675494888

ბორის ჯონსონი
“ღმერთმა დალოცოს შეერთებული შტატები!” ბორის ჯონსონი ვაშინგტონიდან მიმართვას ავრცელებს

დიდი ბრიტანეთის ყოფილი პრემიერ მინისტრი ბორის ჯონსონი ვაშინგტონს ეწვია, სადაც ამერიკელებს უკრაინის სამხედრო მხარდაჭერის გაზრდისკენ მოუწოდა.ამის შესახებ პოლიტიკოსმა Twitter-ზე ვიდეო მიმართვა გამოაქვეყნა."მე მხარს ვუჭერ უკრაინას ყველაფერი, რაც მას პუტინის დასამარცხებლად სჭირდება. შეერთებულმა შტატებმა ბევრი რამ გააკეთა - ამიტომაც მოვედი, რომ მადლობა გადავუხადო მათ და ვთქვა: "ღმერთმა დალოცოს შეერთებული შტატები", - განაცხადა ბრიტანეთის მთავრობის ყოფილმა მეთაურმა.ჯონსონმა გაავრცელა ვიდეო, რომელშიც თქვა, რომ "გაოცებულია რესპუბლიკელებისა და დემოკრატების, ასევე კონგრესის ორივე პალატის სოლიდარობით, რომლებიც იზიარებენ უკრაინის სრული მხარდაჭერის აზრს".მისი თქმით, უკრაინელებს უნდა მიეცეთ ყველაფერი, რაც მათ სჭირდებათ და რაც შეიძლება მალე - "ეს იქნება შეერთებული შტატების საუკეთესო გადაწყვეტილება და დაზოგავს ამერიკელ გადასახადის გადამხდელებს".I’m making the case for giving Ukraine everything it needs to defeat Putin The United States has done so much - that’s why I came to Washington to say thank you and ‘God bless the USA’ pic.twitter.com/BHHxvvj7rv— Boris Johnson (@BorisJohnson) February 3, 2023

1675492140